Header Ads

ເກີດເຫດແຜ່ນດິນໄຫວ 2.9 ແມັກນີຈູດ ຫ່າງຈາກສະຖານີທົດລອງອາວຸດນິວເຄຼຍເກົາຫຼີເໜືອ



ສໍານັກຂ່າວຕ່າງປະເທດລາຍງານໃນວັນທີ 12 ຕຸລາ ຜ່ານມາໂດຍອ້າງການເປີດເຜີຍຂໍ້ມູນຂອງສໍານັກງານອຸຕຸວິທະຍາຂອງກົາຫຼີເໜືອໃນເຊົ້າມື້ນີ້ຕາມເວລາໃນທ້ອງຖິ່ນ ວ່າເກີດເຫດແຜ່ນດິນໄຫວລະດັບ 2.9 ແມັກນີຈູດລະດັບຄວາມເລິກ 73 ກມ ທາງຕອນເໜືອຂອງແຂວງຮັມຍອງຂອງກົາຫຼີເໜືອ ເຊິ່ງໃກ້ກັບສະຖານນີທົດສອບອາວຸດນິວເຄຼຍ ປັງເຢ-ຣິ ເກົາຫຼີເໜືອ ( Punggye-ri Nuclear Test Site) ເຊິ່ງຍັງບໍ່ທັນໄດ້ຮັບການຢືນຢັ້ງວ່າເປັນເຫດການແຜ່ນດິນໄຫວເກີດຈາກທໍາມະຊາດ ຫຼື ເປັນຜົນກະທົບຂອງການທົດລອງອາວຸດນິວເຄຼຍເກົາຫຼີເໜືອ.






ທາງດ້ານອົງການ 38 North  ເຊິ່ງເປັນໜ່ວຍງານທີ່ໄດ້ຮັບການສະໜັບສະໜຸນຈາກ ສ. ອາເມລິກາ ໃນການຕິດຕາມ ແລະ ເຝົ້າລະວັງເປີດເຜິຍວ່າ : ນັບຕັ້ງແຕ່ເກົາຫຼີເໜືອທົດສອບອາວຸດນິວເຄຼຍຄັ້ງທີ 6 ຜ່ານມາ ດາວທຽມ ສ. ອາເມລິກາ ສາມາບັນທຶກພາບເຫດດີນຖະຫຼົ່ມໃນເຂດພື້ນທີ່ທົດສອບອາວຸດນິວເຄຼຍຂອງເກົາຫຼີເໜືອຫຼາຍຄັ້ງ ເຊິ່ງເຫດດັ່ງກ່າວເຮັດໃຫ້ຫຼາຍຝ່າຍກັງວົງວ່າອາດເປັນສາເຫດເຮັດໃຫ້ພູເຂົາໄຟເພກຕູ ທີ່ຕັ້ງຢູ່ເຂດຊາຍແດນ ຈີນ-ເກົາຫຼີເໜືອ ລະເບິດຂື້ນມາ ຫຼື ກາຍເປັນອັບເຕີຊ໊ອກ (After Shock) ຈົນເຮັດໃຫ້ມີດິນເຈື່ອນ ຫຼື ຖະຫຼົ່ມລົງມາທີ່ສາມາດກະທົບຜູ້ຄົນທີ່ອາໄສໃນເຂກໃກ້ບໍລິເວນດັ່ງກ່າວ. 




ຂໍ້ມູນ: express.uk.com 
© ໂຕະນໍ້າຊາຂ່າວ | www.tonamchanews.com 
___________

No comments

Powered by Blogger.