Header Ads

ນໍ້າຖ້ວມຄັ້ງໃຫຍ່ໃນຮອບຫຼາຍປີທີ່ປະເທດຫວຽດນາມ ເສຍຊີວິດແລ້ວ 54 ຄົນ, ບາດເຈັບ 31 ຄົນ ແລະ ສູນຫາຍ 39 ຄົນ



ສໍານັກຂ່າວຕ່າງປະເທດລາຍງານໃນວັນທີ 15 ຕຸລາ 2017 (ມື້ນີ້) ວ່າ: ປະເທດຫວຽດນາມກໍາລັງປະເຊີນກັບໄພນໍ້າຖ້ວມຢ່າງໜັກໃນຮອບຫຼາຍປີ ເຊິ່ງເປັນຜົນມາຈາກພະຍຸໄຕ້ຝຸ່ນທີ່ພັດເຂົ້າປະຫວຽດວຽດນາມໃນຕົ້ນອາທິດທີ່ຜ່ານມາ (ວັນອັງຄານ ທີ 10 ຕຸລາ) ເຮັດໃຫ້ມີຜູ້ເສຍຊີວິດແລ້ວ 54 ຄົນ, ບາດເຈັບ 31 ຄົນ ແລະ ສູນຫາຍ 39 ຄົນ ແລະ ມີແນວໂນ້ມວ່າໂຕເລກເຫຼົ່ານີ້ຈະເພີ່ມຂື້ນຕໍ່ເນື່ອງ.  ສໍາລັບຜົນກະທົບຂອງພະຍຸຫົວນີ້ຍັງເຮັດໃຫ້ປະຊາຊນາກວ່າ 30,000 ຄອບຄົວເຮືອຕ້ອງຖືກນໍ້າຖ້ວມ, ໄຮ່ນາ, ຮົ້ວສວນ, ເສັ້ນທາງ, ສັດລ້ຽງຈໍານວນຫຼາຍລົ້ມຕາຍ ແລະ ເສັ້ນທາງຄົມມະນາຄົມຖືກຕັດຂາດ. 







ອີງຕາມການລາຍງານຂອງສຳນັກງານບໍລິຫານຈັດການໄພພິບັດແຫ່ງຊາດຂອງຫວຽດນາມ ທ່ານ Nguyen Thi Lien ລະບຸຂໍ້ມູນເບື້ອງຕົ້ນລະບຸວ່າ:  ແຂວງທີ່ໄດ້ຮັບຜົນກະທົບໜັກທີ່ສຸດແມ່ນແຂວງ “Yen Bai”  ເຊິ່ງແຂວງດັ່ງກ່າວແມ່ນຕັ້ງຢູ່ທາງພາກເໝືອຂອງ ປະເທດຫວຽດນາມ ໂດຍຜົນກະທົບຈາກພະຍຸເຮັດໃຫ້ມີຜູ້ເສຍຊີວິດ 6 ຄົນ ແລະ ສູນຫາຍອີກ 16 ຄົນ ເຊິ່ງມີທະຫານຈໍານວນ 580 ຄົນ ແລະ ປະຊາຊົນກວ່າ 2,000 ຄົນກະຈາຍກໍາລັງກັນຄົ້ນຫາຜູ້ທີ່ສູນຫາຍ ແລະ ຊ່ວຍເຫຼຶອປະຊາຊົນທີ່ໄດ້ຮັບຜົນກະທົບ.​







ລາຍງານຂອງເຈົ້າໜ້າທີ່ຫວຽດນາມລະບຸຕື່ມອີກວ່າຢູ່ແຂວງ “Yen Bai” ມີເຮືອປະຊາຊົນຢ່າງໜ້ອຍ 317 ຫຼັງເສຍຫາຍຢ່າງໝັກທັງຫຼັງ ແລະ ຖືກພັດໄຫຼໄປຕາມກະແສນໍ້າຈາກເຫດດິນເຈື່ອນ ແລະ ມີເຮືອປະຊາຊົນຈໍານວນກວ່າ 34,000 ຫຼັງໄດ້ຮັບຄວາມເສຍຫາຍ ແລະ ຈົມຢູ່ໃຕ້ນໍ້າ ພ້ອມດຽວກັນກໍມີຮົ້ວສວນ-ໄຮ່ນາກວ່າ 22,000 ຮຕ ຖືກນໍ້າຖ້ວມ ແລະ ສັດລ້ຽວກວ່າ 80,000  ໂຕຕາຍ ແລະ ຖືກກະແສນໍ້າພັດໄຫຼໄປ. 












ຂໍ້ມູນ: abc.net.au  
© ໂຕະນໍ້າຊາຂ່າວ | www.tonamchanews.com 
___________


No comments

Powered by Blogger.