Header Ads

ມາສ່ອງການເຄື່ອນໄຫວລ່າສຸດຂອງມີສຢູນິເວີສລາວ “ສຸພາພອນ ສົມວິຈິດ” ໃນການກຽມໂຕບິນລັດຟ້າສູ່ມະຫານະຄອນ ລັສເວກັສ ສ. ອາເມລິກາ




ຂ່າວບັນເທິງມື້ນີ້ກັບ tonamchanews.com ມາສ່ອງການເຄື່ອນໄຫວລ່າສຸດຂອງມີສຢູນິເວີສລາວ ສຸພາພອນ ສົມວິຈິດ (ນຸ້ຍ) ໃນການກຽມໂຕບິນລັດຟ້າສູ່ມະຫານະຄອນ ລັສເວກັສ ສ. ອາເມລິກາ ເພື່ອເປັນຕົວແທນສາວລາວໄປປະກວດ Miss Universe ທີ່ ສ. ອາເມລິກາ ໃນກາງເດືອນພະຈິກນີ້ ເຊິ່ງລ່າສຸດ ສາວ ນຸ້ຍ ໄດ້ໂພສຂໍ້ຄວາມໃນເຟສບຸກ ຂໍກໍາລັງໃຈຈາກຄອບຄົບ ແລະ ພີ່ນ້ອງຊາວລາວ ພິເສດແມ່ນພີນ້ອງຊາວລາວທີ່ຢູ່ຕ່າງປະເທດໂດຍສະເພາະຄົນລາວທີ່ອາໄສຢູ່ໃນລັສເວກັສ ສ. ອາເມລິກາ.  



ສຸພາພອນ ສົມວິຈິດ ຈະອອກເດິນທາງໄປເກັບໂຕ ແລະ ຮ່ວມການປະກວດໃນວັນທີ່ 11 ພະຈິກ ແລະ ມື້ປະກວດຈິງແມ່ນວັນທີ 26 ພະຈິກ 2017 ເປັນອິກຄັ້ງທີ່ຄົນລາວຕ້ອງຮ່ວມໃຈກັນເຊຍ ນ້ອງ ສຸພາພອນ ສົມວິຈິດ ສາວລາວໜຶ່ງດຽວທີ່ເປັນຮ່ວມງານປະກວດ ນາງາມຈັກກະວານ ຫຼຶ Miss Universe ໂດຍເປັນຄັ້ງທໍາອິດ ແລະ ຄັ້ງປະຫັວດສາດຂອງ ສປປ ລາວ ທີ່ມີຕົວແທນສາວລາວເຂົ້າປະກວດໃນເວທີລະດັບໂລກແບບນີ້ ແລະ ກໍເປັນໂອກາດທີ່ເໜາະສົມສໍາລັບ ສປປ ລາວ ທີ່ກໍາລັງຈະເປີດປີທ່ອງທ່ຽວ 2018 ( ຫຼື Visit Laos Year  2018) ຖືໂອກາດນີ້ເຜີຍແຜ່ວັດທະນາທໍາລາວ, ສະຖານທີ່ທ່ອງທ່ຽວ, ເອກະລັກຄວາມເປັນລາວ  ແລະ ປະເທດລາວຜ່ານຕົວແທນສາວລາວ-ຄົນລາວ ສູ່ສາຍຕາຊາວໂລກ.  ທີມງານ tonamchamews.com ຂໍເປັນກໍາລັງໃຫ້ ສຸພາພອນ ສົມວິຈິດ ກັບພາລະກິດສໍາຄັນອັນສູງສົ່ງ ແລະ ມີກຽດໃນຄັ້ງນີ້.   



















ຂໍ້ມູນNui Soupphaphone Somvichit  
© ໂຕະນໍ້າຊາຂ່າວ | www.tonamchanews.com 
___________

No comments

Powered by Blogger.