Header Ads

ມອບ-ຮັບ ໂຄງການບູລະນະປະຕິສັງຂອນອາຮາມວັດວິຊຸນ ແຂວງຫຼວງພະບາງ



ໂຄງການບູລະນະປະຕິສັງຂອນອາຮາມວັດວິຊຸນ ໄດ້ເລີ່ມປະຕິບັດມາແຕ່ ປີ 2015 ເປັນ ຕົ້ນມາ ໂດຍການຈັດຕັ້ງປະຕິບັດຂອງ ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຫຼວງພະບາງ ໂດຍໄດ້ຮັບທຶນຊ່ວຍເຫຼືອລ້າຈາກກອງທຶນທ່ານທູດ ເພື່ອການອະນຸລັກວັດ ທະນະທຳ ແຫ່ງສະຫະລັດອາເມຣິກາ ໃນມູນຄ່າທັງໝົດ 257,000 ໂດລາສະຫະລັດ ແບ່ງອອກເປັນ 2 ຊ່ວງ ຄື: ຊ່ວງທີ1 ມູນຄ່າ 125.000 ໂດລາສະຫະລັດ, ຊ່ວງທີ2 ມູນຄ່າ 132,000 ໂດລາສະຫະລັດ ໂດຍແມ່ນບໍລິສັດສຸວັນນະລິດກໍ່ສ້າງ ເປັນຜູ້ຮັບເໝົາສ້ອມແປງ ເຊີ່ງການບູລະນະຊ່ວງທີ1 ແມ່ນສ້ອມແປງຫຼັງຄາອາຮາມວັດ, ສ່ວນຊ່ວງທີ2 ແມ່ນສ້ອມແປງຝາ, ທາສີຝາລູກຕິ່ງປະຕູປ່ອງຢ້ຽມ ແລະ ເສົາ, ສ້ອມແປງກາໂລພື້ນ, ແຕ້ມດອກລວດລາຍໄມ້ຂື່, ໄມ້ກອນ, ໄມ້ເສົາ, ຕິດຕັ້ງລະບົບໄຟຟ້າໃໝ່ ແລະ ລະບົບກັນຝ້າຜ່າ, ເຊີ່ງມາຮອດປັດຈຸບັນແມ່ນໄດ້ສຳເລັດເປັນທີ່ຮຽບຮ້ອຍແລ້ວ.

ພິທີມອບ-ຮັບ ໂຄງການບູລະນະປະຕິສັງຂອນອາຮາມວັດວິຊຸນ ດັ່ງກ່າວ ໄດ້ຈັດຂຶ້ນໃນ ວັນທີ 21 ຕຸລາ 2017 ທີ່ວັດວິຊຸນ ໂດຍການກ່າວມອບ ຂອງ ທ່ານ ນາງ ຣີນາ ບິດເຕີ ເອກອັກຄະລັດຖະທູດ ສະຫະລັດອາເມຣິກາ ປະຈຳ ສປປ ລາວ, ກ່າວຮັບແມ່ນ ທ່ານ ຄຳຂັນ ຈັນທະວີສຸກ ເຈົ້າແຂວງຫຼວງພະບາງ ມີຫົວໜ້າພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວ, ບໍລິສັດຜູ້ຮັບເໝົາ ແລະ ແຂກຖືກເຊີນທີ່ກ່ຽວຂ້ອງເຂົ້າຮ່ວມ.


ຂໍ້ມູນ: ເກສອນ ແກ້ວລາ/ຂ່າວສານຫຼວງພະບາງ
© ໂຕະນໍ້າຊາຂ່າວ | www.tonamchanews.com 
___________

No comments

Powered by Blogger.