Header Ads

ເຈົ້າໜ້າທີ່ພາສີຂົວມິດຕະພາບ ກັກຕົວຄົນໄທ ພ້ອມຢຶດສັດຫວງຫ້າມຫຼາຍລາຍການ ລັກລອບນໍາເຂົ້າລາວ



ອີງຕາມການລາຍງານຂ່າວຂອງນັກຂ່າວ ກະຊວງການເງິນ ວ່າ: ເຈົ້າໜ້າທີ່ພາສີຂົວມິດຕະພາບ1ສາມາດຢຶດສັດປະເພດຫວ່າງຫ້າມໄດ້ຫຼາຍຊະນິດເມື່ອວັນທີ 15 ຕຸລາ 2017 ທີ່ຊຸກເຊື່ອງໃນລົດກະບະໂຕໂຍຕາ ວີໂກ ໝາຍເລກທະບຽນ ກຄ 4008 ໜອງຄາຍ ປະເທດໄທ ເຊິ່ງກຽມນຳເຂົ້າສປປລາວ



ທ່ານ ສຸດໃຈ ອິນທະວົງຮອງຫົວໜ້າດ່ານພາສີສາກົນຂົວມິດຕະພາບ 1 ນະຄອນຫຼວງວຽງຈັນ-ໜອງຄາຍ ລາຍງາບໃຫ້ຊາບວ່າ: ໃນວັນທີ 15 ຕຸລາ 2017 ເວລາ 07:30 ໂມງ ທີ່ດ່ານພາສີສາກົນຂົວມິດຕະພາບ 1 ຈຸງານກວດກາພາຫະນະ-ຜູ້ໂດຍສານ ແລະໜ່ວຍງານທີ່ກ່ຽວຂ້ອງໄດ້ກວດກາພົບເຫັນສັດສະຫວງຫວງຫ້າມທີ່ນອນໃນບັນຊີຂອງອົງການ ໄຊເຕັດປະເພດກະປອມຂຽວ (ຄ່າບິລ່ຽນ)ຈໍານວນ 20 ໂຕ, ກະປອມແດງນ້ອຍ ຈໍານວນ 10 ໂຕ, ເຕົ່າອິນເດຍນ້ອຍ ຈຳນວນ 27 ໂຕ, ເຕົ່າບົກຍັກ ຊູຄາຕ້ານ້ອຍ ຈຳວນ 04 ໂຕ, ເຕົ່ານ້ອຍ (ຫໍ່ຜ້າໃນກ່ອງ) ຈຳນວນ 09 ໂຕ, ງູນ້ອຍ (ຫໍ່ຜ້າໃນກ່ອງ) ຈຳນວນ 04 ໂຕ ແລະ ງູນ້ອຍ ອອນໂນດ ຈຳນວນ 07 ໂຕດ ຄິດສະເລ່ຍເປັນມູນຄ່າເບື້ອງຕົ້ນປະມານ 100 ລ້ານກວ່າກີບ.



ນອກນັ້ນຍັງມີສັດຫ່ວງຫ້າມອີກຈຳນວນໜຶ່ງທີ່ບໍ່ສາມາດພິສູດໄດ້ວ່າແມ່ນສັດປະເພດໃດ ແລະ ບໍ່ສາມາດປະເມີນລາຄາໄດ້,ພ້ອມທັງໄດ້ຢຶດຂອງກາງປະເພດສັດ, ໃນລົດກະບະຫຍີ້ຫໍ້ໂຕໂຍຕາ ວີໂກ ໝາຍເລກທະບຽນ ກຄ 4008 ໜອງຄາຍ ແລະ ກັນຕົວຜູ້ຕ້ອງຫາຊື່ ທ້າວ ສະກົນ ຈັນພິນິດ ອາຍຸ 48 ປີອາຊີບຮັບຈ້າງ (ສັນຊາດໄທ) ຖືພັດສະປອດ ເລກທີ A00189086 ລົງວັນທີ 19 ກັນຍາ 2017 ເຊິ່ງເປັນເຈົ້າຂອງລົດທີ່ເຈົ້າໜ້າທີ່ພາສີສາກົນຂົວມິດຕະພາບ 1 ໄດ້ທຳການກວດກາ ແລະ ໄດ້ພົບເຫັນສັດສະຫວງຫວງຫ້າມຈຳນວນດັ່ງກ່າວທີ່ຊຸກເຊື່ອງມາໃນລົດໃນຮູບແບບໃສ່ເກັດເຈ້ຍທົ່ວໄປ ເຈົ້າໜ້າທີ່ຈຶ່ງໄດ້ຢຶດໄວ້ເພື່ອທຳເພື່ອທໍາການສືບສວນ-ສອບສວນຫາຜູ້ຮ່ວມຂະບວນການມາດໍາເນີນຄະດີຕາມລະບຽບກົດໝາຍຕໍ່ໄປ.



ສໍາລັບປະເພດຫວງຫ້າມດັ່ງກ່າວ, ພ້ອມທັງພາຫະນະຜູ້ຖືກຫາ ທາງຄະນະຊີ້ນໍາດ່ານພາສີສາກົນ ຂົວມິດ ຕະພາບ 1 ປະສານຫາກອງກວດກາປ່າໄມ້ນະຄອນຫລວງ ແລະ ຕຳຫລວດສະເພາະກິດ ແລະ ມອບຂອງກາງຈຳນວນດັ່ງກ່າວເພື່ອນຳໄປດຳເນີນຄະດີຕາມລະບຽບການ ແລະ ກົດໝາຍໃນຂັ້ນຕໍ່ໄປ.




ພາບ ແລະ ຂ່າວ: ກະຊວງການເງິນ
© ໂຕະນໍ້າຊາຂ່າວ | www.tonamchanews.com 
___________

No comments

Powered by Blogger.