Header Ads

ນຸ້ຍ ສຸພາພອນ ເປີດໃຈເລື່ອງ “ຊຸດປະຈຳຊາດ” ພາຍຫຼັງທີ່ຂື້ນໂຊໃນເວທີປະກວດນາງງານຈັກກະວານ ທີ່ ລັສເວກັສ ສ. ອາເມລິກາ


 


ຈາກກໍລະນິກະແສຂ່າວ “ຊຸດປະຈຳຊາດ” ຂອງມິສຢູນິເວີສລາວ ເຊິ່ງຈະເປັນໂຕແທນສາວລາວໄປປະກວດນາງງານຈັກກະວານ (Miss Universse 2017) ທີ່ ລັວເວກັສ ສ. ອາເມລິກາ  ແຕ່ພໍເປີດໂຕຊຸດ “ຊຸດປະຈຳຊາດ” ເຮັດເອົາແຟນຄລັບ ແລະ ກອງເຊຍຕ້ອງອອກມາສະແດງຄວາມຄິດເຫັນກັນຕ່າງໆນາໆ ຈົນເຮັດໃຫ້ຄະນະກອງປະກວດມິສຢູນິເວີສລາວ ຕ້ອງມີການປັບແຜນ ແລະ ຊຸ້ມຕັດຫຍິບຊຸດປະຈຳຊາດ ຂອງມິສຢູນິເວີສລາວ ອອກມາໃໝ່ເພື່ອນໍາໄປອວດໂສມທີ່ເວທີນາງງານຈັກກະວານ  ເຊິ່ງລ່າສຸດ ນຸ້ຍ ສຸພາພອນ ກໍອອກມາເປີດໃຈ ຜ່ານເຟສບຸ໊ກສ່ວນໂຕກ່ຽວກັບເລື່ອງນີ້ ໂດຍເນື້ອຫາ ແລະ ໃຈຄວາມປະມານວ່າ :





ກ່ອນຈະມາພົບກັນ ກ່ອນຈະມາເປັນຄຳວ່າ “ຊຸດປະຈຳຊາດ” ພວກເຮົາຜ່ານຜ່າຫຍັງນຳກັນມາຫຼາຍໆ ນຸ້ຍເອງຕ້ອງຂໍຂອບໃຈທາງຜູ້ອອກແບບ,ຜູ້ເຮັດ Billy Si Amphan ຜູ້ໃຫ້ຄຳປຶກສາYim Hansana ແລະ ຜູ້ທີ່ນຳມາໃຫ້ Sinpaseuth Tou Chounramanyสิทธิชัย สิทธิชัย ແລະ ຜູ້ທີ່ສະໜັບສະໜູນຫຼັກຂອງຊຸດນີ້ ແລະ ເປັນທີ່ດູແລນຸ້ຍໃນທຸກເລື່ອງຄວາມງາມກໍແມ່ນຮ້ານ P-one Cosmetic  ແລະ ຂໍຂອບໃຈຊຸດໄໝງາມໆຈາກ ບ້ານຫູກຈອມມະນີ ທີ່ໃຫ້ນຸ້ຍໄດ້ໃສ່







ຈາກໃຈນຸ້ຍເອງຂໍຂອບໃຈທຸກຄົນທີ່ຢູ່ເບື້ອງຫຼັງ ທຸກຄົນທຸ້ມເທ່ ອາດຈະບໍ່ມີໃຜຮູ້ວ່າພວກເຂົາທຸ້ມເທ່ເພື່ອປະເທດຊຳ່ໃດ ບໍ່ໄດ້ຫຼັບບໍ່ໄດ້ນອນ ທຸກຄົນຕັ້ງໃຈຢາກເຫັນຊຸດລາວທີ່ນຸ້ຍເປັນຕົວແທນໄປຢືນຢູ່ເວທີໂລກແລ້ວປະກາດອອກໄປວ່ານີ້ຄືລາວ ວັດທະນະທຳ ຮີດຄອງປະເພນີ ທີ່ສະແດງອອກບົນຊຸດ ໃຫ້ເອກອ້າງຄວາມເປັນລາວຢ່າງພູມໃຈ.







ຫຼັງຈາກໂຊແລ້ວລົງມາມີນັກຂ່າວມາສຳພາດກ່ຽວກັບຊຸດສອງຄົນ ດີໃຈທີ່ໄດ້ເວົ້າກ່ຽວກັບວັດທະນະທຳລາວ ດີໃຈທີ່ຕ່າງຊາດສົນໃຈໃນຊຸດເຮົາ ແລະ ຢາກໃຫ້ມາລຸ້ນເຊຍເປັນກຳລັງໃຈໃນອີກໜຶ່ງລາງວັນ ຄື ລາງວັນຊຸດປະຈຳຊາດ ມາເຊຍ “ທິດາພັນສາ” ກັນ  ການອອກແບບຊຸດປະຈຳຊາດໃນຄັ້ງນີ້ ແມ່ນໄດ້ແຮງບັນດານໃຈມາຈາກການໃຊ້ວັດທະນະທຳບຸນປະເພນີອອກພັນ ແລະ ຄວາມເປັນຈິງຂອງປວງຊົນລາວທຸກຄົນ ທີ່ສືບສານວັດທະນະທຳມາແຕ່ດັ້ງເດີມ ເປັນຕົ້ນແມ່ນ ບຸນປະເພນີລອຍກະທົງ ,ໄຫລເຮືອໄຟ , ແລະກິດຈະກຳແສງສີທີ່ປະຊາຊົນລາວໄດ້ສືບສານປະຕິບັດໃນແຕ່ລະປີ ແລະໄດ້ນຳມາປະສົມປະສານກັບການນຸ່ງຖືແບບຜູ້ຍິງລາວດັ້ງເດີມ ເຊິ່ງແມ່ນການນຸ່ງສີ້ນ ເກົ້າຜົມບ່ຽງແພ ແລະທີຂາດບໍ່ໄດ້ເລີຍກໍແມ່ນດອກໄມ້ນານາຊະນິດ ເຊິ່ງເຮົາກໍໄດ້ຍົກເອົາດອກດາວເຮືອງເຊິ່ງເປັນດອກໄມ້ທີ່ຂາດບໍ່ໄດ້ເລີຍໃນງານບຸນຕ່າງ ຈຶ່ງໄດ້ມາເປັນ ຊຸດ “ທີດາພັນສາເຮືອງມາລາ ”





ຜູ້ສະຫນັບສະຫນູນຫລັກ: P-one cosmetics ທ່ານ ນາງ ສິນປະເສີດ ຈູນລະມະນີ
ຊຸດອອກແບບແລະຕັດຫຍິບໂດຍ : Billy Siamphan
ທີ່ປຶກສາແລະຊ່ວຍເຫລືອ : Yim Hansana
ແປພາສາ : Aaron Boupha
ຊຸດສີ້ນແລະຜ້າບ່ຽງ : ບ້ານຫູກຈອມມະນີ Palamy Vongxay





The design of this national dress is inspired by the merit, culture, tradition and harmony of all Laotian who have cultivated from the old, especially the Loy Krathong, Flow fire boats, the light and colorful activities that Laos people continue to practice each year round.

A series designed with a mixture of women’s apparel, ranging from the use of original Laos silk, beautiful rolled up hair with silk shawls covering their shoulders.




There are flowers that we use in various traditions but we specifically chosen the Marigold flower which is a popular flower in the traditional merit. This is our national dress: " THI DA PHAN SA HUEANG MA LA "

Sponsored by: P-one cosmetics Mrs : Sinpaseuth Chounramany
Designer: Billy Si amphan
Assistant: Yim Hansana
Translate description by : Aaron Boupha
Laos handicraft sinh: Banhook chommany. Mrs palamy vongxay


ຂໍ້ມູນ:Nui Soupphaphone Somvichit
© ໂຕະນໍ້າຊາຂ່າວ | www.tonamchanews.com
___________

No comments

Powered by Blogger.