Header Ads

ເຊື່ອມຊຶມມະຕິກອງປະຊຸມຄົບຄະນະຄັ້ງທີ 5 ສູນກາງພັກສະໄໝທີ X




ກະຊວງແຮງງານ ແລະ ສະຫັວດດີການສັງຄົມ ( ຮສສ )ໄດ້ຈັດຕັ້ງພິທີເຜີຍແຜ່ເຊື່ອມຊຶມມະຕິກອງປະຊຸມຄົບຄະນະ ຄັ້ງທີ 5 ຂອງຄະນະບໍລິຫານສູນກາງພັກສະໄໝທີ x ໃຫ້ແກ່ພະນັກງານຫຼັກແຫຼ່ງນໍາພາ - ຄຸ້ມຄອງ, ພະນັກງານ - ສະມາຊິກພັກອ້ອມຂ້າງກະຊວງ ຮສສ ຂຶ້ນໃນວັນທີ 22 ພະຈິກ 2017; ເປັນປະທານຂອງ ທ່ານ ປອ ຄຳແພງ ໄຊສົມແພງ ກຳມະການສູນກາງພັກ, ເລຂາຄະນະພັກກະຊວງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ຄະນະພັກ - ຄະນະນໍາ, ສະມາຊິກສົມບູນ - ສຳຮອງ ແລະ ພະນັກງານວິຊາການເຂົ້າຮ່ວມຢ່າງພ້ອມພຽງ.





ທ່ານ ປອ ຄຳແພງ ໄຊສົມແພງ ກ່າວວ່າ: ການເຜີຍແຜ່ເອກະສານໃນຄັ້ງນີ້, ເພື່ອນເປັນການຈັດຕັ້ງຜັນຂະຫຍາຍມະຕິກອງປະຊຸມຄົບຄະນະ ຄັ້ງທີ 5 ຂອງຄະນະບໍລິຫານສູນກາງພັກ ສະໄໝທີ x ແລະ ກອງປະຊຸມຄັ້ງນີ້ເປັນເງື່ອນໄງໜຶ່ງ ທີ່ເປັນພື້ນຖານໃຫ້ແກ່ການຫັນປ່ຽນພະນັກງານໃຫ້ມີສະຖຽນລະພາບ, ມີຄວາມໜັກແໜ້ນດ້ານການເມືອງ, ມີຄວາມສາມັກຄີປອງດອງພາຍໃນ ແລະ ສືບຕໍ່ເພີ່ມທະວີຄວາມເປັນລະບຽບຮຽບຮ້ອຍໃນສັງຄົມ, ເຊິ່ງເນື້ອໃນກອງປະຊຸມໄດ້ເນັ້ນໃຫ້ພະນັກງານນຳພາຍົກສູງການນຳພາ - ຄຸ້ມຄອງສະມາຊິກພັກ - ພະນັກງານໃຫ້ມີສະຕິລະວັງຕົວຕໍ່ກົນອຸບາຍມ້າງເພທຳລາຍຂອງອິດທິກຳລັງປໍລະປັກ ແລະ ພວກຄົນບໍ່ດີ, ຈຳກັດການເຊື່ອມຖອຍທາງດ້ານແນວຄິດ ຄຸນສົມບັດສິນທຳປະຕິວັດ ແລະ ແບບແຜນດຳລົງຊີວິດ, ຮັບປະກັນການປົກປັກຮັກສາ ແລະ ເພີ່ມທະວີຄວາມສາມັກຄີເປັນເອກະພາບພາຍໃນພັກ, ເປັນກ້ອນກຳລັງແຮງໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ກ້າວສູ່ຄວາມມັ່ງຄັ່ງເຂັ້ມແຂງ.



ເອກະສານທີ່ນຳມາເຜີຍແຜ່ຄັ້ງນີ້, ມີ 4 ເອກະສານ ຄື: ເອກະສານຄຳສັ່ງຂອງຄະນະເລຂາທິການສູນກາງພັກສະບັບເລກທີ 8/ຄລສພ, ລົງວັນທີ 13 ຕຸລາ 2017 ກ່ຽວກັບມະຕິກອງປະຊຸມຄົບຄະນະຄັ້ງທີ 5 ຂອງຄະນະບໍລິຫານງານສູນກາງພັກ ສະໄໝທີ 10, ເອກະສານເຊື່ອມຊຶມ ມະຕິ ເລກທີ 26/ຄບສພ, ວ່າດ້ວຍການເພີ່ມທະວີວຽກງານຄຸ້ມຄອງ ແລະ ພັດທະນາທີ່ດິນໃນໄລຍະໃໝ່, ເອກະສານການສົ່ງເສີມວິສາຫະກິດຂະໜາດນ້ອຍ, ກາງ ແລະ ເອກະສານມະຕິກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 5 ສະໄໝທີ x ຂອງພັກ.

ຂ່າວ: ເພັດສະໄໝ (ກະຊວງແຮງງານ ແລະ ສະຫວັດດີດານສັງຄົມ)
© ໂຕະນໍ້າຊາຂ່າວ | www.tonamchanews.com

___________

No comments

Powered by Blogger.