Header Ads

ວົງເຊລ ຖືກຍົກເລີກການສະແດງໃນງານ ASEAN Music Festival ທີ່ປະເທດຟິລິບປິນ



ສໍາລັບ ງານ ASEAN Music Festival 2017 ແມ່ນຂຶ້ນທີ່ ມາກາຕີ ແມັດໂຕຣມະນິລາ ປະເທດຟິລິປິນ ໃນວັນທີ 15 ພະຈິກ 2017 ໂດຍມີ 9 ປະເທດສະມາຊິກອາຊຽນທີ່ໄດ້ຮັບເຊີນໄປເຂົ້າຮ່ວມງານສະແດງ ເຊິ່ງໜຶ່ງໃນນັ້ນແມ່ນ ວົງເຊລ ເປັນໂຕແທນປະເທດລາວເຂົ້າຮ່ວມ.








ງານເລີ່ມຂື້ນຢ່າງມ່ວນຊື່ນ ແລະ ມີຜູ້ເຂົ້າຮ່ວມມະຫາສານ ໂດຍເຈົ້າໜ້າທີ່ລະບຸວ່າມີຜູ້ຊົມເຂົ້າໄປຊົມຄອນເສີດນີ້ເຖິງ  2-3 ໝື່ນ  ແຕ່ສະຖານຈັດງານທີ່ບັນຈຸຜູ້ຊົມໄດ້ພຽງ 1,000 ຄົນເທົ່ານັ້ນ ສົ່ງຜົນໃຫ້ງານຕ້ອງໄດ້ຢຸດຕິເນື່ອງຈາກມີຝູງຊົນ (ຜູ້ຊົມ) ຈໍານວນຫຼາຍ ໂດຍທາງເຈົ້າໜ້າທີ່ຈັດງານໄດ້ພະຍາຍາມຂໍໃຫ້ຜູ້ຊົມຈໍານວນໜຶ່ງກັບບ້ານ ແຕ່ຄວາມພະຍາຍາມນີ້ບໍ່ເປັນຜົນ ເນື່ອງຈາກຜູ້ຜູ້ຊົມຫຼັ່ງໄຫຼເຂົ້າຕື່ມເລື່ອຍ ຈົນເຮັດໃຫ້ຜູ້ຈັດງານຕັດສີນຢຸດຕິການສະແດງຄອນເສີດ ພ້ອມກັບຂໍໂທດສີລະປິນຈາກທຸກປະເທດທີ່ເດີນທາງມາຮ່ວມງານ.




ລ່າສຸດ, ສັກ ຕາງໜ້າວົງເຊລ ກໍໄດ້ອອກມາ LIVE ສົດຜ່ານເຟສບຸກ ເຖິງສະຖານະການທີ່ວົງບໍ່ໄດ້ຂື້ນສະແດງໃນງານ ASEAN Music Festival 2017 ທີ່ ມາກາຕີ ແມັດໂຕຣມະນິລາ ປະເທດຟິລິປິນ ເພື່ອໃຫ້ແຟນຮັບຊາບ ພ້ອມກັບລະບຸຂໍ້ຄວາມວ່າ “ ປະສົບການໃໝ່ ຄົນລົ້ນງານ ບໍ່ໄດ້ຫຼິ້ນ”.



ຂໍ້ມູນ: Sack Cells Ratana-inthavong
© ໂຕະນໍ້າຊາຂ່າວ | www.tonamchanews.com
___________



No comments

Powered by Blogger.