Header Ads

ຍົກລະດັບຄຸນນະພາບການບໍລິການທ່ອງທ່ຽວໃນການບໍລິການທັງພາກລັດ ແລະ ພາກເອກະຊົນ






ວັນທີ 28 ພະຈິກ 2017 ນີ້ ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຫຼວງພະບາງ ໄດ້ເປີດຝຶກອົບຮົມ ຍົກລະດັບຄຸນນະພາບການບໍລິການທ່ອງທ່ຽວ ໃຫ້ແກ່ພະນັກງານ ຈາກພາກລັດ ແລະ ພາກທຸລະກິດຂຶ້ນ ທີ່ຫ້ອງປະຊຸມຂອງພະແນກກະສິກຳ ແລະ ປ່າໄມ້ແຂວງ ໂດຍການເປັນປະທານຂອງທ່ານ ປອ ນາງ ສຸດາພອນ ຄົມທະວົງ ຮອງຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ, ມີບັນດາວິທິຍາກອນ ແລະ ສຳມະນາກອນຈາກພາກລັດ ແລະ ພາກທຸລະກິດ ອ້ອມຂ້າງແຂວງເຂົ້າຮ່ວມ.



ທ່ານ ປອ ນາງ ສຸດາພອນ ຄົມທະວົງ ຮອງຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ ເປັນຂຶ້ນກ່າວເປີດ ແລະ ມີຄຳເຫັນຕໍ່ຊຸດຝຶກອົບຮົມຄັ້ງນີ້ວ່າ: ເຊິ່ງໄລຍະຜ່ານມາ ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໄດ້ມີການຈັດຝຶກອົບຮົມຫຼາຍຄັ້ງ ແລະ ມີຫຼາຍຫົວຂໍ້ ໂດຍເນັ້ນໃສ່ບັນດາຜູ້ໃຫ້ການບໍລິການຢູ່ທີ່ ໂຮງແຮມເຮືອນພັກຮ້ານອາຫານ ແລະ ຜູ້ນຳທ່ຽວ.


 ການຈັດຝຶກອົບຮົມຄັ້ງນີ້ ຍັງເປັນການຍົກລະດັບຄວາມຮູ້ ແລະ ແນ່ໃສ່ຍົກຂີດຄວາມສາມາດ ໃຫ້ແກ່ພະນັກງານຈາກພາກລັດ ແລະ ພາກທຸລະກິດ ໄດ້ຮັບຮູ້ເຂົ້າໃຈ ຕໍ່ໃຫ້ການບໍລິການຢູ່ສະຖານທີ່ແຫຼ່ງທ່ອງທ່ຽວຕ່າງໆຢ່າງມີປະສິດທິພາບ ໂດຍສະເພາະແມ່ນການບໍລິການທີດີ, ການຮັບແຂກທີດີ, ການເປັນແມ່ບ້ານທີດີ ກໍ່ຄືການເປັນເຈົ້າພາບທີດີໃນການຕ້ອນຮັບແຂກພາຍໃນ ແລະ ຕ່າງປະເທດທີເຂົ້າຮ່ວມທ່ຽວຊົມ. ພ້ອມດຽວກັນນີ້ ຍັງເປັນການຍົກລະດັບຄວາມຮູ້ໃຫ້ແກ່ພະນັກງານພາກ ແລະ ພາກທຸລະກິດ ເພື່ອກະກຽມໃຫ້ແກ່ປີທ່ອງທ່ຽວລາວ 2018 ທີຈະມາເຖິງໃນມໍ່ໆນີ້ ໃຫ້ຮັບປະກັນຄຸນນະພາບໃນດ້ານການບໍລິການ ແນ່ໃສ່ດຶງດູດເອົານັກທ່ອງທ່ຽວໃຫ້ເຂົ້າມາທ່ຽວຊົມ ສປປ ລາວ ກໍ່ຄືແຂວງ ຫຼວງພະບາງນັບມື້ຫຼາຍຂຶ້ນ. ທ່ານ ປອ ນາງ ສຸດາພອນ ຄົມທະວົງ ກໍໄດ້ຮຽກຮ້ອງໃຫ້ນັກສຳມະນາກອນ ຈົ່ງພ້ອມກັນເອົາໃຈໃສ່ຄົ້ນຄວ້າ, ປະກອບຄຳຄິດຄຳເຫັນຊ່ວຍກັນ ເພື່ອເຮັດແນວໃດເຮັດໃຫ້ຊຸດຝຶກອົບຮົມຄັ້ງນີ້ມີຜົນສຳເລັດ ແລະ ນຳເອົາບົດຮຽນທີຈະຜ່ານການຝຶກອົບຮົມນຳໄປໜູນໃຊ້ເຂົ້າໃນວຽກງານທີຕົນເອງຮັບຜິດໃຫ້ເກີດຜົນປະໂຫຍດສູງສຸດ.



ຂ່າວ ແລະ ພາບ: ເພັດສາຄອນ ສິມມະວົງ
© ໂຕະນໍ້າຊາຂ່າວ | www.tonamchanews.com
___________

No comments

Powered by Blogger.