Header Ads

ແຈ໊ດມາ ຖີ້ມໝວກເຈົ້າພໍ່ ອາລີບາບາ ຫັນມາໃສ່ໝວກພະເອກໃນຮູບເງົາກັງຟູ



ຊື່ອວ່າຫຼາຍຄົນຮູ້ຊາຍຄົນທີ່ຊື່ ແຈ໊ດມາ ບໍ່ຫຼາຍກໍນ້ອຍ ເຊິ່ງເປັນບຸກຄົນທີ່ຊົງອິດທິພົນຄົນໜຶ່ງຂອງຈົນ ແລະ ຂອງໂລກໃນຖະນະເຈົ້າອີຄອມເມີສ ແຫ່ງອານາຈັກ ອາລີບາບາ ໂດຍ ແຈ໊ດມາ ຂື້ນຊື່ເລື່ອງຄວາມຄິດສະໄໝໄໝ່, ຄິດສ້າງສັນ, ຄິດຢ່າງມີລະບົບ ແລະ ມີອາລົມດີ (A Good Sense of Humour )  ເຊິ່ງຫຼາຍຄັ້ງ ແຈ໊ດມາ ມາເຮັດເລື່ອງແປກຜະຫຼາດທີ່ຫຼາຍຄົນອາດບໍ່ຄາດຄິດບໍ່ວ່າຈະເປັນການແຕ່ງໂຕຄ້າຍກັບລາຊາເພງປ໊ອບ ໄມເຄີລ ແຈ໊ດສັນ  ໃນງາຍຄົບຮອບ 18 ປີການກໍ່ຕັ້ງ ອານາຈັກ ອາລີບາບາ ແລະ ວິລະກໍາອື່ນໆທີ່ຜູ້ຊາຍຄົນນີ້ມັກສ້າງຄວາມຮຶຮາ ແລະ ແປກໃຈໃຫ້ກັບຜູ້ຄົນ ເຊິ່ງລ່າສຸດ  ແຈ໊ດມາ ມາແປກຍິ່ງກວ່າເກົ່າ ແລະ ທະລຸເຂົ້າອຸດສາຫະກໍາຮູບເງົາດ້ວຍການເປັນພະເອກຮູບເງົາໃນເລື່ອງ Gong Shou Dao ( GSD ) (功守道)  ຫຼື  ເປັນພາສາລາວວ່າ ວິຖີກັງຟູ  ເຊິ່ງ ແຈ໊ດມາ  ຮັບໜ້າທີ່ເປັນອໍານວຍການສ້າງ ແລະ ໂປຣດີວເຊີ  ໂດຍມີດາລາຊື່ດັງຫຼາຍຄົນເຂົ້າຮ່ວມ ເປັນຕົ້ນ : ຫຍວນ ວູປິງ, ຫົງຈິນເປົາ ແລະ ໂທນີ ຫຼື ຈາ ພະນົມ ນັກສະແດງໄທເຂົ້າຮ່ວມນໍາ.










ສໍາລັບຮູບເງົາເລື່ອງນີ້ໄດ້ປ່ອຍ Official Trailer ໄປແລ້ວ ໂດຍໃນຕອນທ້າຍຍັງມີ ເຈສັນ ສະເຕເທມ ( Jason Statham) ຈາກຮູບເງົາ  Fast & Furious ພ້ອມກັບມີ ແມນນີ້ ປາກຽວ ນັກມວຍຈາກຟີລິບປິນມາຮ່ວມແຈມນໍາອີກ. ສໍາລັບງານເປີດໂຕຮູບເງົາ Gong Shou Dao ໄດ້ມີການເປີດໂຕທີ່  Tmal ໃນວັນທີ 11.11.2107 ໃນຕອນເຊົ້າມື້ນີ້.













© ໂຕະນໍ້າຊາຂ່າວ | www.tonamchanews.com 
___________



No comments

Powered by Blogger.