Header Ads

ບໍລິສັດ ເອບີ ເປີດການຂຸດເຈາະອຸມົງເບີ 4 ເມືອງຊຽງເງີນ



ໃນຕອນເຊົ້າຂອງ ວັນທີ 18 ທັນວາ 2017 ນີ້ ທາງ ບໍລິສັດ ເອບີ ຮັບເໝົາກໍ່ສ້າງຂົວ-ທາງ ແລະ ສ້ອມແປງເຄຫາສະຖານ ຈໍາກັດ ຂອງຈີນໄດ້ເປີດພິທີການກໍ່ສ້າງເຈາະອຸ ມົງເບີ4 ເມືອງຊຽງເງີນ ທາງລົດໄຟ-ລາວຈີນ ຈຸດຫຼັກກິໂລແມັດທີ່ DK 183+202 ແລະ ສິ້ນສຸດທີ່ DK 184+892 ມີຄວາມຍາວທັງໝົດ 1.690 ແມັດ, ເປັນອຸມົງລາງລົດໄຟທາງດຽວ ແລະ ຄວາມໄວການອອກແບບເຂດດັ່ງກ່າວແມ່ນ 160 Km/ຊົ່ວໂມງ, ທາງເຂົ້າອຸມົງ ແລະຮູອຸມົງແມ່ນມີຂັ້ນໄດຢອງເທິງປາກອຸມົງ, ທາງອອກອຸມົງແມ່ນມີກໍາແພງຍາວ 7 ແມັດ ຄໍ້າສອງຂ້າງ, ທາງເຂົ້າອຸມົງເສື່ອມຕໍ່ຂົວຂ້າມນໍ້າຄານ 1 ແຫ່ງ, ຄວາມກວ້າງໜ້າທາງຂອງຂົວແມ່ນ 11,34 ແມັດ ແລະ ທາງອອກອຸມົງແມ່ນເຊື່ອມຕໍ່ຂົວເບີ1 ບ້ານພູຍາ, ລວມມູນຄ່າການກໍ່ສ້າງ ທັງໝົດ 204 ລ້ານຢວນ(ສະກຸນເງີນຈີນ). ເຊິ່ງຈະໃຊ້ເວລາການກໍ່ສ້າງທັງໝົດ 4 ປີ.



ທ່ານ ເຊິນ ປິງ ປະທານບໍລິສັດ ເອບີ ໃຫ້ຮູ້ວ່າ: ສໍາລັບໂຄງການກໍ່ສ້າງເສັ້ນທາງລົດ ໄຟບໍ່ເຕນ-ວຽງຈັນ ຊ່ວງທີ່4 ນີ້ ແມ່ນ ບໍລິສັດ ເອບີ ກໍ່ສ້າງ-ຂົວທາງ ແລະ ສ້ອມແປງເຄ ຫາສະຖານ ຈຳກັດ ເປັນຜູ້ຮັບ ເໝົາກໍ່ສ້າງ ມີຄວາມຍາວທັງໝົດ 5 ກິໂລແມັດກວ່າ, ໃນນັ້ນມີອຸໂມງໃຕ້ດິນ 3 ອຸໂມງ, ມີຂົວທັງໝົດ 3 ແຫ່ງ, ສະເພາະອຸໂມງຊຽງເງິນເບີ 4 ເມືອງຊຽງເງີນ ມີລວງຍາວທັງໝົດ 1.690 ແມັດ ເປັນອຸມົງລະບົບລາງດຽວ, ເປີເຊັນຄວາມຄອຍຊັນສະເລ່ຍ 7%, 17% ແລະ 20%, ຊື່ງຈຸດທາງເຂົ້າ-ອອກ ອຸໂມງ ແມ່ນນອນຢູ່ໃນຈຸດລັດສະໝີໂຄງກໍ້າຂວາ 3.500 ແມັດ, ສ່ວນທີ່ເຫຼືອແມ່ນນອນໃນເສັ້ນທາງຊື່.
ໃຫ້ກຽດເຂົ້າຮ່ວມຕັດແຖບຜ້າເປີດການກໍ່ສ້າງເຈາະອຸມົງຂອງ ທ່ານ ສາຍສະໝອນ ທິດາກອນ ເຈົ້າເມືອງໆຊຽງເງີນ ກັບ ທ່ານ ເຊິນ ປິງ ປະທານບໍລິສັດ ເອບີ ກໍ່ສ້າງຂົວ-ທາງ ແລະ ສ້ອມແປງເຄຫາສະ ຖານ ຈໍາກັດ, ມີ ທ່ານ ຟ້າສະນັ່ນ ທໍາມະວົງ ຫົວໜ້າພະແນກໂຍທາທິການ ແລະ ຂົນສົ່ງແຂວງ ຫຼວງພະບາງ, ມີບັນດາຕາງໜ້າ ຈາກບໍລິສັດຄູ່ຮ່ວມທີ່ປຶກສາຂອງຈີນ ພ້ອມດ້ວຍນັກວິຊາການ ບໍລິສັດ ເຂົ້າຮ່ວມ.



ຂໍ້ມູນ:  ຂ່າວສານຫຼວງພະບາງ
© ໂຕະນໍ້າຊາຂ່າວ | www.tonamchanews.com
___________

No comments

Powered by Blogger.