Header Ads

ພິທີເປີດການນຳໃຊ້ໂຄງການສາຍສົ່ງ ແລະ ສະຖານີ 115/22 Kv ນໍ້າທຸງ-ຫລວງນໍ້າທາ-ນາໝໍ້ ຂື້ນຢ່າງເປັນທາງການ




ໃນວັນທີ 17 ມັງກອນ 2018 ຢູ່ທີ່ຫ້ອງປະຊຸມໃຫ່ຍ ລັດວິສາຫະກິດໄຟຟ້າລາວ ໄດ້ມີພິທີເປີດການນຳໃຊ້ໂຄງການສາຍສົ່ງ ແລະ ສະຖານີ 115/22 Kv ນໍ້າທຸງ-ຫລວງນໍ້າທາ-ນາໝໍ້ ຂື້ນຢ່າງເປັນທາງການ. ໂດຍການພາຍໃຕ້ການເປັນປະທານຂອງ ທ່ານ ປອ ຄຳມະນີ ອິນທິລາດ ກຳມະການສູນກາງພັກ ເລຂາຄະນະພັກ ລັດຖະມົນຕີກະຊວງພະລັງງານ ແລະ ບໍ່ແຮ່, ທ່ານ ປອ ເພັງພາວັນ ດາວພອນຈະເລີນ ຮອງເຈົ້າແຂວງ ແຂວງຫຼວງນໍ້າທາ, ທ່ານ ອະເດລ ອາລາເມຍຣ໌ ອຸປະທູດຄູເວດ ປະຈຳ ສປປ ລາວ, ທ່ານ ບຸນອູ້ມ ສີວັນເພັງ ຜູ້ອໍານວຍການໃຫຍ່ ລັດວິສາຫະກິດໄຟຟ້າລາວ ພ້ອມດ້ວຍບັນດາທ່ານຄະນະພັກ, ອົງການປົກຄອງທ້ອງຖິ່ນຂັ້ນແຂວງ-ຂັ້ນເມືອງ, ແຂກທີ່ມີກຽດ ທັງພາຍໃນ ແລະ ຕ່າງປະເທດກໍ່ໄດ້ເຂົ້າຮ່ວມຢ່າງພ້ອມພຽງ. ພາຍຫລັງທີ່ໄດ້ດໍາເນີນການກໍ່ສ້າງ ຢ່າງຕັ້ງໜ້າ ແລະ ເຄັ່ງຮ້ອນມາເປັນເວລາ 30 ເດືອນ ຈຶ່ງສາມາດສຳເລັດໂຄງການ ຈຸດປະສົງຂອງໂຄງການກໍ່ເພື່ອຮອງຮັບພະລັງງານຈາກເຂື່ອນໄຟຟ້ານໍ້າທາ1 ແລະ ບັນດາເຂື່ອນໃກ້ຄຽງເພື່ອລໍາລຽງພະລັງງານຈາກເຂດພາກເໜືອເພື່ອຕອບສະໜອງພະລັງງານໄຟຟ້າໃຫ້ກັບ ແຂວງບໍ່ແກ້ວ, ແຂວງຫຼວງນໍ້າທາ ແລະ ແຂວງອຸດົມໄຊ ພ້ອມນີ້ກໍຈະໄດ້ສົ່ງອອກພະລັງງານໄຟຟ້າເພື່ອຈຳໜ່າຍໃຫ້ບັນດາປະເທດໃກ້ຄຽງ ເຊັ່ນ: ປະເທດໄທ, ປະເທດມຽນມາ ແລະ ສປ.ຈີນ ອີກດ້ວຍ.













ພາບ ແລະ ຂ່າວ: EDL

© ໂຕະນໍ້າຊາຂ່າວ | www.tonamchanews.com 
___________

No comments

Powered by Blogger.