Header Ads

ສະຫຼອງວັນສ້າງຕັ້ງ ກອງທັບປະຊາຊົນລາວ



ກະຊວງປ້ອງກັນປະເທດ ໄດ້ຈັດພິທີສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 69 ປີ (20/1/1949- 20/1/2018) ຂຶ້ນເມື່ອວັນທີ 19 ມັງກອນຜ່ານມາ ທີ່ສະໂມສອນໃຫຍ່ກະຊວງດັ່ງກ່າວ ໂດຍໃຫ້ກຽດເຂົ້າຮ່ວມຂອງ ສະຫາຍ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນ ປະຕິວັດລາວ ປະທານປະເທດ, ມີບັນດາສະຫາຍຄະ ນະພັກ, ຄະນະນຳ, ພະນັກງານຫຼັກແຫຼ່ງກະຊວງປ້ອງກັນປະເທດ ແລະ ແຂກຖືກເຊີນເຂົ້າຮ່ວມ. ໃນພິທີ, ສະຫາຍ ພົນໂທ ຈັນສະໝອນ ຈັນຍາລາດ ກຳມະການກົມການເມືອງສູນກາງພັກ ລັດຖະມົນຕີກະຊວງປ້ອງກັນປະເທດ ໄດ້ຂຶ້ນລາຍງານສະພາບ ກ່ຽວກັບການປະຕິບັດແນວທາງປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານຂອງພັກ ທີ່ ຕິດພັນກັບການພັດທະນາເສດຖະກິດ-ສັງຄົມ ແລະ ວຽກງານດ້ານອື່ນໆ ທີ່ຍາດມາໄດ້ໃນໄລຍະທີ່ຜ່ານມາ. 



ໃນໂອກາດດັ່ງກ່າວ, ສະຫາຍ ບຸນຍັງ ວໍລະຈິດ ໄດ້ໃຫ້ກຽດໂອ້ລົມ ຊຶ່ງໄດ້ສະແດງ ຄວາມຍ້ອງຍໍສັນລະເສີນບັນ ດາສະຫາຍພະນັກງານ, ນັກ ຮົບທົ່ວກຳລັງປະກອບອາວຸດ ທີ່ໄດ້ພ້ອມກັນຕັ້ງໜ້າເຮັດສຳ ເລັດໜ້າທີ່ອັນມີກຽດສະຫງ່າ ຕະຫຼອດໄລຍະທີ່ຜ່ານມາ ແລະ ຈົ່ງພ້ອມກັນເຊີດຊູສະຕິ ລະວັງຕົວ, ມີສະຕິໃນການປົກ ປັກຮັກສາແນວທາງນະໂຍ ບາຍຂອງພັກ ແລະ ລັດ, ປົກ ປັກຮັກສາໝາກຜົນຂອງການ ປະຕິວັດ, ປົກປັກຮັກສາລະ ບອບໃໝ່ ປະຊາທິປະໄຕ ປະ ຊາຊົນໄວ້ໃຫ້ໝັ້ນຄົງ, ສົມທົບ ແໜ້ນວຽກງານປ້ອງກັນຊາດ- ປ້ອງກັນຄວາມສະຫງົບກັບ ການສ້າງສາພັດທະນາເສດ ຖະກິດ-ສັງຄົມ, ກອງທັບຕ້ອງ ເປັນຫຼັກແຫຼ່ງ, ເປັນພາຫະນະ ອັນແຫຼມຄົມຂອງພັກ ໃນການ ນຳພາທົ່ວປວງຊົນເຮັດວຽກ ປ້ອງກັນຊາດ-ປ້ອງກັນຄວາມ ສະຫງົບ, ໃນນັ້ນວຽກງານຮາກ ຖານຍັງແມ່ນວຽກງານຍຸດທະ ສາດຕົ້ນຕໍຂອງພັກ. 

ດັ່ງນັ້ນ ຕ້ອງຕັ້ງໜ້າຫັນລົງຮາກຖານ ເພື່ອສືບຕໍ່ກໍ່ສ້າງ ແລະ ປັບປຸງ ຕາໜ່າງປ້ອງກັນຊາດ-ປ້ອງ ກັນຄວາມສະຫງົບທົ່ວປວງຊົນ ຮອບດ້ານຢູ່ຮາກຖານໃຫ້ທົ່ວ ເຖິງ, ກຳລັງປະກອບອາວຸດ ແມ່ນກຳລັງຂອງພັກ ແມ່ນພັກ ປະຊາຊົນ ປະຕິວັດລາວ ເປັນ ຜູ້ສ້າງຂຶ້ນ ແລະ ເຕີບໃຫຍ່ ເຂັ້ມແຂງຢູ່ໃນການອົບຮົມບົ່ມ ສອນຂອງພັກມາໂດຍຕະຫຼອດ. ດັ່ງນັ້ນ ບໍ່ວ່າຈະຢູ່ໃນໄລຍະໃດ ກໍຕ້ອງຮັບປະກັນຄວາມຊື່ສັດ ບໍລິສຸດ ແລະ ຄວາມຈົງຮັກພັກ ດີຢ່າງສຸດຊຶ້ງຕໍ່ພາລະກິດຂອງ ພັກ ແລະ ປະເທດຊາດ, ທົ່ວ ກອງທັບຕ້ອງຢູ່ໃຕ້ການນຳພາ ເດັດຂາດໂດຍກົງ ແລະ ຮອບ ດ້ານຂອງພັກ, ສຸມໃສ່ຕິດຕາມ ຕອບຕ້ານກົນອຸບາຍການຫັນ ປ່ຽນໂດຍສັນຕິຂອງບັນດາອິດ ທິກຳລັງປໍລະປັກ, ປັບປຸງພາຍ ໃນໃຫ້ໜັກແໜ້ນ, ເຂັ້ມແຂງ, ເດັດຂາດບໍ່ໃຫ້ຄົນບໍ່ດີແຊກ ຊ້ອນເຂົ້າພາຍໃນ, ສືບຕໍ່ປົກ ປັກຮັກສາ ແລະ ເສີມຂະຫຍາຍ ມູນເຊື້ອອັນດີງາມຂອງກອງ ທັບ, ຕັ້ງໜ້າປັບປຸງກຳລັງຮອບ ດ້ານໃຫ້ປອດໃສ, ໜັກແໜ້ນ ແລະ ເຂັ້ມແຂງ, ເອົາໃຈໃສ່ ການປັບປຸງລະບອບຄຸ້ມຄອງ- ບັນຊາກຳລັງປະເພດຕ່າງໆ ໂດຍຖືເອົາຄຸນນະພາບເປັນ ຕົ້ນຕໍ, ເອົາໃຈໃສ່ຊ່ວຍເຫຼືອກຳ ລັງທ້ອງຖິ່ນຢູ່ຮາກຖານ ໃນ ການປັບປຸງລະບົບບັນຊາ, ອົບ ຮົມຫັດແອບ ເພື່ອໃຫ້ເຂົາເຈົ້າ ສາມາດກຸ້ມຕົນເອງ ໃນການ ປົກປັກຮັກສາທ້ອງຖິ່ນຂອງຕົນ ຂັ້ນພື້ນຖານ ໃນນັ້ນ ກໍຕ້ອງ ເອົາໃຈໃສ່ວຽກງານສຶກສາອົບ ຮົມປ້ອງກັນຊາດໃຫ້ກວ້າງ ຂວາງ, ມີຄຸນນະພາບ ເພື່ອເປັນ ກຳລັງສຳຮອງກໍລະນີເກີດສະ ພາບ, ສືບຕໍ່ເພີ່ມທະວີການພົວ ພັນສາມັກຄີສາກົນ ຕາມແນວ ທາງການຕ່າງປະເທດຂອງພັກ ໂດຍເສີມຂະຫຍາຍການພົວ ພັນຮ່ວມມືກັບເພື່ອນມິດຍຸດ ທະສາດ (ສສ ຫວຽດນາມ ແລະ ສປ ຈີນ), ໃນນັ້ນ ໃຫ້ເອົາ ໃຈໃສ່ຮັກສາ ແລະ ເພີ່ມພູນ ຄູນສ້າງມູນເຊື້ອຮ່ວມສຳພັນສູ້ ຮົບກັບກອງທັບປະຊາຊົນ ຫວຽດນາມ ໃນເງື່ອນໄຂໃໝ່ ໂດຍສະເພາະການແລກປ່ຽນ ສະພາບ, ຝຶກອົບຮົມ, ສ້ອມ ແປງພາຫະນະ-ເຕັກນິກ, ການ ກໍ່ສ້າງພື້ນຖານໂຄງລ່າງ ແລະ ອື່ນໆ, ສືບຕໍ່ເສີມຂະຫຍາຍ ທາດແທ້ ແລະ ມູນເຊື້ອປະຕິ ວັດຂອງຊາດ ແລະ ຂອງກອງ ທັບ, ຜ່ານຜ່າຄວາມຫຍຸ້ງຍາກ ແລະ ອຸປະສັກນາໆ, ປະກອບ ສ່ວນສ້າງຜົນງານ ແລະ ໄຊຊະ ນະໃໝ່ໃຫຍ່ຫຼວງກວ່າເກົ່າ ເພື່ອສ້າງປະເທດລາວສັນຕິ ພາບ, ເອກະລາດ, ປະຊາທິ ປະໄຕ, ເອກະພາບ ແລະ ວັດ ທະນາຖາວອນ. 


ພາບ - ຂ່າວ: ສຳນານ (ນສພ ປະຊາຊົນ)
© ໂຕະນໍ້າຊາຂ່າວ | www.tonamchanews.com 


___________

No comments

Powered by Blogger.