Header Ads

ພາສີດ່ານສາກົນ ພູເກື້ອ ສະຫລຸບວຽກງານ ປະຈໍາປີ 2017 ແລະ ແຜນທິດທາງໃນປີ 2018




ເພື່ອເປັນການສະຫລຸບຜົນງານການເຄື່ອນໄຫວ ໃນການຈັດຕັ້ງປະຕິບັດວຽກງານ ປະຈໍາປີ 2017 ແລະ ວາງແຜນທິດທາງວຽກງານ ໃນປີ 2018 ດັ່ງນັ້ນ ໃນກາງເດືອນ ມັງກອນ 2018 ນີ້, ຫ້ອງການພາສີດ່ານສາກົນ ພູເກື້ອ, ແຂວງອັດຕະປື ໄດ້ຈັດກອງປະຊຸມສະຫລຸບວຽກງານ ດັ່ງກ່າວ ຂື້ນ. ທີ່ຫ້ອງປະຊຸມດ່ານດັ່ງກ່າວ. ໃນກອງປະຊຸມ ຄັ້ງນີ້ ໂດຍການເປັນປະທານ ຂອງ ທ່ານນາງ ໄຍຄໍາ ສີຊານົນ ຮອງຫົວຫນ້າພະແນກການເງິນແຂວງອັດຕະປື, ມີ ທ່ານ ບຸນມີ ເພັດກຸສົນ ຮອງຫົວຫນ້າດ່ານສາກົນພູເກືອ, ເຂົ້າຮ່ວມມີບັນດາຫົວຫນ້າ-ຮອງຫົວຫນ້າພາສີ, ກົມກອງ, ຂະແຫນງການ, ວິຊາການ ເຈົ້າຫນ້າທີ່ດ່ານ ທີ່ກ່ຽວຂ້ອງ ພາຍໃນດ້ານ ເຂົ້າຮ່ວມ ຢ່າງພ້ອມພຽງ.



ໃນກອງປະຊຸມ ທ່ານ ລົດສະນີ ສີຫາວົງ ຮອງຫົວຫນ້າກອງຄຸ້ມຄອງພາສີ ເຂດ 7 ທັງເປັນຫົວຫນ້າພາສີດ່ານສາກົນພູເກືອ ໄດ້ຂື້ນຜ່ານບົດສະຫລຸບ ສະພາບການຈັດຕັ້ງປະຕິບັດວຽກງານ ຂອງພາສາປະຈໍາດ່ານສາກົນພູເກືອ ເຊີ່ງທ່ານ ໄດ້ຍົກໃຫ້ເຫັນ ຕະຫລອດໄລຍະ 1 ປີ ພາສີດ່ານສາກົນພູເກື້ອ ໄດ້ເຄື່ອນໄຫວ-ຊີ້ນໍາ-ນໍາພາ ພະນັກງານວິຊາການ ມີແນວຄິດທີ່ທຸ່ນທ່ຽງ ເຊື່ອຫມັ້ນຕໍ່ການນໍາພາຂອງພັກ ແລະ ລັດ , ສະແດງໃຫ້ເຫັນເຖິງການຈັດຕັ້ງປະຕິບັດ ວຽກງານເກັບລາຍຮັບເຂົ້າງົບປະມານ ໄດ້ທັງໝົດ 24 ຕື້ກວ່າກີບ, ທຽບໃສ່ແຜນການປີ ປະຕິບັດໄດ້ 136,75 ສ່ວນຮ້ອຍ ລື່ນຄາດຫມາຍທີ່ວາງໄວ້, ລາຍຮັບຈາກພາສີ ປະຕິບັດໄດ້ 10 ຕືກວ່າກີບ, ລາຍຮັບຈາກອາກອນ ປະຕິບັດໄດ້ ເກືອບ 14 ຕື້ກວ່າກີບ.




ທ່ານ ຫົວຫນ້າພາສີດ່ານພູເກືອ ກ່າວຕື່ມວ່າ: ໃນປີ 2017 ມີຄະດີເກີດຂື້ນ ທັງໝົດ 61 ຄະດີ ມີມູນຄ່າ 27 ຕື້ກວ່າກີບ ແລະ ແກ້ໄຂໃນປີ 2017 ລວມ ມີ 50 ຄະດີ ມູນຄ່າ 26 ຕື້ກວ່າກີບ. ມີການຍົກເວັ້ນການນໍາເຂົ້າ-ສົ່ງອອກສິນຄ້າ ທັງໝົດ 1 ພັນ 34 ຕື້ກວ່າກີບ, ພາສີອາກອນ ທີ່ຖືກຍົກເວັ້ນ 77 ຕື້ກວ່າກີບ ທຽບໃສ່ລາຍຮັບທັງໝົດ ເທົ່າກັບ 213,77 ສ່ວນຮ້ອຍ ລື່ນຄາດຫມາຍ, ໃນນັ້ນ ການສົ່ງອອກທີ່ຖືກຍົກເວັ້ນ ຄ່າຊັກ ພິເສດ ມູນຄ່າ 559 ຕື້ກວ່າກີບ, ສິນຄ້ານໍາເຂົ້າທີ່ຖືກຍົກເວັ້ນພາສີ-ອາກອນ ມີ 474 ຕື້ກວ່າກີບ, ການນໍາເຂົ້າສິນຄ້າຄໍ້າປະກັນ ນໍາເຂົ້າກ່ອນລໍຖ້າໃນສາງ ໃນປີ 2017 ມີທັງໝົດ 518 ຊຸດ ມູນຄ່າ 153 ຕື້ກວ່າກີບ, ຄ່າພາສາ-ອາກອນ 27 ຕື້ກວ່າກີບ, ສິນຄ້າທີ່ຈົດຮັບ-ຈົດຈ່າຍແລ້ວ ໃນປີ 2017 ມີ 199 ຂຸດ ເປັນເງີນ 6 ຕື້ກວ່າກີບ, ສໍາລັບແຜນການໃນປີ 2018 ທາງພາສີດ່ານສາກົນພູເກື້ອ ແມ່ນຈະສຶບຕໍ່ສູ້ຊົນໃນການຈັດເກັບລາຍຮັບ ໃຫ້ໄດ້ 23 ຕື້ 800 ລ້ານກວ່າກີບ.

ພາບ ແລະ ຂ່າວ: ທິມຂ່າວ ຖວທ ແຂວງອັດຕະປື (Via sokdee.com)
© ໂຕະນໍ້າຊາຂ່າວ | www.tonamchanews.com 
___________

No comments

Powered by Blogger.