Header Ads

ລັດຖະມົນຕີ ກະຊວງການຕ່າງປະເທດ ເຂົ້າຮ່ວມ ກອງປະຊຸມວົງແຄບ ຂອງລັດຖະມົນຕີ ຕ່າງ ປະເທດອາຊຽນ ທີ່ ສິງກະໂປ




ວັນ​ທີ 6 ກຸ​ມພາ 2018 ທີ່​ ສິງກະ​ໂປ ທ່ານ​ ສະ​ເຫລີ​ມ​ໄຊ ກົ​ມມະ​ສິດ ລັດຖະມົນ​ຕີ​ກະຊວງ​ການ​ຕ່າງປະ​ເທດ ສປປ ລາວ ​ໄດ້​ ເຂົ້າຮ່ວມກອງປະຊຸມ ວົງແຄບຂອງລັດຖະມົນຕີ ຕ່າງປະ ເທດອາຊຽນ ພາຍ​​​ໄຕ້​ຄຳ​ຂັວນ ທີ່​​ ສິງກະ​​ໂປ ກຳ​ນົດ​ ​ໃນ​ການ​ເປັນ​ປະທານ​ ອາຊຽນຂ​ອງຕົນ ​ໃນ​ປີີ 2018 ຄື:​​ ​ເຂັ້ມ​ແຂງ ​ແລະ ນະ​ວັດ​ຕະກຳ​ ຮ່ວມ​ກັບ​ບັນດາ​ ລັດຖະມົນຕີ​ຕ່າງປະ​ເທດອາຊຽນ ພາຍ​ໃຕ້​ການ​​ເປັນ​ປະທານ​ ອາຊຽນຂອງ ​ສິງກະ​ໂປ ​​ໃນ​ປີ 2018.



ກອງປະຊຸ​ມ​ໄດ້​ຮັ​ບຊາບ ​ຄວາມ​ຄືບໜ້າ ຂອງ​ການ​ຈັດ​ຕັ້ງ​ປະຕິບັດ ​ຄຳ​ຕົກລົງຂອ​ງຜູ້ນຳ​ອາຊຽນ​ ໃນ​ກອງປະຊຸມ​ສຸດຍອດ​ອາຊຽນ ຄັ້ງ​ທີ 31​ ຜ່ານ​ມາ ກໍ​ຄື​ ການຈັດ​ຕັ້ງປະ​ຕິ​ບັດ ບັນ​ດາ​ເອກະສານ ​​ແຜນ​ແມ່​ບົດ ສຳ​ລັບສາມ​ເສົາ​ຄໍ້າ ປະ​ຊາ​ຄົມ​ອາຊຽນ 2025,​ ​ແຜນ​ງານ, ຂໍ້​ລິ​ເລີ່ມ ​ເພື່ອ​ການ​ເຊື່ອມ​​ໂຍງອາຊຽນ ສະ​ບັບສາມ ​ແລະ ​ແຜນ​ແມ່​ບົດ ສຳລັບກາ​ນ​ເຊື່ອມ​ຈອດ​ອາຊຽນ.






ພ້ອມ​ນີ້, ກອງ​ປະຊຸມ​ ກໍ​ໄດ້ປຶກສາ​ຫາ​ລື​ ກ່ຽວກັບ​ການ ​ຮ່ວມ​ມື​ ລະຫວ່າງ​ ອາຊຽນກັບ​ພາ​ຍນອກ​ ໃນ​ທ່າ​ມກາງ​ໂຄງ​ສ້າ​ງ ພາກພື້ນທີ່ຜັນ​​ແປ ​ແລະ ​ໃນ​ໂອ​ກາດນີ້, ບັນດາ​ລັດ​ຖະມົນຕີ ​ຕ່າງປະ​ເທດ​ອາຊຽນຍັງ​ໄດ້​ ແລ​ກປ່ຽນຄວາ​ມຄິດ​ເຫັນ ກ່ຽວກັບ ສະ​ພາບ​ກາ​ນ​ເມື​ອງ, ​ເສດຖະກິດ ​ຂອງ​ພາກ​ພື້ນ  ​ແລະ​ ສາກົນ​ ທີ່​ພວມ​ສືບ​ຕໍ່​ຜັນ​ແປ, ບັນຫາ ​ທີ່​ເປັນ​ສິ່ງທ້າ​ທາຍ​ຕໍ່​ສັນ​ຕິ​ພາບ​, ສະຖຽນລະ​ພາບ ​ຂອງ​ພາກພື້ນ ​ແລະ ຂອງ​ໂລກ​ ​ເຊັ່ນ: ບັນ​ຫາ​ ການ​ກໍ່​ກາ​ນຮ້າຍ, ​ໄພພິບັດທຳ​ມະ​ຊາ​ດ ​ແລະ​ ອາດ​ຊະ​ຍາກຳຂ້າມ​ຊາດ​ ​ແລະ​ ອື່ນໆ ​ແລະ​ ສະພາບ​ການ ​ໃນ​ຕາ​​ເວັນ​ອອກ​ກາງ, ​ແຫລມ​​ເກົາຫລີ ​ແລະ ທະ​ເລ​ຈີນ​ໃຕ້.​



 ​ໃນກອງ​ປະຊຸມ​ຄັ້ງ​ນີ້, ທ່ານ ສະ​ເຫລີີ​ມໄຊ​ ກົມມະ​ສິດ  ​ໄດ້​ເນັ້ນ​ຢ້ຳ ​ເຖິງ​ຄວາມສຳຄັນ​ຂອງ​ການ​ເພີ່​ມທະວີ ​ການ​ຮ່ວມ​ມື​ ເພື່ອ​ຮັດ​ແຄບ​ຄວາມ ​ແຕກ​​ໂຕນທາງດ້ານ​ການ​ພັ​ດທະ​ນາ​ ລະຫວ່າງ ປະ​ເທດ​ສະມາຊິກ​ ອາຊຽນ ​ແລະ ການ​ເຊື່ອມ​ຈອດ​ ພາກພື້ນ ​ເພາະ ​ສອງໜ້າວຽກດັ່ງກ່າວ ​ແມ່ນ​ມີ​ຄວາມ​ສຳຄັນ​ຢ່າງ​ຍິ່ງ​ ຕໍ່​ກາ​ນ​ເຊື່ອມ​​ໂຍງ​ ເສດ​ຖະກິດ​ພາກພື້ນ. ພ້ອມ​ນີ້, ທ່ານ ສະ​ເຫລີ​ມ​ໄຊ ກໍ​ຍັງ​ຢໍ້າເຖິງ ການ​ສົ່ງ​ເສີມ​ບົດ​ບາດ ​ຄວາມ​​ເປັ​ນ​ແກນ​ກາງ ຂ​ອງອາຊຽນ ​ໃນ​ການພົວພັນ ​ກັບ​ພາຍ​ນອ​ກ ​ແລະ ​ໃນ​​​ໂຄງ​ສ້າງ​ພາກພື້ນ ທີ່​ພວມ​ຜັນ​ແປ.


ເນື້ອໃນຂ່າວ​: ພູທອງ ສີວົງສາ  (ຂປລ)
© ໂຕະນໍ້າຊາຂ່າວ | www.tonamchanews.com 

___________




No comments

Powered by Blogger.