Header Ads

ເມືອງປາກລາຍແຂວງໄຊຍະບູລີຖືເອົາເທດສະການບຸນຜີໂຂນຕິດພັນກັບການເປີດປີທອ່ງທ່ຽວລາວປີ 2018





ໃນວັນທີ່ 27 ກຸມພາ ຫາ 2 ມີນາ 2018 ທ່ານ ນ ພິມປະໄພ ສຸຂະລາດ ຮອງເຈົ້າເມືອງໆ ປາກລາຍ ສະມາຊິກສະພາ ປະຊາຊົນແຂວງປະຈຳເມືອງປາກລາຍ ທັງເປັນປະທານຈັດເທດສະການດັ່ງກ່າວໄດ້ຖະແຫ່ລງຂ່າວຕໍ່ສື່ມ່ວນຊົນເຮົາວ່າ: ສໍາລັບເທດສະການ ບຸນຜີໂຂນ ຢູ່ເມືອງປາກລາຍແມ່ນຈະໄດ້ຈັດຂື້ນໃນລະຫວ່າງເດືອນ4ລາວຂອງແຕ່ລະປີ ແຕ່ລະບ້ານຂອງເມືອງໄດ້ຜັນປ່ຽນ ກັນເປັນເຈົ້າພາບ ຈັດບຸນພະເວດແຮ່ຜີໂຂນນີ້ຂື້ນ ເປັນງານບຸນປະເພນີໜື່ງ ທີ່ເປັນເອກະລັກຂອງເມືອງ ສະເພາະປີ 2018 ນີ້




ອົງການປົກຄອງເມືອງຈື່ງໄດ້ຕົກລົງ ຈັດເທດສະການບຸນຜີໂຂນ ຕິດພັນກັບການເປີດ ປີທ່ອງທ່ຽວລາວຊື່ງພາຍໃນງານປະກອບມີຫຼາຍກິດຈະກໍາ,ຫຼາຍສີສັນ ທີ່ສະແດງໃຫ້ເຫັນເຖິງວິຖີຊີວິດ ຮີດຄອງປະເພນີ ແລະ ວັດທະນະທໍາຂອງຊາວເມືອງປາກລາຍ ສໍາລັບກິດຈະກໍາພາຍໃນງານປະກອບມີ ວັນທີ່ 27 ກຸມພາ 2018 ແມ່ນມື້ພິທີປອ່ຍຂະບວນຜີໂຂນ ,ເປີດງານຕະຫຼາດນັດຊົມຮ້ານວາງສະແດງສິນຄ້າ,ຊົມການແຂ່ງຂັນເຮືອແຈັດສະກີ່ ຈາກສະຫະພັນແຈັດສະກີລາວ,ຕອນຄໍາມີການເດີມແບບອາພອນເພບຊົງລາວ,ການເດີນແບບເດັກໜ້າຮັກ ແລະ ການປະກວດທິດາພະເຫວດສັນດອນ,ມື້ວັນທີ່ 28 ກຸມພາ 2018 ແມ່ນເປີດງານເທດສະການບຸນຜີໂຂນຢ່າງເປັນທາງການ,ແຮ່ພະເຫວດສັນດອນເຂົ້າເມືອງ,ຂີ່ເຮືອທອ່ງທຽ່ງຊົມທິວທັດສອງຝາກຝັ່ງແມ່ນໍ້າຂອງ,ຕອນຄໍ່າມີການສະແດງສິນລະປະວັນນະຄະດີ,ຈູດບັ້ງໄຟດອກຂອງແຕ່ລະບ້ານ ແລະ ປ່ອຍໂຄມໄຟ,ວັນທີ່ 1ມີນາ 2018 ແມ່ນພິທີກໍາທາງສາສະໜາ,ແຂ່ງຂັນຊ່ວງເຮືອ 12 ສີພາຍຕາມລຳແມ່ນໍ້າຂອງ ຕອນຄໍ່າມີງານຄອນເສີດຈາກນັກຮອ້ງຊື່ດັງຂອງສປປລາວ ແລະ ວັນທີ່ 2 ມີນາ 2018 ຕອນເຊົ້າມີການຕັກບາດ ຖະຫວາຍ ສັງຄະທານແດ່ພະສົງສາມາເນນຖືວາຈົບພິທີ



ໂອກາດດັງກວ່າທ່ານ ພິມປະໄພ ສຸຂະລາດ ຍັງໄດ້ແຈ້ງຂ່າວເຊີນຊວນ ເຖີງອົງການຈັດຕັ້ງທຸກພາກສ່ວນ ທັງພາກລັດ ແລະ ເອກະຊົນ,ປະຊາຊົນລາວບັນດາເຜົ່າທັ່ງພາຍໃນ ແລະ ຕ່າງປະເທດ ພອ້ມດ້ວຍພໍ່ແມ່ປະຊາຊົນ ໃນທົ່ວເມືອງປາກລາຍ ເພື່ອມາທ່ຽວຊົມເທດສະການບຸນຜີໂຂນ ຕິດພັນກັບງານເປີດປີທອ່ງທຽ່ວລາວ2018 ໃນທ້າຍເດືອນກຸມພາ-ຕົ້ນເດືອນມີນາ 2018 ທີ່ຈະມາເຖິງນີ້.


ພາບ ແລະ ຂ່າວ: ຂ່າວໄຊຍະບູລີ /ມີເດຍລາວ

© ໂຕະນໍ້າຊາຂ່າວ | www.tonamchanews.com 
___________

No comments

Powered by Blogger.