Header Ads

ລາວ ໂທລະຄົມ ເຊັນສັນຍາຮ່ວມມືກັບ ບໍລິສັດ ພັດທະນາລາວສາກົນ ຈຳກັດ ສະໜອງບໍລິການ ໂທລະຄົມມະນາຄົມ ໃນ ສູນການຄ້າສາກົນ ເວີເທດເຊັນເຕີ້





​​​ລາວ ໂທລະຄົມ ຮ່ວມມືກັບ ບໍລິສັດ ພັດທະນາລາວສາກົນ ຈຳກັດ ເພື່ອສະຫນອງ ບໍລິການໂທລະຄົມມະນາຄົມ ຄົບວົງຈອນ ໃນສູນການຄ້າສາກົນ ເວີເທດເຊັນເຕີ້ ເຊິ່ງເປັນ​ໂຄງການຂະຫນາດໃຫຍ່ (Mega Project) ​ອີກໂຄງການໜຶ່ງ ທີ່ໄດ້ຮັບສຳປະທານ ແລະ ອະນຸຍາດໃນການດຳເນີນທຸລະກິດ ຈາກ ​ລັດຖະບານລາວ ເປັນ​ການ​ພັດທະນາ​ພື້ນຖານ​ໂຄງ​ລ່າງທີ່​ສໍາຄັນ ​ຕໍ່​ການຈັດ​ຕັ້ງ​ຜັນ​ຂະຫຍາຍ ​ເຂົ້າ​ໃນ​ການ​ພັດທະນາ​ເສດຖະກິດ-ສັງຄົມ​ຂອງ​ ສປປ ລາວ ​ເປັນ​ການ​ເພີ້​ມທະວີ​ການ​ເປີດ​ກວ້າງ ​ແລະ ຍົກ​ລະດັບ​ການ​ຮ່ວມ​ມື ດ້ານ​ເສດຖະກິດ, ການ​ຄ້າ, ການ​ລົງ​ທືນ ​ແລະ ການທ່ອງທ່ຽວ​ ຂອງ​ສອງ​ປະ​ເທດ ລາວ-ຈີນ, ຈີນ-ລາວ ​ເວົ້າ​ສະ​ເພາະ, ​ເວົ້າ​ລວມ ​ແມ່ນ​ເປັນ​ການ​ເພີ່ມ​ທະວີ​ການ​ພົວພັນ​ທາງ​ດ້ານ​ເສດຖະກິດ​ຢູ່​ໃນຂົງ​ເຂດ​ການ​ຄ້າ​ເສລີ ຈີນ-ອາ​ຊ່ຽນ.






ແນ່ນອນ​ວ່າການໃຫ້ບໍລິການ ສູນການຄ້າທີ່ທັນສະໄຫມໃນລະດັບສາກົນ ເວີເທດເຊັນເຕີ ນີ້ ປັດ​ໃຈໜຶ່ງ​ທີ່​ຂາດ​ບໍ່​ໄດ້​ສໍາລັບ​ຮັບ​ໃຊ້ ​ແລະ ອໍານວຍ​ຄວາມ​ສະດວກ​ໃຫ້ແກ່ຜູ້ມາປະກອບທຸລະກິດ ແລະ ລູກຄ້າທີ່ເຂົ້າມາໃຊ້ບໍລີການ ໃນສູນການຄ້າສາກົນ ເວີເທດເຊັນເຕີ ກໍ່ຄືການ​ຕິດ​ຕໍ່​ສື່ສານໂທລະຄົມມະນາຄົມ, ການຮັບ-ສົ່ງຂໍ້ມູນຕ່າງໆ ຜ່ານທາງ ໂທລະ​ສັບມືຖື, ອິນ​ເຕີ​ເນັດ ​ແລະ ອຶ່ນໆ. ເຊິ່ງ ລາວ ໂທລະຄົມ ໄດ້ລົງທືນກໍ່ສ້າງຕາຫນ່າງໂທລະຄົມທັ້ງແບບມີສາຍ ແລະ ແບບບໍ່ມີສາຍ ເພື່ອໃຫ້ບໍລິການໃນເຂດພື້ນທີ່ດັ່ງກ່າວ ເຊັ່ນ: ໂທລະສັບມືຖື 3G, 4G, 4.5G, ອິນເຕີເນັດຄວາມໄວສູງ ທັ້ງພາຍໃນ ແລະ ຕ່າງປະເທດ, Wi-Fi, ແລະ ໂທລະສັບຕັ້ງໂຕະ.





ພິທີເຊັນສັນຍາໄດ້ຈັດຂື້ນໃນ​ວັນ​ທີ 28/03/2018 ເວລາ 15 :00 ໂມງ ທີ່ສຳນັກງານໃຫ່ຍ ລາວ ໂທລະຄົມ ນະຄອນຫຼວງ​ວຽງ​ຈັນ ຜູ້ຕ່າງຫນ້າ ລາວ ໂທລະຄົມ ໂດຍທ່ານ ຖາວອນ ສົມສະກຸນ ຜູ້ອຳນວຍການໃຫຍ່ ລາວ ໂທລະຄົມ ແລະ ຜູ້ຕາງຫນ້າຝ່າຍສູນການຄ້າສາກົນ ເວີເທັດເຊັນເຕີ ໂດຍ Mr. XIAO LONG ຜູ້ອຳນວຍການໃຫ່ຍ ບໍລິສັດ ພັດທະນາລາວສາກົນ ຈຳກັດ ໂດຍມີຄະນະຜູ້ບໍລິຫານທັ້ງສອງຝ່າຍ ພ້ອມດ້ວຍສື່ມວນຊົນເຂົ້າຮ່ວມເປັນສັກຂີພະຍານ.







ລາວ ໂທລະຄົມ ມຸ່ງໝັ້ນພັດທະນາການໃຫ້ບໍລິການ ເພື່ອຮັບໃຊ້ສັງຄົມລາວໃຫ້ກ້າວໄປສູ່ ການຫັນປ່ຽນເປັນສັງຄົມດິຈີຕ້ອນ (Towards Digital Transformation)


ຜູ້​ຕາງໜ້າຂອງ​ 2 ບໍລິສັດ ​ທີ່​​ລົງ​ນາມ​ເຊັນ​ສັນຍາຮ່ວມ​ກັນ​​ໃນ​ຄັ້ງ​ນີ້ຄື:
ຝ່າຍ LID
1. Mr. XIAO LONG ຜູ້ອຳນວຍການໃຫ່ຍ LID
2. Mr. QIN GUANPING ຮອງຜູ້ອຳນວຍການໃຫ່ຍ LID
3. ນ. ສຸນທະລີ ເລຂາອຳນວຍການໃຫ່ຍ LID
4. Mr. SONG GANG ຫົວໜ້າຝ່າຍການຕະຫລາດ LID
5. Mr. XIN LIGANG ຫົວໜ້າອອກແບບ LID
6. ນ. ດາລຸນນີ ຈິດຕະບູນ ວິຊາການ LID
7. ນາງ ວຽງສະໜອງ ຄຸນຜາລີ ນາຍແປພາສາ LID
8. Mr. LIAO XIAN QUAN ວິຊາການ ອິນເຕີເນັດ LID

ຝ່າຍ ລາວ ໂທລະຄົມ

9. ທ່ານ ຖາວອນ ສົມສະກຸນ ຜູ້ອໍານວຍການໃຫ່ຍ ພ້ອມດ້ວນຄະນະຜູ້ບໍລິຫານ ລະດັບສູງ ບໍລິສັດລັດ ວິສາຫະກິດ ລາວ ໂທລະຄົມມະນາຄົມ




© ໂຕະນໍ້າຊາ | www.tonamchanews.com | www.tonamcha.com 
___________

No comments

Powered by Blogger.