Header Ads

ສະຖາບັນພັດທະນາສີມືແຮງງານລາວ-ເກົາຫລີ ໄດ້ຮັບການຊ່ວຍເຫລືອ



ວັນທີ 24 ເມສາ 2018, ສະຖາບັນ ພັດທະນາສີມືແຮງງານ ລາວ-ເກົາຫລີ ໄດ້ຈັດພິທີມອບ-ຮັບ ແລະ ເປີດປ້າຍ ໂຄງການຊ່ວຍເຫລືອ ຈາກ ອົງການກອຍກາ (KIOCA) ສ ເກົາຫລີ ປະຈຳລາວ, ເຊິ່ງມີມູນຄ່າ ການຊ່ວຍເຫລືອ ທັງໝົດ 20.000 ໂດລາສະຫະລັດ, ໃນນັ້ນປະກອບມີ ການປັບປຸງຫ້ອງຮຽນ-ຫ້ອງຝຶກງານ, ສະໜອງເຄື່ອງຈັກ, ເຄື່ອງມື ແລະ ວັດຖຸອຸປະກອນຮັບໃຊ້ການຝຶກສາຂາຊ່າງເສີມສວຍ ແລະສາຂາຊ່າງ ປຸງແຕ່ງອາຫານ ແລະ ການໂຮງແຮມ.



ເຂົ້າຮ່ວມ ໃນພິທີຄັ້ງນີ້, ມີ ທ່ານ ຊິນ ຊອງ ຊຸນ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ເກົາຫລີ ປະຈຳ ລາວ, ທ່ານ ໂອ ຊົງຊູ ຫົວໜ້າ ອົງການກອຍກາ ປະ ຈຳລາວ, ຄະນະສະຖາບັນ, ຄູ-ອາຈານ ແລະ ພາກສ່ວນກ່ຽວຂ້ອງ ເຂົ້າຮ່ວມ.


ທ່ານ ບຸນມາ ສິດທິໂສມ ຫົວໜ້າ ສະຖາບັນ ພັດທະນາສີມືແຮງງານ ລາວ-ເກົາຫລີ ໄດ້ກ່າວສະແດງຄວາມຂອບອົກຂອບໃຈ ແລະ ຕີລາຄາສູງ ຕໍ່ການຊ່ວຍເຫລືອ ຈາກອົງການກອຍກາ ໃນຄັ້ງນີ້, ເຊິ່ງເປັນການປະກອບສ່ວນ ສຳຄັນ ເຂົ້າໃນການຮຽນ-ການສອນ ແລະ ການພັດທະນາສີມື ແຮງງານຂອງລາວ ໃຫ້ມີຄວາມຮູ້, ຄວາມສາມາດ ແລະ ມີປະສິດທິຜົນ ດີຂຶ້ນກວ່າເກົ່າ.

ພາບ-ຂ່າວ:ເພັດສະໄໝ  
© ໂຕະນໍ້າຊາ 
_______
www.tonamcha.com

www.tonamchanews.com

No comments

Powered by Blogger.