Header Ads

ນາຍົກ ເຂົ້າຮ່ວມກອງປະຊຸມສຸດຍອດອະນຸພາກພື້ນແມ່ນໍ້າຂອງ ແລະ ກອງປະຊຸມສຸດຍອດເຂດສາມຫຼ່ຽມພັດທະນາ




ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ແລະ ຄະນະຜູ້ແທນ ໄດ້ເຂົ້າຮ່ວມກອງປະຊຸມສຸດຍອດ ທຸລະກິດອະນຸພາກພື້ນແມ່ນໍ້າຂອງ ຄັ້ງທຳອິດ, ກອງປະຊຸມສຸດຍອດ ອະນຸພາກພື້ນແມ່ນ້ຳຂອງຄັ້ງທີ 6 ແລະ ກອງປະຊຸມສຸດຍອດ ເຂດສາມຫຼ່ຽມ ພັດທະນາ ກຳປູເຈຍ – ລາວ – ຫວຽດນາມ ຄັ້ງທີ 10 ໃນລະຫວ່າງວັນທີ 30-31 ມີນາຜ່ານນີ້ ທີ່ ນະຄອນຫຼວງຮ່າໂນ້ຍ ສສ ຫວຽດນາມ ດ້ວຍຜົນສຳເລັດຢ່າງຈົບງາມ.





ໃນວັນທີ 30 ມີນາຜ່ານມານີ້ ທ່ານນາຍົກລັດຖະມົນຕີ ແຫ່ງ ສປປ ລາວ ໄດ້ເຂົ້າຮ່ວມກອງປະຊຸມ ສຸດຍອດ ທຸລະກິດອະນຸພາກພື້ນແມ່ນ້ຳຂອງຄັ້ງທຳອິດ, ຊຶ່ງມີບັນດາຜູ້ນຳ ແລະ ການນຳ ຂອງບັນດາປະເທດສະມາຊິກ ອະນຸພາກພື້ນແມ່ນ້ຳຂອງ, ທະ ນາຄານພັດທະນາອາຊີ, ທະ ນາຄານໂລກ ແລະ ເລຂາທິ ການໃຫຍ່ອາຊຽນເຂົ້າຮ່ວມ. ບັນດາຜູ້ນຳໄດ້ປຶກສາຫາ ລືກ່ຽວກັບຕົວຂັບເຄື່ອນໃໝ່ ສຳລັບການພັດທະນາໃນພາກ ພື້ນແມ່ນ້ຳຂອງ ໃນອະນາຄົດ, ຊຶ່ງກອງປະຊຸມດັ່ງກ່າວ ທ່ານ ນາຍົກລັດຖະມົນຕີ ແຫ່ງ ສປປ ລາວ ກໍໄດ້ສະເໜີແນວ ທາງການຈັດຕັ້ງປະຕິບັດວຽກ ງານໃນຕໍ່ໜ້າກ່ຽວກັບການພັດ ທະນາເສດຖະກິດ-ສັງຄົມ ຂອງ ສປປ ລາວ ໂດຍສະເພາະການ ສ້າງສະພາບແວດລ້ອມທີ່ເອື້ອ ອຳນວຍໃຫ້ນັກລົງທຶນ ພາຍໃນ ແລະ ພາຍນອກອະນຸພາກພື້ນ ລວມທັງບັນດາທ່າແຮງຂອງ ສປປ ລາວ.


ໃນຕອນເຊົ້າຂອງວັນທີ 31 ມີນາ ຜ່ານມາ ທ່ານນາຍົກ ລັດຖະມົນຕີໄດ້ເຂົ້າຮ່ວມກອງ ປະຊຸມສຸດຍອດ ອະນຸພາກພື້ນ ແມ່ນ້ຳຂອງຄັ້ງທີ 6 ພາຍໃຕ້ ຫົວຂໍ້ “ກຳລັງແຮງຂອງການ ຮ່ວມມື 25 ປີ ແລະ ການສ້າງ ອະນຸພາກພື້ນແມ່ນ້ຳຂອງໃຫ້ ມີຄວາມຍືນຍົງ, ເຊື່ອມໂຍງ ແລະ ຈະເລີນຮຸ່ງເຮືອງ” ກອງ ປະຊຸມດັ່ງກ່າວ ໄດ້ຮັບຟັງລາຍ ງານກ່ຽວກັບຜົນສຳເລັດທີ່ສຳ ຄັນໃນການຈັດຕັ້ງປະຕິບັດ ວຽກງານການຮ່ວມມືໃນອະນຸ ພາກພື້ນແມ່ນ້ຳຂອງ ໃນໄລຍະ 25 ປີ ອັນເກີດມາຈາກຄວາມ ພະຍາຍາມ ແລະ ການປະ ກອບສ່ວນຢ່າງຕັ້ງໜ້າຂອງບັນ ດາປະເທດສະມາຊິກນຳກັນ. ນອກນັ້ນ, ຍັງໄດ້ຮັບຟັງກ່ຽວ ກັບບັນດາສິ່ງກີດຂວາງຕ່າງໆ ທີ່ຖ່ວງດຶງການພັດທະນາໃນຂົງເຂດດັ່ງກ່າວ ແລະ ການ ຮ່ວມມືກັນເພື່ອພັດທະນາ ຂອບການຮ່ວມມືດັ່ງກ່າວ ໃຫ້ ນັບມື້ນັບດີຂຶ້ນເທື່ອລະກ້າວ. ພ້ອມນີ້, ທ່ານນາຍົກລັດຖະມົນ ຕີ ແຫ່ງ ສປປ ລາວ ກໍໄດ້ເຊີນ ຊວນ ຜູ້ເຂົ້າຮ່ວມກອງປະຊຸມ ທຸກທ່ານ ໄປຢ້ຽມຢາມ ສປປ ລາວ ເນື່ອງໃນໂອກາດປີທ່ອງ ທ່ຽວ 2018 ອີກດ້ວຍ. ໃນ ກອງປະຊຸມສຸດຍອດຄັ້ງນີ້ໄດ້ ຮັບຮອງເອົາຖະແຫຼງການຮ່ວມ (The Sixth GMS Summit Joint Declaration), ແຜນດຳເນີນງານຮ່າໂນ້ຍ ໃນປີ 2018-2022 (The Ha Noi Action Plan 2018 -2022) ແລະ ບັນຊີໂຄງການ ລົງທຶນໃນຂອບການລົງທຶນ ພາກພື້ນແມ່ນໍ້າຂອງ 2022 (The Regional Investment Framework 2022) ເພື່ອເປັນ ທິດທາງໃນການຮ່ວມມືກັນໃນ ຕໍ່ໜ້າ. ພ້ອມດຽວກັນນັ້ນ, ກໍ ໄດ້ຢ້ຽມຊົມງານວາງສະແດງ ຮູບພາບທີ່ສະທ້ອນໃຫ້ເຫັນຜົນ ສຳເລັດຂອງການຮ່ວມມືອະນຸ ພາກພື້ນແມ່ນ້ຳຂອງໃນໄລຍະ 25 ປີທີ່ຜ່ານມາ.




ໃນຕອນບ່າຍຂອງວັນທີ 31 ມີນາ ຜ່ານມາ ທ່ານນາຍົກລັດ ຖະມົນຕີ ໄດ້ເຂົ້າຮ່ວມກອງປະ ຊຸມສຸດຍອດເຂດສາມຫຼ່ຽມພັດ ທະນາກຳປູເຈຍ-ລາວ-ຫວຽດ ນາມ ຄັ້ງທີ 10, ຊຶ່ງກອງປະຊຸມ ໄດ້ຕີລາຄາຄືນຜົນການຈັດຕັ້ງ ຜັນຂະຫຍາຍຜົນຂອງກອງປະ ຊຸມສຸດຍອດກຳປູເຈຍ-ລາວ- ຫວຽດນາມ ຄັ້ງທີ 9 ໃນປີ 2016 ຜ່ານມາທີ່ສຽມລຽບ ແລະ ໄດ້ປຶກສາຫາລືກ່ຽວກັບທິດທາງການຮ່ວມມືໃນການ ພັດທະນາ ໃນຂົງເຂດດັ່ງກ່າວ ໃນຕໍ່ໜ້າ. ນອກນັ້ນ, ຍັງໄດ້ລົງ ນາມ ແລະ ຮັບຮອງຖະແຫຼງ ການຮ່ວມກອງປະຊຸມສຸດຍອດເຂດສາມຫຼ່ຽມພັດທະນາ ກຳປູເຈຍ-ລາວ-ຫວຽດນາມ ຄັ້ງທີ 10 (Joint Declaration of the 10th Cambodia-Laos PDR-Viet Nam Summit on Development Triangle Area) ແລະ ໄດ້ ຮັບຮອງເອົາແຜນປະຕິບັດງານ ວ່າດ້ວຍການເຊື່ອມຈອດເສດ ຖະກິດກຳປູເຈຍ-ລາວ-ຫວຽດ ນາມ ຮອດປີ 2030 (The Action Plan for Cambodia-Laos-Viet Nam Economic Connectivity up to 2030) ເພື່ອສົ່ງເສີມການເຊື່ອມຈອດ ຮອບດ້ານລະຫວ່າງສາມປະ ເທດໃນຕໍ່ໜ້າ.

ໃນໂອກາດເຂົ້າຮ່ວມກອງ ປະຊຸມຄັ້ງນີ້ ທ່ານນາຍົກລັດ ຖະມົນຕີ ແຫ່ງ ສປປ ລາວ ໄດ້ເຂົ້າຢ້ຽມຂໍ່ານັບທ່ານປະທານປະເທດ ແຫ່ງ ສສ ຫວຽດນາມ ແລະ ໄດ້ພົບປະສອງຝ່າຍກັບທ່ານນາຍົກລັດຖະມົນຕີ ແຫ່ງ ຣາຊະອານາຈັກໄທ ແລະ ທີ່ປຶກ ສາແຫ່ງລັດ ແລະ ລັດຖະມົນ ຕີການຕ່າງປະເທດ ສປ ຈີນ.


ພາບ-ຂ່າວ: ກົມການຂ່າວ

© ໂຕະນໍ້າຊາ | www.tonamchanews.com | www.tonamcha.com 
___________



No comments

Powered by Blogger.