Header Ads

ການເກັບລາຍຮັບຢູ່ເມືອງປາກເຊຍັງຫຼຸດຄາດໝາຍຫຼາຍ ໂດຍປະຕິບັດໄດ້ 65,5%



ຕາມການລາຍງານຂ່າວຂອງ ນສພ ຈໍາປາໃໝ່ ວ່າ : ໃນວັນທີ 22 ພຶດສາພາ 2018 ຜ່ານມານີ້, ຫ້ອງການ ການເງິນ ເມືອງປາກເຊ ໄດ້ຈັດກອງປະຊຸມສະຫຼຸບວຽກງານປະຈຳປີ 2017 ພາຍໃຕ້ການເປັນປະທານ ຂອງທ່ານ ອ່ອນແກ້ວ ເພັດພູມີ ຮອງເຈົ້າເມືອງໆປາກເຊ, ທ່ານ ສຸດອນ ຄຳບົວສີ ກຳມະການພັກເມືອງ ຫົວໜ້າຫ້ອງການ ການເງິນ ເມືອງປາກເຊ ພ້ອມຄະນະ, ມີຫົວໜ້າຫ້ອງການອ້ອມຂ້າງເມືອງ, ນາຍບ້ານ ແລະ ພະນັກງານວິຊາການທີ່ກ່ຽວຂ້ອງເຂົ້າຮ່ວມ.




ຈາກການສະຫຼຸບລາຍງານການຈັດຕັ້ງປະຕິບັດວຽກງານໃນໄລຍະ 1 ປີ 2017 ຜ່ານມາ ແລະ ວາງທິດທາງຜານການ 1 ປີ ຕໍ່ໜ້າ ໄດ້ຊີ້ໃຫ້ເຫັນວ່າ: ການເກັບລາຍຮັບເຂົ້າງົບປະມານ ຢູ່ເມືອງປາກເຊໃນປີ 2017 ຜ່ານມາ ຍັງຫຼຸດຄາດໝາຍຫຼາຍ. ສຳລັບໃນປີ 2017 ຕົວເລກແຜນລາຍຮັບທັງໝົດ 26.118.340.000 ກີບ ປະຕິບັດໄດ້ທັງໝົດ 17.117.257.204 ກີບ ທຽບໃສແຜນການປີປະຕິບັດໄດ້ 65,5% ທຽບໃສ່ໄລຍະດຽວປີກອນປະຕິບັດໄດ້ 95,3% ໃນນັ້ນຕົວເລກແຜນລາຍຮັບອາກອນທັງໝົດ 25.611.189.000 ກີບ ປະຕິບັດໄດ້ 16.490.559.679 ກີບ ທຽບໃສ່ແຜນການປີປະຕິບັດໄດ້ 64,4% ທຽບໃສ່ໄລຍະດຽວຂອງປີກ່ອນ ປະຕິບັດໄດ້ 95% ແລະ ຕົວເລກແຜນລາຍຮັບຈາກໜ່ວຍງານຊັບສິນທັງໝົດ 507.151.000 ກີບ ທຽບໃສ່ ແຜນການປີ ປະຕິບັດໄດ້ 124% ທຽບໃສ່ໄລຍະດຽວຂອງປີກ່ອນປະຕິບັດໄດ້ 66%. 

ພ້ອມດຽວກັນນີ້ໃນກອງປະຊຸມຍັງໄດ້ຮັບຟັງການປະກອບຄຳຄິດຄຳເຫັນຈາກຫ້ອງການອ້ອມຂ້າງເມືອງ, ບ້ານ ແລະ ພາກສ່ວນທີ່ກ່ຽວຂ້ອງ ເພື່ອຊ່ວຍກັນຊອກຫາວິທີທາງເຮັດໃຫ້ການຈັດເກັບລາຍຮັບເຂົ້າງົບປະມານປີ 2018 ໃຫ້ໄດ້ຕາມລະດັບຄາດໝາຍ.

ໂດຍ: ຈິນດາວັນ ຖວທ ເມືອງປາກເຊ (ນສພ ຈໍາປາໃໝ່)

© ໂຕະນໍ້າຊາ  | www.tonamcha.com | www.tonamchanews.com

_______



No comments

Powered by Blogger.