Header Ads

ເຈົ້າຫນ້າທີ່ເລັ່ງສືບສວນເກັບກໍາຂໍ້ມູນຫລັກຖານການເກີດອຸບັດເຫດທີ່ຖະຫນົນ 450 ປີ



ອີງຕາມການລາຍງານຂອງ ສໍານັກຂ່າວສານປະເທດລາວ ວ່າ : 28 ພຶດສະພາ 2018, ຕໍາຫລວດຈະລາຈອນ ພວມສືບສວນເກັບຂໍ້ມູນຫລັກຖານ ການເກີດອຸບັດເຫດຢູ່ຖະໜົນ 450 ປີເຂດບ້ານດົງໂພນແຮ່ ເມືອງຫາດຊາຍຟອງ ນະຄອນຫລວງວຽງຈັນ , ຈຸດເກີດເຫດເປັນບ່ອນລ້ຽວເຂົ້າທາງຮ່ອມບ້ານ ເຊິ່ງຫ່າງຈາກສາມແຍກສາງທ່ານາແລ້ງປະມານ 3 ກິໂລແມັດ. 





ລົດທ່ອງທ່ຽວຫມາຍເລກທະບຽນ ບສ 6789 ນະຄອນຫລວງວຽງຈັນ ນໍານັກທ່ອງທ່ຽວຫວຽດນາມ 45 ຄົນກັບມາຈາກການທ່ອງທ່ຽວປະເທດໄທ ມາເຖິງຈຸດເກີດເຫດ ມີລົດຈັກຂ້າມທາງມາຂະມະ, ຄົນຂັບ ເຊິ່ງເປັນຄົນຫວຽດນາມ ຈຶ່ງຫັກພວງມະໄລ ເຮັດໃຫ້ລົດເຈືອກຕົກລົງຮ່ອງແຄມທາງ ເລິກປະມານສາມແມັດ, ມີຜູ້ໂດຍສານ ບາດເຈັບຊາວກວ່າຄົນ. ບາດເຈັບຫນັກສາມຄົນ. ຄົນເຈັບຖືກນຳສົ່ງໄປປິ່ນປົວຢູ່ໂຮງໝໍມິດຕະພາບ 150ຕຽງ. ສ່ວນລົດຂັບລົດຈັກ ຊາບຂໍ້ມູນເບື້ອງຕົ້ນເປັນຄົນບ້ານທ່າມ່ວງ ເມືອງຫາດຊາຍຟອງ ນະຄອນຫລວງວຽງຈັນ ບາດເຈັບພໍສົມຄວນ.



ຖະໜົນ 450 ປິ ເປັນຖະໜົນສາຍສຳຄັນ ເວັ້ນນອກເມືອງເຊິ່ງມີລົດບັນທຸກໜັກແລ່ນຫລາຍໃນເວລາຄ້າຍຄໍ່າຫາກາງຄືນ. ຕາມຖະໜົນເສັ້ນນີ້ ມັກມີການແລ່ນລົດບໍຖືກທາງ ຕາມກົດຈະລາຈອນ ຄື ຂີ່ກັບລູກສອນ ຍ້ອນຄວາມມັກງ່າຍຂອງຜູ້ຂັບຂີ່ຈຳນວນຫນຶ່ງ ເຊິ່ງມີຄວາມສ່ຽງຕໍ່ການເກີດອຸບັດເຫດ ທີ່ສຸດ.


© ໂຕະນໍ້າຊາ  | www.tonamcha.com | www.tonamchanews.com

_______


No comments

Powered by Blogger.