Header Ads

ຊຽງຂວາງຈູດທໍາລາຍຢາເສບຕິດທີ່ຢຶດໄດ້ປະກອບມີຢາບ້າຈຳນວນ 17.019 ເມັດ, ເຮໂລອີນຈຳນວນ 22 ແທ່ງ ແລະ 4.061 ກຣາມ ຢາໄອ ຈຳນວນ 1 ກິໂລກຣາມ




ກອງບັນຊາການ ປກສ ແຂວງຊຽງຂວາງໄດ້ຈັດພິທີທຳລາຍຈູດຢາເສບຕິດ ເນື່ອງໃນໂອກາດວັນຕ້ານຢາເສບຕິດສາກົນ ຄົບຮອບ 31 ປີ ໄດ້ຈັດຂື້ນ ຢູ່ທີ່ສູນບຳບັດຢາເສບຕິດພູຂີ້ເຫລົ້າ ໃນວັນທີ 26 ມິຖຸນາ 2018 ໂດຍການເຂົ້າຮ່ວມຂອງທ່ານ ຄຳແສນ ມະນີວົງ ຮອງເຈົ້າແຂວງຊຽງຂວາງ ມີທ່ານ ພັອ ບຸນລົດ ຄຳແພງພັນ ຫົວຫນ້າກອງບັນຊາການ ປກສ ແຂວງ ມີບັນດາຫົວຫນ້າຫ້ອງ ກອງພັນ ໂຮງຮຽນ ແລະ ພະແນກການກົມກອງອ້ອມຂ້າງແຂວງ ເຂົ້າຮ່ວມເປັນສັກຂີພີຍານ



ຢາເສບຕິດທີ່ນຳມາທຳລາຍໃນຄັ້ງນີ້ແມ່ນມີຈຳນວນ 3 ປະເພດ ທີ່ສານໄດ້ຕັດສິນໃຊ້ໄດ້ຢ່າງເດັດຂາດແລ້ວ ແຕ່ປີ 2017 - 2018 ມີຢາບ້າຈຳນວນ 17.019 ເມັດ, ເຮໂລອີນຈຳນວນ 22 ແທ່ງ ແລະ 4.061 ກຣາມ ຢາໄອ ຈຳນວນ 1 ກິໂລກຣາມ ( ລະອຽດເພີ່ມເຕີມຕິດຕາມຂ່າວໂທລະພາບປກສ )



ນັກຂ່າວ: ຄຳສາຍ ປກສ ແຂວງຊຽງຂວາງ
© ໂຕະນໍ້າຊາ  | www.tonamcha.com | www.tonamchanews.com

_______

No comments

Powered by Blogger.