Header Ads

ແຂວງບໍ່ແກ້ວ ຈູດທຳລາຍຢາເສບຕິດ 193.940.5 ກວ່າກິໂລກຣາມ



ແຂວງບໍ່ແກ້ວ ຈັດພິທີຈູດທໍາລາຍຢາເສບຕິດທີ່ຢຶດໄດ້ ແລະ ຜ່ານການຕັດສິນຂອງສານແລ້ວ ໃນວັນທີ 26 ມິຖຸນາ 2018 ລວມທັງໝົດ 193,940.5 ກວ່າກິໂລກຣາມ ໃນນັ້ນ ປະກອບ ມີຢາບ້າ, ເຮໂຣອິນ, ຢາໄອສ໌ ແລະ ຝຸ່ນແປ້ງສີຂາວ.ໂດຍເປັນກຽດເຂົ້າຮ່ວມຈູດທຳລາຍຄັ້ຍນີ້ໂດຍ ທ່ານ ປອ ຄຳພັນ ເຜີຍຍະວົງ ກຳມະກຳມະການສູການພັກ ເລຂາພັກແຂວງ ເຈົ້າແຂວງໆບໍ່ແກ້ວ, ມີການນຳຂັ້ນແຂວງ, ເມືອງ, ສອງກອງບັນຊາການ ປກຊ - ປກສ ແລະ ພາກສ່ວນກ່ຽວຂ້ອງ ເຂົ້າຮ່ວມ.






 ໂອກາດນີ້, ທ່ານ ພັນເອກ ຖາວອນ ອີນທະວົງ ຫົວໜ້າກອງບັນຊາການ ປກສ ແຂວງບໍ່ແກ້ວໄດ້ໃຫ້ຮູ້ວ່າ: ໃນໜຶ່ງປີຜ່ານມາເຈົ້າໜ້າທີ່ກວດກາປາບປາມຢາເສບຕິດ ສາມາດຢຶດໄດ້ຢາເສບຕິດປະເພດຕ່າງໆ ຄື: ຢາບ້າ 1,934,424 ເມັດ, ໜັກ 193.424 ກິໂລກຣາມ, ຝຸ້ນແປ້ງສີຂາວຈຳນວນ 20 ເປົາ, ໜັກ 500 ກິໂລກຣາມ, ຢາໄອສ໌ 12 ຫໍ່, 03 ຖົງນ້ອຍ, 22 ຫຼອດນ້ອຍ, ໜັກ 13 ກຣາມ, ເຮໂຣອິນຈຳນວນ 06 ແທ່ງ, 04 ຖົງນ້ອຍ, 10 ຫຼອດນ້ອຍ, ໜັກ 3,5 ກິໂລກຣາມ, ມີຄະດີເກີດຂຶ້ຍ້ອນຢາເສບຕິດທັງໝົດ 125 ລາຍ, ຈັບຜູ້ຕ້ອງຫາໄດ້ 144 ຄົນ, ຍິງ 17 ຄົນ, ຄົນຕ່າງປະເທດ 04 ຄົນ. 






ທ່ານ ພັນເອກ ຖາວອນ ອີນທະວົງ ຫົວໜ້າກອງບັນຊາການ ປກສ ແຂວງບໍ່ແກ້ວຍັງໄດ້ຮຽກຮ້ອງໃຫ້ ພະນັກງານ, ທະຫານຕຳຫຼວດ, ຕະຫຼອດຮອດພໍ່ຄ້າ - ຊາວຂ້າຍ, ນັກທຸລະກິດ ຕະຫຼອດຮອດພໍ່ - ແມ່ປະຊາຊົນທຸກຊັ້ນຄົນ ຈົ່ງພ້ອມກັນເພິ່ມທະວີຄວາມເອົາໃຈໃສ່ ມີສະຕິລະວັງຕົວ, ພ້ອມກັນສຶກສາອົບຮົມໃຫ້ລູກໃຫ້ຫຼານຂອງຕົນ ບໍ່ຊື້, ບໍ່ຂ້າຍ, ບໍ່ເສບ ແລະ ພ້ອມກັນເປັນເຈົ້າການໃນການສະກັດກັ້ນ ແລະ ຕ້ານຢາເສບຕິດນີ້ໃຫ້ໝົດໄປໃນສັງຄົມ. ທັງນີ້ກໍ່ເພື່ອໃຫ້ສັງຄົມມີຄວາມສະຫງົບປອດໄພ. ຂາວສະອາດ ແລະ ດີຂື້ນເທືອລະກ່າວ. 









ຂ່າວ - ພາບ: ບຸນເພັດ ໄຊຍະວົງ (ໂທລະພາບແຂວງບໍ່ແກ້ວ)
© ໂຕະນໍ້າຊາ  | www.tonamcha.com | www.tonamchanews.com

_______


No comments

Powered by Blogger.