Header Ads

ເຫດພົບສົບຜູ້ສູນຫາຍຫຼົງທາງຢູ່ໃນປ່າ ຄາດເສຍຊີວິດມາເເລ້ວຢ່າງຕໍ່າ 20 ມື້




ອີງຕາມການລາຍງານຂອງ ໜ່ວຍກູ້ໄພມູນນິທິຈີນ1628 ວ່າ : ວັນອາທິດ ວັນທີ10 ມີຖຸນາ 2018 ເວລາ07:00 ນາທີ ໄດ້ຮັບແຈ້ງຈາກປະຊາຊົນຜ່ານເບີສຸກເສີນ1628 ວ່າມີຄົນພົບສົບຜູ້ສູນຫາຍຫຼົງທາງຢູ່ໃນປ່າ ເຂດບ້ານຖໍ້າຕີນພູພະນັງ ເມືອງນາຊາຍທອງ ນະຄອນຫຼວງວຽງຈັນ. ໜ່ວຍກູ້ໄພມູນນິທິຈີນ1628 ໄດ້ອອກກວດສອບເດີນທາງໄປຮອດບ້ານແລ້ວໄດ້ຂີ່ລົດຕ໋ອກໆໄປຕໍ່ ເພາະລົດສຸກເສີນເຂົ້າໄປບໍ່ໄດ້. ເມື່ອໄປຮອດພົບເຫັນສົບຢູ່ຕີນພູ ເປັນເພດຊາຍ . ຂໍ້ມູນພີ່ນ້ອງຂອງຜູ້ເສຍຊີວິດໄດ້ບອກໃຫ້ຮູ້ວ່າ:ຜູ້ເສຍຊີວິດໄດ້ອອກຈາກບ້ານບໍ່ຮູ້ວ່າໄປໄສຕິດຕໍ່ບໍ່ໄດ້ຫຼາຍມື້ ຈົນມາເຫັນເປັນສົບໃນມື້ ວັນອາທິດ ວັນທີ10 ມີຖຸນາ 2018. 





ດັ່ງນັ້ນ ໜ່ວຍກູ້ໄພເຮົາຈື່ງໄດ້ລົງໄປ ພ້ອມພີ່ນ້ອງຜູ້ເສຍຊີວິດ ໂດຍຮ່ວມນາຍບ້ານ ແລະ ທະຫານປ່າສະຫງວນແຫ່ງຊາດພູພະນັງເຂົ້າຮ່ວມ ແລະ ໄດ້ທຳການຫໍແລ້ວນຳຂື້ນມາເພື່ອໃຫ້ພີ່ນ້ອງຜູ້ເສຍຊີວິດໄດ້ນຳໄປປະຕິບັດຕາມສາດສະໜາຕໍ່ໄປ.








ຜູ້ປ່ວຍສຸກເສີນໂທແຈ້ງ1628ໄດ້ 24 ຊົ່ວໂມງ

ພາບ ແລະ ຂ່າວ: ໜ່ວຍກູ້ໄພມູນນິທິຈີນ1628
© ໂຕະນໍ້າຊາ  | www.tonamcha.com | www.tonamchanews.com

_______

No comments

Powered by Blogger.