Header Ads

ເຫດຄາດຕະກໍາເມຍນ້ອຍ ຢູ່ບ້ານຄັນດິນ ເມືອງແປກ ແຂວງຊຽງຂວາງ




ໃນວັນທີ 14 ມິຖຸນາ 2018 ນີ້ ເຈົ້າໜ້າທີ່ພະແນກສືບສວນ­ສືບສວນ ປກສ ແຂວງບໍ່ແກ້ວ ໄດ້ນໍາຕົວທ້າວຕົງ ເລົາທໍ ອາຍຸ 23 ປີ ຢູ່ບ້ານ ຄັນດິນ ເມືອງແປກ ແຂວງຊຽງຂວາງ ຜູ້ຖືກຫາຄະດີຄາດຕະກໍາ ມາທຳແຜນປະກອບຄະດີຄືນໃໝ່. ໃນຄັ້ງວັນທີ 10 ຕຸລາ 2017 ຜູ້ກ່ຽວໄດ້ພາເມຍຈໍານວນ 02 ຄົນຊື່: ນາງ ນູວື (ເມຍຫຼວງ) ແລະ ນາງ ຢູເດຍ (ເມຍນ້ອຍ) ອາຍຸ 18 ປີ ຢູ່ບ້ານຄັນດິນ ເມືອງແປກ ແຂວງຊຽງຂວາງ ທັງສາມແມ່ນຊົນເຜົ່າມົ້ງ ອາຊີບ ກໍາມະກອນ ແລະ ໄດ້ມາຮັບຈ້າງເຮັດວຽກຢູ່ສວນກ້ວຍຈີນ ເຂດບ້ານບໍ່ເຫຼັກ ເມືອງຫ້ວຍຊາຍ ແຂວງບໍ່ແກ້ວ.





ຕົກມາຮອດວັນທີ 24 ທັນວາ 2017 ເວລາປະມານ 20 ໂມງ 00 ນາທີ ນາງ ນູວື (ເມຍຫຼວງ) ແມ່ນໄດ້ໄປຊັກເຄືອງ ສ່ວນທ້າວຕົງ ເລົາທໍ ແລະ ນາງຢູເດຍ (ເມຍນ້ອຍ) ແມ່ນຢູ່ຫ້ອງພັກ ແລະ ໄດ້ມີເລື່ອງຜິດຖຽງກັນ. ຈາກນັ້ນ, ທ້າວ ຕົງ ເລົາທໍ ກໍ່ໄດ້ຢູ້ນາງ ຢູເດຍ ໄປຕໍາໃສ່ປະຕູຫ້ອງນອນຢ່າງແຮງ ເຮັດໃຫ້ນາງຢູເດຍລົມລົງຫົວພາດຂອບພື້ນປະຕູຫ້ອງນອນ ແລະ ຜູ້ກ່ຽວຍັງໄດ້ບີບຄໍຊໍ້າຕື່ມອີກແລ້ວດຶງຂຶ້ນມາ ແລະ ເຫັນວ່ານາງຢູເດຍໄດ້ໝົດສະຕິລົມລົງກັບພື້ນ. ເມື່ອເຫັນແນວນັ້ນ, ຜູ້ກ່ຽວຈຶ່ງໄດ້ໄປຮ້ອງເຈົ້າຂອງສວນກ້ວຍ ແລ້ວນໍາຕົວນາງຢູເດຍສົ່ງໂຮງໝໍແຂວງບໍ່ແກ້ວ ຈົນຕົກມາຮອດເວລາ 12 ໂມງ 00 ນາທີ ຂອງວັນທີ 25 ທັນວາ 2017 ນາງຢູເດຍແມ່ນໄດ້ເສຍຊີວິດຢູ່ທີ່ໂຮງໝໍໃນມື້ຕໍ່ມາ.

ປັດຈຸບັນທາງເຈົ້າໜ້າທີ່ຂອງພວກເຮົາແມ່ນໄດ້ກັກຕົວຜູ້ກ່ຽວໄວ້ ເພື່ອລໍຖ້າປະກອບສຳນວນຄະດີສົ່ງໃຫ້ອົງການໄອຍະການປະຊາຊົນ ເພື່ອສັ່ງຟ້ອງສານຕັດສິນຕາມລະບຽບກົດໝາຍຕໍ່ໄປ.



ຂ່າວ: ຮຕ ນາຊູ ອິນທະບັນດິດ
© ໂຕະນໍ້າຊາ  | www.tonamcha.com | www.tonamchanews.com

_______



No comments

Powered by Blogger.