Header Ads

ປກສ ເມືອງສີໂຄດຕະບອງ ຈັບຜູ້ຄ້າຢາບ້າພ້ອມຂອງກາງ 4.000 ເມັດ (2 ມັດ)




ວັນທີ 22 ພຶດສະພາ ຜ່ານມາ, ອົງການການປົກຄອງບ້ານວຽງສະຫວັນ ເມືອງສີໂຄດຕະບອງ ນະຄອນຫຼວງວຽງຈັນ ໄດ້ປະສານສົມທົບກັບເຈົ້າໜ້າທີ່ ປກສ ເມືອງ ກັກຕົວ ທ້າວ ບຸນມີ ຫຼື ກື້ ອາຍຸ 30 ປີ, ຢູ່ບ້ານດັ່ງກ່າວ ຍ້ອນເຄື່ອນໄຫວຄ້າຂາຍຢາເສບຕິດ ພ້ອມຂອງກາງ 4.000 ເມັດ.

ເຈົ້າໜ້າທີ່ໜ່ວຍງານສືບສວນ-ສອບສວນຄະດີອາຍາ ປກສ ເມືອງສີໂຄດຕະບອງ ນະຄອນຫຼວງວຽງຈັນ ເປີດເຜີຍວ່າ: ຫຼັງຈາກໄດ້ຮັບລາຍງານຈາກອົງການປົກຄອງບ້ານດັ່ງກ່າວວ່າ ທ້າວ ບຸນມີ ຫຼື ກື້ ປະຊາຊົນພາຍໃນບ້ານ ມີພຶດຕິກໍາຕິດການພະນັນ, ຕິດເກມອອນລາຍ, ຕີສະໜຸກເກີ້, ທ່ຽວເດິກ ແລະ ມີການເຄື່ອນໄຫວພົວພັນເສບ ແລະ ຄ້າຂາຍຢາເສບຕິດ. ຈາກນັ້ນ, ເຈົ້າໜ້າທີ່ວິຊາສະເພາະໄດ້ລົງຕິດຕາມການເຄື່ອນໄຫວຢ່າງໃກ້ຊິດ ແລະ ສາມາດສືບຮູ້ໄດ້ວ່າຜູ້ກ່ຽວກໍາລັງນໍາເອົາຢາບ້າໄປຂາຍ ຈຶ່ງນໍາກໍາລັງເຂົ້າກັກຕົວຜູ້ກ່ຽວໄດ້ຢູ່ເສັ້ນທາງເຂົ້າເຂດບ້ານໜອງແຕ່ງ ເມືອງສີໂຄດຕະບອງ ພ້ອມຂອງກາງຢາບ້າ 2 ມັດ ເທົ່າກັບ 4.000 ເມັດ ໄປດໍາເນີນຄະດີ.



ຜ່ານການສອບສວນ ຜູ້ກ່ຽວສາລະພາບວ່າ: ໄດ້ເລີ່ມເສບຢາເສບຕິດມາແຕ່ໃນປີ 2015 ໂດຍເຮັດວຽກເປັນກໍາມະກອນ, ພາຍຫຼັງໄດ້ເງິນກໍນໍາເງິນໄປຊື້ຢາເສບຕິດໄປເສບມົ້ວສຸມກັບໝູ່ຈົນໝົດ. ນອກນັ້ນ, ການຍັງຕິດຫຼິ້ມເກມອອນລາຍ ແລະ ຮ້ານສະໜຸກເກີ້ ແລະ ຊື້ຢາມາເສບ, ເມື່ອຕ້ອງການເສບເພີ່ມຂຶ້ນບໍ່ມີເງິນຊື້ ຈຶ່ງຫັນມາຂາຍຢາເສບຕິດເພື່ອກິນກໍາໄລ. ໃນຄັ້ງຫຼ້າສຸດ, ໄດ້ຊື້ນໍາພັກພວກຈໍານວນ 2 ມັດ ເທົ່າກັບ 4.000 ເມັດ ເພື່ອນໍາໄປຂາຍໃຫ້ກຸ່ມມົ້ວສຸມຢູ່ເຂດບ້າໜອງແຕ່ງ; ໃນຂະນະນໍາສົ່ງ, ຖືກເຈົ້າໜ້າທີ່ສືບຮູ້ ແລະ ກັກຕົວມາດໍາເນີນຄະດີ


ພາບ-ຂ່າວ: ນສພ ຄວາມສະຫງົບ
© ໂຕະນໍ້າຊາ  | www.tonamcha.com | www.tonamchanews.com
_______




No comments

Powered by Blogger.