Header Ads

ລັດຖະບານ ຈະເຂັ້ມງວດແກ້ໄຂການຂາຍຫວຍເຖື່ອນ



ເພື່ອສືບຕໍ່ເຮັດໃຫ້ແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ ສະບັບເລກທີ 1244/ຫສນຍ.ກລຂ ລົງວັນທີ 17 ສິງຫາ 2017 ວ່າດ້ວຍການເຄື່ອນໄຫວວຽກງານຂອງ ບໍລິສັດ ລັດວິສາຫະກິດ ຫວຍພັດທະນາລາວ ໃນໄລຍະຜ່ານມາ ແລະ ທິດທາງການເຄື່ອນໄຫວຕໍ່ໜ້າໃຫ້ປະກົດຜົນເປັນຈິງໃນການແກ້ໄຂປະກົດການໆຂາຍຫວຍເຖື່ອນໃຫ້ເຂົ້າສູ່ລະບົບ, ລະບຽບກົດໝາຍເທື່ອລະກ້າວ.



ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ໄດ້ຊີ້ແຈງບັນຫາຫວຍເຖື່ອນຕໍ່ສະມາຊິກສະພາແຫ່ງຊາດ ກ່ຽວກັບມາດຕະການແກ້ໄຂຫວຍເຖື່ອນຈາກປະເທດໃກ້ຄຽງເຂົ້າມາຈຳໜ່າຍໃນ ສປປ ລາວ ໃນຮູບແບບທັນສະໄໝ, ໃຫ້ສ່ວນແບງຫຼາຍ ແລະ ເປັນສິ່ງທີ່ຈູງໃຈແກ່ຜູ້ຊີງໂຊກ – ຊີງລາງວັນ.

ຕໍ່ກັບປະເດັນດັ່ງກ່າວ, ທ່ານ ສົມດີ ດວງດີ ໄດ້ຊີ້ແຈງວ່າ: ເພື່ອເຮັດໃຫ້ການຄຸ້ມຄອງການຈຳໜ່າຍຫວຍຖືກຕ້ອງຕາມກົດໝາຍ ແນໃສ່ຈັດຕັ້ງຜັນຂະຫຍາຍແຈ້ງການຂອງຫ້ອງວ່າການສຳນັກງານນາຍົກລັດມົນຕີ ສະບັບເລກທີ 1244/ຫສນຍ.ກລຂ ລົງວັນທີ 17 ສິງຫາ 2017 ທີ່ລະບຸໄວ້ໃນຂໍ້ທີ 4 ມີເນື້ອໃນລະບຸໄວ້ວ່າ: ມອບໃຫ້ກະຊວງການເງິນ ສົມທົບກັບກະຊວງປ້ອງກັນຄວາມສະຫງົບ ແລະ ພາກສ່ວນກ່ຽວຂ້ອງກວດກາ ແລະ ຄຸ້ມຄອງ ໂດຍຫ້າມບໍ່ໃຫ້ມີການຈຳໜ່າຍຫວຍເຖື່ອນຈາກຕ່າງປະເທດ, ຖ້າພົບກໍລະນີມີຜູ້ລະເມີດ ຫຼື ຈຳໜ່າຍຫວຍເຖື່ອນດັ່ງກ່າວ ແມ່ນໃຫ້ດຳເນີນຄະດີຕາມກົດໝາຍ ແລະ ລະບຽບການຢ່າງເຂັ້ມງວດ. ສະນັ້ນ, ເພື່ອຜັນຂະຫຍາຍເນື້ອໃນດັ່ງກ່າວໃຫ້ປະກົດຜົນເປັນຈິງ ແລະ ມີປະສິດທິຜົນຕາມຄາດໝາຍ.


ມາຮອດປັດຈຸບັນກະຊວງການເງິນ ໄດ້ມີນິຕິກຳຈຳນວນໜຶ່ງເພື່ອເປັນບ່ອນອີງໃນການຈັດຕັ້ງປະຕິບັດ ດັ່ງນີ້:
1. ລັດຖະບານໄດ້ອອກແຈ້ງການສະບັບເລກທີ 1971/ຫສນຍ.ກລຂ ລົງວັນທີ 13 ທັນວາ 2017 ເຊິ່ງມີເນື້ອໃນວ່າ: “ ໃຫ້ກະຊວງປ້ອງກັນຄວາມສະຫງົບ ສົມທົບກັບພາກສ່ວນທີ່ກ່ຽວຂ້ອງລົງເກັບກຳຂໍ້ມູນ ແລະ ແກ້ໄຂໂດຍດ່ວນ ກ່ຽວກັບປະກົດການຫຍໍ້ທໍ້ ເປັນຕົ້ນແມ່ນການຫຼິ້ນເກມອອນລາຍ, ການທວາຍຜົນບານເຕະທີ່ຕິດພັນກັບການພະນັນຢູ່ແຕ່ລະເປົ້າໝາຍ. ພ້ອມນັ້ນ, ກໍ່ໃຫ້ກວດກາ ແລະ ມີມາດຕະການປາບປາມຢ່າງເດັດຂາດຕໍ່ການຈຳໜ່າຍຫວຍເຖື່ອນຢູ່ທັງພາຍໃນ ແລະ ນຳມາຈາກຕ່າງປະເທດ ”.


ທີ່ມາ: ນສພ ເສດຖະກິດ-ການຄ້າ
© ໂຕະນໍ້າຊາ  | www.tonamcha.com | www.tonamchanews.com

_______

No comments

Powered by Blogger.