Header Ads

ແຂວງອຸດົມໄຊ ຈັດພີທີຈູດທຳລາຍຢາເສບຕິດ ຢາບ້າຈໍານວນ 329,176 ເມັດ ນໍ້າໜັກ ເຮໂຣອິນ 66,9 ກຣາມ ຢາຝິ່ນ 202,33 ກຣາມ ແລະ ແປ້ງຝຸ່ນສີຂາວ754 ກິໂລກຣາມ



ເນື່ອງໃນໂອກາດສະເຫຼີມສະຫຼອງວັນສາກົນຕ້ານຢາເສບຕິດ ຄົບຮອບ 31 ປີ (ວັນທີ 26 ມິຖຸນາ ປີ 1987 – ວັນທີ 26 ມິຖຸນາ 2018 ) ;ຕອນເຊົ້າຂອງວັນທີ 26 ມິຖຸນາ 2018 ຢູ່ທີສະໜາມກິລາ ແຂວງອຸດົມໄຊ ໄດ້ຈັດພິທີຈູດທຳລາຍຢາເສບຕິດຂື້ນຢ່າງເປັນທາງການ ໂດຍໃຕ້ການນຳພາຈັດຕັ້ງພິທີຂອງ ທ່ານ ພັອ ນີລະວົງ ເຈືອງຕະວະລາດ ກຳມະການພັກແຂວງ ຫົວໜ້າກອງບັນຊາການ ປກສ ແຂວງອຸດົມໄຊ ທັງເປັນຫົວໜ້າຊີ້ນຳລວມຂະບວນການຄັ້ງນີ້,ເປັນກຽດເຂົ້າຮ່ວມ ມີທ່ານ ຄຳພຽງ ຢາຈົງວ່າ ຮອງເລຂາພັກແຂວງ ຮອງເຈົ້າແຂວງໆອຸດົມໄຊ,ທ່ານ ພົຈວ ຈັນທະວອນ ໄຊຍະຜົງ ຄະນປະຈຳພັກແຂວງ ຫົວໜ້າກອງບັນຊາການທະຫານແຂວງ ປະທານປ້ອງກັນຊາດປ້ອງກັນຄວາມສະຫງົບ ແຂວງອຸດົມໄຊ ມີບັນດາທ່ານການນຳພັກ-ລັດຂັ້ນແຂວງ-ເມືອງ,ພະແນກການອ້ອມຂ້າງ,ສອງກອງບັນຊາການ ປກຊ-ປກສ,ອົງການຈັດຕັ້ງພາກລັດ-ເອກະຊົນທົ່ວເທດສະບານແຂວງເຂົ້າຮ່ວມ.



ໃນພິທີ ທ່ານ ພັອ ນີລະວົງ ເຈືອງຕະວະລາດ ກໍາມະການພັກແຂວງ ຫົວຫນ້າກອງບັນຊາການ ປກສ ແຂວງອຸດົມໄຊ ໄດ້ຂື້ນລາຍງານສະພາບການທີ່ພົ້ນເດັ່ນ,ໂດຍປະຕິບັດຂໍ້ຕົກລົງເລກທີ581/ຈຂ.ອຊ ລົງວັນທີ 12 ມີຖຸນາ 2018 ແລະ 988/ຈຂ.ອຊ ລົງວັນທີ 25 ມີຖຸນາ 2018 ວ່າດ້ວຍຄະນະຮັບຜິດຊອບສະເຫຼີມສະຫຼອງວັນສາກົນຕ້ານຢາເສບຕິດທີ່ຖືກສານປະຊາຊົນຕັດສິນ ແລະ ໃຊ້ໄດໃນໜື່ງປີຜ່ານມາທຳລາຍຖີ້ມຢ່າງເປັນທາງການ;ເວົ້າລວມ ເວົ້າສະເພາະແມ່ນຜົນງານໃນການຈັດຕັ້ງປະຕິບັດໜ້າທີວຽກງານວິຊາສະເພາະຂອງເຈົ້າໜ້າທີ່ທີ່ກຽ່ວຂ້ອງໃນການຖືກແຕ່ງຕັ້ງ,ມອບໝາຍ ,ການກວດກາ ແລະ ແກ້ໄຂບັນດາກຸ່ມເປົ້າໝາຍ.



ສາມາດມ້າງ,ກັກຕົວຜູ້ກະທຳຜິດ ພ້ອມຂອງກາງມາດຳເນີນຄະດີເປັນຕົ້ນແມ່ນການລັກລອບຜະລິດ,ປຸງແຕ່ງ,ຂົນສົ່ງ,ຈຳໜ່າຍ ແລະ ຄ້າ-ຂາຍສິ່ງເສບຕິດທີຜິດກົດໝາຍ,ແຕະຕ້ອງເຖິງການພັດທະນາເສດຖະກິດ-ສັງຄົມຂອງຊາດ ເຊິ່ງມັນໄດ້ສະແດງອອກໃນການປະຕິບັດໜ້າທີ່ວຽກງານຢ່າງເຂັ້ມງວດຂອງເຈົ້້າໜ້າທີ່ທີ່ກ່ຽວຂ້ອງໄດ້ເຄື່ອນໄຫວຈັດຕັ້ງປະຕິບັດໜ້າທີ່ໃນກວດສອບ ແລະ ຍຶດເຄື່ອງຂອງກາງໄດ້ຫຼາຍປະເພດ,ຜ່ານການຕັດສິນໃຊ້ໄດ້ຢ່າງເດັດຂາດຂອງສານປະຊາຊົນໃນປີຜ່ານມາແລ້ວນຳມາຈູດທຳລາຍຖີ້ມໃນນີ້ມີ: ຢາບ້າຈໍານວນ 329,176 ເມັດ ນໍ້າໜັກ 38,46 ກິໂລກຣາມ; ເຮໂຣອິນ 66,9 ກຣາມ ;ຢາຝິ່ນ 202,33 ກຣາມ ,ແປ້ງຝຸ່ນສີຂາວ754 ກິໂລກຣາມ.


ພາບ-ຂ່າວ: ປກສ ແຂວງອຸດົມໄຊ
© ໂຕະນໍ້າຊາ  | www.tonamcha.com | www.tonamchanews.com

_______

No comments

Powered by Blogger.