ເຫດລົດຟໍຈູນເນີແລ່ນໄວຕໍາເອົາລົດຕຸກໆເສຍຫຼັກໄປຕຳເອົາຄົນທີ່ນັ່ງໜ້າຮ້ານ ເຈັບ 4 ຄົນ

ໜ່ວຍກູ້ໄພ ລາຍງານວ່າ : ວັນເສົາ ວັນທີ 23 ມີຖຸນາ 2018 ເວລາ 05:20 ນາທີ ໄດ້ຮັບແຈ້ງຈາກປະຊາຊົນເຂົ້າເບີສຸກເສີນ1628ວ່າມີລົດໃຫຍ່ຕຳເອົາລົດຕຸກໆ ແລ້ງສົ່ງຜົນໃຫ້ລົດຕຸກໆເສຍຫຼັກໄປຕຳເອົາຄົນທີ່ນັ່ງກີນດື່ມ ແລະ ເຂົ້າຮ້ານປະຊາຊົນ ໂດຍຈຸດເກີດເຫດແມ່ນຢູ່ເຂດບ້ານຂຸນຕາ ເມືອງສີໂຄດຕະບອງ ນະຄອນຫຼວງວຽງຈັນ

ໜ່ວຍກູ້ໄພມູນນິທິຈີນ1628 ໄດ້ອອກກວດສອບເຫດພົບເຫັນເປັນປະເພດລົດໃຫຍ່ຕໍາກັບລົດຕຸກໆ ໃນນັ້ນມີຜູ້ບາດເຈັບຈຳນວນ 4 ຄົນ ເພດຊາຍ 3ຄົນ ແລະ ເພດຍິງ1ຄົນ ອາການເບືເອງຕົ້ນແມ່ນ:

ເພດຍິງ: ແຜໂຜກຊໍ້າ, ເຈັບບໍລິເວນຫຼັງ ແລະເຈັບແຂນ (ບໍ່ປະສົງໄປໂຮງໝໍ)

ເພດຊາຍຜູ້ທີ 1: ແຂນຫັກຜິດຮູບເບື້ອງຊ້າຍ, ບາດແຜຈີກແຂນເບື້ອງຊ້າຍ ແລະ ແຜທະຫຼອກແຂນຂາ

ເພດຊາຍຜູ້ທິ 2: ແຜທະຫຼອກແຂນຂາ ແລະ ຕີນ

ເພດຊາຍຜູ້ທີ 3:ເຈັບຂາ ແລະ ແຜທະຫຼອກແຂນຂາ