Header Ads

ພົບຜູ້ຖືກສົງໃສ ເຂົ້າກວດຄົ້ນ ໄດ້ຢາບ້າ 76 ເມັດ ຢູ່ບ້ານນາຊອນ ເມືອງປາກງື່ມ ນະຄອນຫຼວງວຽງຈັນ



ທ້າຍເດືອນຜ່ານມາ, ເຈົ້າໜ້າທີ່ ປກສ ກຸ່ມ 1 ເມືອງປາກງື່ມ ລົງກວດກາຄວາມເປັນລະບຽບຮຽບຮ້ອຍຢູ່ພາຍໃນບ້ານ ພົບຜູ້ຖືກສົງໄສຊື່ ນາງ ຮັນນີ ອາຍຸ 28 ປີ ຢູ່ບ້ານນາຊອນ ເມືອງປາກງື່ມ ນະຄອນຫຼວງວຽງຈັນ (ຮູ້ຊື່ຕາມພາຍຫຼັງ) ຂັບຂີ່ລົດຈັກຜ່ານມາ ຈຶ່ງໄດ້ລັດກວດກາຄົ້ນພົບເຫັນຢາບ້າ 76 ເມັດ, ຈຶ່ງກັກຕົວສົ່ງໃຫ້ກອງບັນຊາການ ປກສ ເມືອງປາກງື່ມ ດໍາເນີນຄະດີ.



ຜ່ານການສອບສວນ ນາງ ຮັນນີ ສາລະພາບວ່າ: ຜູ້ກ່ຽວເລີ່ມເສບຢາບ້າມາແຕ່ຕົ້ນປີ 2018 ເປັນຕົ້ນມາ, ເສບມື້ລະ 1-2 ​ເມັດ, ຢາບ້າທີ່ນໍາມາເສບແມ່ນຊື້ນໍາໄວລຸ້ນມົ້ວສຸມຢາເສບຕິດພາຍໃນບ້ານ. ມາເດືອນພຶດສະພາ 2018 ກໍເລີ່ມເຄື່ອນໄຫວຄ້າຂາຍຢາເສບຕິດ ໂດຍຊື້ນໍາ ທ້າວ ຫຼາຍ ອາຍຸປະມານ 30 ປີ ຢູ່ເຂດບ້ານເວີນແຄນ ເມືອງປາກງື່ມ, ຜ່ານມາເຄີຍຊື້ຈໍານວນຫຼາຍຄັ້ງ, ຄັ້ງລະ 50 ເມັດ ແລ້ວກໍນໍາໄປຂາຍໃຫ້ກັັບໄວລຸ້ນພາຍໃນບ້ານ. ມາໃນວັນທີ 30 ພຶດສະພາ 2018, ຜູ້ກ່ຽວໄດ້ໄປຊື້ຢາບ້ານໍາ ທ້າວ ຫຼາຍ ຈໍານວນ 50 ເມັດ ແລະ ລວມກັບຢາບ້າທີ່ເຫຼືອຈາກຄັ້ງກ່ອນຈໍານວນ 26 ເມັດ ເປັນ 76 ເມັດ. ຈາກນັ້ນ, ກໍເອົາມາຊຸກເຊື່ອງໄວ້ໃນເຮືອນ ມາວັນທີ 1 ມິຖຸນາ 2018 ໄດ້ເອົາໄປຂາຍໃຫ້ກັບ ທ້າວ ເຄນ ຢູ່ພາຍໃນບ້ານ ແຕ່ຖືກເຈົ້າໜ້າທີ່ກັກຕົວພ້ອມຂອງກາງສົ່ງໃຫ້ກອງຄະດີ.

ປັດຈຸບັນ, ຄະດີດັ່ງກ່າວພວມຢູ່ໃນຂັ້ນຕອນຂອງການສອບສວນຂະຫຍາຍຜົນ ເພື່ອສະຫຼຸບສໍານວນຄະດີໃຫ້ໄອຍະການ ແລະ ຈະໄດ້ສອບສວນຂະຫຍາຍຜົນຫາຜູ້ຮ່ວມຂະບວນການ ເພື່ອຕິດຕາມກັກຕົວໄປດໍາເນີນຄະດີຕາມພາຍຫຼັງ.


ພາບ ແລະ ຂ່າວ: ນສພ ຄວາມສະຫງົບ 
© ໂຕະນໍ້າຊາ  | www.tonamcha.com | www.tonamchanews.com
_______

No comments

Powered by Blogger.