Header Ads

ອົງການຈັດຕັ້ງຊາວໜຸ່ມ ສອງ ກະຊວງ ຮ່ວມແຂ່ງຂັນກ໊ອບມິດຕະພາບ ເປັນ ຄັ້ງທີ II




ເພື່ອເປັນການຮັດແໜ້ນຄວາມສາມະຄີ, ມິດຕະພາບ ໃນການເຄື່ອນໄຫວວຽກງານຊາວໜຸ່ມ ແລະ ເພື່ອຂໍ່ານັບຮັບຕ້ອນກອງປະຊຸມໃຫຍ່ຄະນະບໍລິຫານງານຊາວໜຸ່ມ ປປລ , ສອງ ກະຊວງ ຄື: ກະຊວງແຮງງານ ແລະ ສະຫວັດດີການສັງຄົມ( ຮສສ) ກັບ ພະນັກງານກະຊວງການຕ່າງປະເທດ ( ຕປທ). 


ໃນວັນທີ 24 ມິຖຸນາ 2018 ທີ່ ສະໜາມກອບ ເລກວີວ ວຽງຈັນ (Lake View Golf Club Vientiane). ໄດ້ຈັດການແຂ່ງຂັນກ໊ອບມິດຕະພາບ ລະຫວ່າງ ຊາວໜຸ່ມ ກະຊວງແຮງງານ ແລະ ສະຫວັດດີການສັງຄົມ(ຮສສ) ກັບ ຊາວໜຸ່ມ ກະຊວງການຕ່າງປະເທດ (ຕປທ) ຂື້ນ, ໂດຍນຳພາ ຂອງ ສອງ ລັດຖະມົນຕີ, ໂດຍ ທ່ານ ປອ ຄຳແພງ ໄຊສົມແພງ ລັດຖະມົນຕີກະຊວງ ຮສສ ແລະ ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງ ຕປທ, ພ້ອມດ້ວຍພາກສ່ວນທຸລະກິດ ແລະ ຊາວໜຸ່ມທັງສອງກະຊວງ ເຂົ້າຮວ່ມ.

ການແຂ່ງຂັນກິລາກ໊ອບຄັ້ງນີ້ ແມ່ນເພື່ອສ້າງບັນຍາກາດ ຄວາມສາມະຄີ, ມິດຕະພາບ ລະຫວ່າງ ຄະນະນຳກະຊວງ ແລະ ອົງການຈັດຕັ້ງສະມາຊິກຊາວໜຸ່ມພາຍໃນ ສອງກະຊວງ ເພື່ອແລກປຽ່ນບົດຮຽນຮ່ວມກັນ, ການແຂ່ງຂັນກິລາກ໊ອບ ດັ່ງກ່າວ ແມ່ນເລີມ ຈັດມາແຕ່ ປີ 2017 ຄັ້ງນີ້ ເປັນຄັ້ງທີ II , ໂດຍມີຜູ້ເຂົ້າຮ່ວມແຂ່ງຂັນ ຈໍານວນ 12 ທ່ານ , ລວມມີ 4 ກ້ວນ, ແຕ່ລະກ້ວນມີນັກກ໊ອບຈຳນວນ 3 ທ່ານ, ການແຂ່ງຂັນແມ່ນໃຊ້ລະບົບສະໂຕຼກເພຼ (Stroke Play), ແຂ່ງ 18 ຫຼຸມຈົບ. 

ພາຍຫຼັງການແຂ່ງຂັນສຳເລັດ, ຜົນການແຂ່ງຂັນປະເພດວີໄອພີ ທ່ານ ປອ ຄຳແພງ ໄຊສົມແພງ ເອົາຊະນະ ດ້ວຍຄະແນນ 10 ຕໍ່ 12 ໂອເວີພາ, ສ່ວນຜົນການແຂງຂັນປະເພດທີມ ແມ່ນເອົາຄະແນນລວມຂອງຜູ້ຫຼີ້ນດີສຸດຝ່າຍລະ 06 ຄົນມາບວກກັນ ແລະ ຜົນອອກມາເຫັນວ່າຝ່າຍກະຊວງ ຮສສ ເປັນຜູ້ຊະນະ ດ້ວຍຄະແນນລວມ 78 ຕໍ 82 ໂອເວີພາ ແລະ ສຳລັບຜູ້ຫຼິ້ນປະເພດດ່ຽວທີ່ດີສຸດແມ່ນກະຊວງການຕ່າງປະເທດເປັນຜູ້ຊະນະດ້ວຍຄະແນນ 4 ຕໍ່ 5 ໂອເວພາ.

ໂດຍ: ເພັດສະໄໝ  (ກະຊວງແຮງງານ ແລະ ສະຫວັດດີການສັງຄົມ)
© ໂຕະນໍ້າຊາ  | www.tonamcha.com | www.tonamchanews.com
_______



No comments

Powered by Blogger.