Header Ads

ສົມເດັດກົມພຣະນະໂຣດົມ ຣົນນະລິດ ເຈັບ-ຊາຍາເສຍຊີວິດ ລົດປະສົບອຸບັດຕິເຫດ (ຄລິບ)



ສຳນັກຂ່າວຕ່າງປະເທດລາຍງານຈາກນະຄອນພະນົມເປນ ປະເທດກຳປູເຈຍ ເມື່ອຕອນເຊົ້າຂອງວັນທີ 17 ມິຖຸນາ 2018 ຂະບວນລົດຫາສຽງຂອງສົມເດັດກົມພຣະນະໂຣດົມ ຣົນນະລິດ ຫົວໜ້າພັກຟຸນຊິນເປດ ປະເທດ ກຳປູເຈຍ ເກີດອຸບັດຕິເຫດໃນຂະນະເດີນທາງໄປຫາສຽງ ທີ່ສີຫນຸວິລ ເຮັດໃຫ້ ຫມ່ອມອູ໊ດ ພັລລາ ພຣະຊາຍາ ເສຍຊີວິດ ແລະ ພະອົງມີອາການບາດເຈັບສາຫັດ ຈົນຕ້ອງຖືກນຳສົ່ງມາຮັກສາຕົວທີ່ ກຸງເທບ ປະເທດໄທ.​ ຂໍ້ມູນເບື້ອງຕົ້ນໃນຂະບວນລົດແມ່ນໄດ້ຮັບບາດເຈັບລວມ 7 ຄົນ ເປັນຍິງ 2 ຄົນໂດຍໜຶ່ງໃນນັ້ນແມ່ນ ຫມ່ອມອູ໊ດ ພັລລາ ພຣະຊາຍາ.   ສໍາລັບສົມເດັດກົມພຣະນະໂຣດົມ ຣົນນະລິດ ແມ່ນໄດ້ຮັບບາດເຈັບບໍລິເວນພະສຽນ ແລະ ພະຊົງ (ໜ້າແຄ່ງ).



ສົມເດັດກົມພຣະນະໂຣດົມ ຣົນນະລິດ ພ້ອມພັນລະຍາ ເດີນທາງອອກຈາກນະຄອນຫຼວງພະນົມເປນ ເພື່ອໄປຫາສຽງໃນການເລືອກຕັ້ງທົ່ວໄປ ທີ່ເມືອງ ສຸໜຸວິລ ແຕ່ລະຫວ່າງທາງທີ່ຂະບວນລົດແລ່ນດ້ວຍຄວາມໄວເພື່ອເຮັດໄປໃຫ້ທັນເວລາຫາສຽງ ໄດ້ຖືກລົດຕໍາເຂົ້າຢ່າງແຮງ ເຊິ່ງເປັນເຫດໃຫ້ສອງພຣະອົງບາດເຈັບສາຫັດ ແລະ ຕໍ່ມາທາງ ສຳນັກພຣະຣາຊວັງກຳປູເຈຍ ອອກຖະແຫຼງວ່າ ໝ່ອມອູ໊ດ ພັລລາ ພຣະຊາຍາ ໄດ້ເສຍຊີວິດໃນຂະນະກຳລັງນຳຂຶ້ນເຮລິຄອບເຕີເພື່ອເດີນທາງໄປທີ່ໂຮງໝໍ ໃນນະຄອນພະນົມເປນ



ສົມເດັດກົມພຣະນະໂຣດົມ ຣົນນະລິດ ພະຊັນຊາ 74 ປີ ຊົງມີສັກເປັນພະເຊດຖາຕ່າງມານດາຂອງພະບາດສົມເດັດພະບາຣົມນາຖໂຣດົມ ສີຫມຸນີ ພະມະຫາກະສັດແຫ່ງກຳປູເຈຍ ສົມເດັດກົມພະນາໂຣດົມ ຣົນນາລິດເຄີຍດຳລົງຕຳແໜ່ງນາຍົກລັດຖະມົນຕີຄົນທີ່ 1 ຂອງກຳປູເຈຍ ຫຼັງການເລືອກຕັ້ງເມື່ອປີ 1993 ພະອົງຊົງເຄີຍຢຸດຕິບົດບາດທາງການເມືອງມາແລ້ວຄັ້ງໜື່ງ ປະຈຸບັນສົມເດັດກົມພະນາໂຣດົມ ຣົນນາລິດ ຊົງດຳລົງຕຳແໜ່ງປະທານອົງຄະມົນຕີ ແລະ ຊົງເປັນຜູ້ນຳພັກຟຸນຊິນເປດ ເພື່ອສູ້ເສິກເລືອກຕັ້ງທົ່ວໄປຂອງກໍປູເຈຍທີ່ຈະມີຂື້ນໃນວັນທີ່ 29 ກໍລະກົດ 2018 ນີ້. 

© ໂຕະນໍ້າຊາ  | www.tonamcha.com | www.tonamchanews.com

_______


No comments

Powered by Blogger.