Header Ads

3 ເມືອງຂອງແຂວງອຸດົມໄຊ ໄດ້ຮັບກະທົບຢ່າງໜັກຈາກເຫດພາຍຸພັກຖະຫລົ່ມ



ເນື່ອງຈາກຝົນຕົກໜັກຕິດຕໍ່ກັນຫລາຍວັນມາແຕ່ວັນທີ 16 – 22 ກໍລະກົດ ໄດ້ສົ່ງຜົນໃຫ້ສາຍນ້ຳແບງຍຶ່ງຂື້ນສູງເຮັດໃຫ້ດີນເຊາະເຈື່ອນ, ນໍ້າໄຫລເຂົ້າຖ້ວມບ້ານເຮືອນ, ໄຮ່ນາຮົ້ວສວນ, ແລະ ຖະໜົນຫົນທາງຂາດ, ລະບົບໄຟຟ້າ, ນ້ຳປາປາ ຫລາຍແຫ່ງໃນເຂດເມືອງແບງ, ເມືອງຮຸນ ແລະ ເມືອງປາກແບງ ແຂວງອຸດົມໄຊ ໄດ້ຮັບຄວາມເສຍຫາຍໜັກໜ່ວງສົມຄວນ.





ເຊິ່ງໃນວັນທີ່ 22 ກໍລະກົດ 2018 ນີ້ ທ່ານພົນຈັດຕະວາ ຈັນທະວອນ ໄຊຍະຜົງ ກຳມະການປະຈຳພັກແຂວງ ເລຂາພັກ ຫົວໜ້າການທະຫານກອງບັນຊາການທະຫານແຂວງອຸດົມໄຊ ພ້ອມດ້ວຍທີມງານຂັ້ນແຂວງ ແລະ ກອງບັນຊາການທະຫານແຂວງ ໄດ້ລົງກວດກາປະເມີນຜົນເສຍຫາຍໃນເບື້ອງຕົ້ນຈາກໄພນ້ຳຖ້ວມ ແລະ ດີນເຊາະເຈື່ອນຢູ່ 3 ເມືອງຂອງແຂວງອຸດົມໄຊຄື ເມືອງແບງ, ເມືອງຮຸນ ແລະ ເມືອງປາກແບງ.






ເຊິ່ງໄດ້ຮັບການລາຍງານໃນເບື້ອງຕົ້ນຈາກອຳນາດການປົກຄອງເມືອງວ່າ: ມີດີນເຊາະເຈື່ອນຕາມເສັ້ນທາງເລກທີ່ 2 E ຫຼາຍກ່ວາ 20 ຈຸດ, ເຮັດໃຫ້ເສັ້ນທາງຂາດ 2 ຈຸດ ແລະ ເສົ້າໄຟຟ້າຫັກ 24 ຕົ້ນ, ດີນເຊາະເຈື່ອນຄີວລົດ 1 ບ່ອນ, ນ້ຳໄຫຼເຂົ້າຖ້ວມເຮືອນປະຊາຊົນເສຍຫາຍທັງໝົດ 36 ບ້ານມີ 3,540 ຄອບຄົວ, ນ້ຳຖ້ວມເນື້ອທີ່ທຳການຜະລິດ 1,680,16 ເຮັກຕາ, ໜອງປາ 65 ໜອງ ແລະ ຊົນລະປະທານໄດ້ຮັບຄວາມເສຍຫາຍ 7 ຈຸດ, ສັດລ້ຽງຈຳນວນໜຶ່ງເສຍຫາຍ.






ໂດຍ: ທະນູວັນ
© ໂຕະນໍ້າຊາ  | www.tonamcha.com | www.tonamchanews.com
_______

No comments

Powered by Blogger.