Header Ads

ກຸ່ມບໍລິສັດພົງຊັບທະວີ ຈໍາກັດຜູ້ດຽວ ມອບເງິນ 300,000 ໂດລາ ຊ່ວຍເຫຼືອຜູ້ປະສົບໄພພິບັດຢູ່ແຂວງອັດຕະປື



ອີງຕາມການລາຍງານຂ່າວຂອງ ນສພ ວຽງຈັນໃຫ່ມ  ວ່າ: ກຸ່ມບໍລິສັດພົງຊັບທະວີຈໍາກັດຜູ້ດຽວ ນໍາເງິນຈໍານວນ 2,5 ຕື້ກີບ ຫຼື 300, 000 ໂດລາ ມອບໃຫ້ກະຊວງພະລັງງານ ແລະ ບໍ່ແຮ່ ເພື່ອນໍາໄປຊ່ວຍເຫຼືອໃຫ້ຜູ້ໄດ້ຮັບຜົນກະທົບຈາກໄພພິບັດເຂື່ອນແຕກ ຢູ່ເມືອງສະໜາມໄຊ ແຂວງອັດຕະປື.

ພິທີມອບເງິນຊ່ວຍເຫຼືອດັ່ງກ່າວມີຂຶ້ນໃນວັນທີ 27 ກໍລະກົດ 2018 ເຊິ່ງມອບໂດຍທ່ານ ພົງສະຫວັດ ເສນາພວນ ປະທານກຸ່ມບໍລິສັດພົງຊັບທະວີຈໍາກັດຜູ້ດຽວ ແລະ ຮັບໂດຍທ່ານ ຈັນສອນ ແສນບຸດຕະລາດ ຮອງລັດຖະມົນຕີກະຊວງພະລັງງານ ແລະ ບໍ່ແຮ່ ໂດຍຊ້ອງໜ້າພະນັກງານກ່ຽວຂ້ອງ.

ນອກຈາກການປະກອບສ່ວນເປັນເງິນແລ້ວ ກຸ່ມບໍລິສັດພົງຊັບທະວີຈໍາກັດຜູ້ດຽວ ຍັງໄດ້ສົ່ງເຮືອໄວ (ລໍາໃຫຍ່) ຈໍານວນ 3 ລໍາ ເຂົ້າໄປຊ່ວຍເຫຼືອ ເຊິ່ງປັດຈຸບັນແມ່ນໄດ້ເຮັດໜ້າທີ່ອໍານວຍຄວາມສະດວກໃນການຂົນສົ່ງຜູ້ໄດ້ຮັບຜົນກະທົບມາສູ່ບ່ອນປອດໄພ ລໍາລຽງເຄື່ອງມື-ອຸປະກອນຈໍາເປັນໃນການຊ່ວຍເຫຼືອ ແລະ ຂົນສົ່ງອາຫານ-ນໍ້າດື່ມ ແລະ ສິ່ງຂອງຈໍາເປັນຕ່າງໆຢູ່ພາກສະໜາມ.


ພາບ-ຂ່າວ: ນສພ ວຽງຈັນໃຫ່ມ
© ໂຕະນໍ້າຊາ  | www.tonamcha.com | www.tonamchanews.com
_______


No comments

Powered by Blogger.