Header Ads

ລັດຖະບານ ຈະສືບສວນເຫດການເຂື່ອນເຊປຽນ-ເຊນ້ຳນ້ອຍ ຢ່າງໂປ່ງໃສ ແລະ ຍຸດຕິທຳທີ່ສຸດ


ອີງຕາມການລານງານຂ່າວຂອງ ຂປລ ວ່າ:  ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ຢ້ຳຄືນວ່າ: ລັດຖະບານ ຈະຕັ້ງໜ່ວຍງານໜຶ່ງຂຶ້ນມາ ເພື່ອດຳເນີນການສືບສວນສອບສວນ ຕໍ່ກັບໂຊກນາດຕະກຳເຂື່ອນເຊປຽນ-ເຊນ້ຳນ້ອຍ ທີ່ເຮັດໃຫ້ເກີດການສູນເສຍຢ່າງຫຼວງຫຼາຍຕໍ່ຊີວິດ ແລະ ຊັບສິນຂອງປະຊາຊົນໃນເມືອງ ສະໜາມໄຊ, ແຂວງ ອັດຕະປື. 





ໃນໂອກາດຢ້ຽມຢາມສູນຮັບບໍລິຈາກເຄື່ອງຊ່ວຍເຫລືອຜູ້ປະສົບໄພນ້ຳຖ້ວມ ຢູ່ກະຊວງແຮງງານ ແລະ ສະຫວັດດີການສັງຄົມ ໃນວັນທີ 29 ກໍລະກົດ 2018 ນີ້, ທ່ານ ນາຍົກລັດຖະມົນຕີ ທອງລຸນ ສີສຸລິດ ຍັງໄດ້ກ່າວວ່າ: ລັດຖະບານຈະໄດ້ດຳເນີນການສືບສວນສອບສວນ ຕໍ່ເຫດການທີ່ເກີດຂຶ້ນໃນຄັ້ງນີ້ຢ່າງເຂັ້ມງວດ ເພື່ອຊອກໃຫ້ເຫັນສາເຫດ ແລະ ຈະໄດ້ກວດກາຄືນບໍລິສັດອອກແບບກໍ່ສ້າງ, ບໍລິສັດຮັບເໝົາກໍ່ສ້າງ, ບໍລິສັດທີ່ປຶກສາ ສຳລັບໂຄງການດັ່ງກ່າວ, ລວມທັງຄວາມຮັບຜິດຊອບຂອງທຸກເຈົ້າໜ້າທີ່ ຢ່າງມີຄວາມຮັບຜິດຊອບ, ໂປ່ງໃສ ແລະ ຍຸຕິທຳທີ່ສຸດ.

ນອນຈາກນັ້ນແລ້ວ, ລັດຖະບານລາວ ຍັງຈະຮ່ວມມືກັບລັດຖະບານບັນດາປະເທດທີ່ມີບໍລິສັດຈົດທະບຽນຢູ່ໃນໂຄງການພັດທະນາເຂື່ອນເຊປຽນ-ເຊນໍ້ານ້ອຍ ເພື່ອແກ້ໄຂບັນຫານີ້ຕໍ່ໄປໃນໄລຍະຕໍ່ໜ້າ.
ຂ່າວ: ສິງຄຳ, ພາບ: ອ່າຍຄຳ 
© ໂຕະນໍ້າຊາ  | www.tonamcha.com | www.tonamchanews.com
_______

No comments

Powered by Blogger.