Header Ads

ເຈົ້າຫນ້າທີ່ຈັບໂຕຊາຍ 2 ຄົນ ພ້ອມຂອງກາງຢາບ້າກ່ວາ 3 ໝື່ນກວ່າເມັດ


ອີງຕາມການລາຍງານຂ່າວຂອງ ນສພ ຄວາມສະຫງົບ  ວ່າ: ໃນວັນທີ 14 ກໍລະກົດ 2018, ເຈົ້າໜ້າທີ່ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງຫຼວງນໍ້າທາ ໄດ້ນໍາກໍາລັງເຂົ້າຈັບຊາຍ 2 ຄົນທີ່ກໍາລັງຊື້-ຂາຍຢາເສບຕິດ ຢູ່ຂ້າງໂຮງແຮງແຫ່ງໜຶ່ງ ໃນເທດສະບານແຂວງຫຼວງນໍ້າທາ; ພ້ອມທັງຢຶດຢາບ້າຈໍານວນ 30.000 ກວ່າເມັດ, ລົດໃຫຍ່ 2 ຄັນ ແລະ ມືຖື 2 ໜ່ວຍ.



ເຈົ້າໜ້າທີ່ໃຫ້ຮູ້ວ່າ: ພາຍຫຼັງໄດ້ສືບວ່າມີຜູ້ຊາຍສອງຄົນນັດສົ່ງຊື້-ຂາຍຢາບ້າຢູ່ຂ້າງໂຮງແຮມແຫ່ງໜຶ່ງ ພາຍໃນເທດສະບານແຂວງຫຼວງນໍ້າທາ ໂດຍຈະນໍາໃຊ້ລົດກະບະເປັນພາຫະນະຂົ່ນສົ່ງ. ຈາກນັ້ນ, ຈິ່ງຈັດຕັ້ງກໍາລັງວິຊາສະເພາະເພື່ອກຽມພ້ອມຈັບກຸ່ມ.



ຮອດເວລາປະມານ 11:00 ໂມງຂອງວັນທີ 14 ກໍລະກົດ 2018, ຈິ່ງເຫັນລົດກະບະເປົ້າໝາຍສອງຄັນ ຂັບຂີ່ໄປຈອດຮຽງຂ້າງກັນ ຢູ່ຈຸດນັດໝາຍ. ໃນລະຫວ່າງນັ້ນ, ເຈົ້າໜ້າທີ່ໄດ້ເຂົ້າປິດລ້ອມເປົ້າໝາຍ ແລະ ກວດຄົ້ນລົດທັງສອງຄັນ; ພົບຢາບ້າຈຳນວນ 16 ມັດ, ເທົ່າກັບ 32.000 ເມັດ. ດັ່ງນັ້ນ, ຈຶ່ງໄດ້ຈັບຕົວຜູ້ຖືກຫາທັງສອງຄົນຄື ທ້າວ ຄຳເສົາ ອາຍຸ 35 ປີ ຢູ່ບ້ານ ນໍ້າແງ້ນ ແລະ ທ້າວ ໜູຊົວລີ ອາຍຸ 33 ປີ ອາຊີບຄ້າຂາຍ ຢູ່ບ້ານ ຕາຫວ່ານ ເຂດຫຼັກ 18 ຢູ່ເມືອງ ແລະ ແຂວງຫຼວງນໍ້າທາ; ພ້ອມທັງຢືດລົດກະບະວີໂກສີຂາວ ທະບຽນ ກພ 3764 ກຳແພງນະຄອນ ແລະ ລົດກະບະຊູເປີດີຫັນສີຂາວ ທະບຽນ ກດ 3313 ກຳແພງນະຄອນ ແລະ ໂທລະສັບມືຖື 2 ໜ່ວຍ ໄວ້ເປັນຂອງກາງຄະດີ.

ຜ່ານການ ສອບສວນໃນເບື້ອງຕົ້ນ, ຜູ້ຖືກຫາທັງສອງຄົນ ໃຫ້ການວ່າ: ຢາບ້າຈຳນວນດັ່ງກ່າວແມ່ນຂອງພວກກ່ຽວແທ້, ເຊິ່ງ ທ້າວ ໜູຊົວລີ ໄດ້ໄປຕິດໜີ້ເອົານຳເຖົ້າແກ່ຢູ່ແຂວງ ບໍ່ແກ້ວ ເພື່ອຈະເອົາໄປຂາຍສົ່ງໃຫ້ຄູ່ຮ່ວມຂະບວນ ການຢູ່ ແຂວງຫຼວງນໍ້າທາ


ພາບ-ຂ່າວ: ນສພ ຄວາມສະຫງົບ
© ໂຕະນໍ້າຊາ  | www.tonamcha.com | www.tonamchanews.com
_______


No comments

Powered by Blogger.