Header Ads

ຄະນະລົດຕັງ ກອງທັບປະຊາຊົນລາວ ເຂົ້າຮ່ວມແຂ່ງຂັນ ລົດຕັງນາໆຊາດ ທີ່ປະເທດຣັດເຊຍ




ອີງຕາມການລາຍງານຂອງຄະນະລົດຕັງກອງທັບປະ ຊາຊົນລາວ ກະຊວງປ້ອງກັນປະເທດ ແຈ້ງໃຫ້ຮູ້ວ່າ: ວັນ ທີ 20/7/18 ຜ່ານມານີ ທີມລົດຕັງ​ ກອງ ທັບ​ປະຊາຊົນລາວ​ ໄດ້ເດີນ ທາງໄປເຂົ້າຮ່ວມແຂ່ງຂັນ ລົດຕັງນາໆຊາດ ຫລື ອາມີ ເກມ 2018 (Army​ Games​2018)​ ທີ່ປະເທດ​ ສະຫະພັນ ຣັດເຊຍ​ ຕາມການເຊີນ ຂອງ​ ປະເທດເຈົ້າພາບ​ ເຊິ່ງການແຂ່ງຂັນຈະເລີ່ມເປີດສະຫນາມ ຢ່າງເປັນທາງການແຕ່ວັນທີ 28/7/2018 ຫາ 12/8/2018​.






ຄະນະລົດຕັງ​ ຂອງກອງ ທັບ​ປະຊາຊົນລາວເຂົ້າຮ່ວມແຂ່ງຂັນຄັ້ງນີ້,​ ນຳໂດຍ ພັທ​ ບຸນປອນ​ ລົມພະຈັນ​ ຮອງຫົວຫນ້າກົມ​ ລົດຕັງ-ຍານເກາະ​ ເຊິ່ງປະກອບດ້ວຍນັກກິລາ ຈຳນວນ​ 21​ ສະຫາຍ​ ປະຈຸບັນ​ ທີມນັກກິລາ ລົດຕັງພວກເຮົາເຖິງ ນະຄອນຫລວງມົດສະກູ​ ເປັນທີ່ຮຽບຮ້ອຍແລ້ວ ແລະ ໃນຕອນເຊົ້າ​ວັນທີ​ 23/7/2018​ ໄດ້ຈົກສະລາກແບ່ງສາຍ​ ເຊິ່ງຄະນະລົດຕັງ​ກອງທັບປະຊາຊົນລາວ ຈັບ ໄດ້​ຫມາຍເລກ​ 6 , ເປັນລົດສີຂຽວ ກ່ານຂາດ.​ ປະຈຸບັນ​ ໄດ້ເຄື່ອນໄຫວປະຕິບັດແຜນ ການຫ້າງຫາກະກຽມ ປັບປຸງເຕັກນິກ ດັດປັບປືນທຸກຊະ ນິດ ເພື່ອກຽມພ້ອມເຂົ້າແຂ່ງ ຂັນ ເປັນ​ຈຸທີ 2 ຂອງມື້ເປີດສະຫນາມ ໃນວັນທີ 28/7/2018​.



© ໂຕະນໍ້າຊາ  | www.tonamcha.com | www.tonamchanews.com
_______

No comments

Powered by Blogger.