Header Ads

ກໍ່ເຫດລັກລົດໄດ້ 7 ມື້ຖືກຈັບພ້ອມຂອງກາງ ສຸດທ້າຍຫນີບໍ່ລອດ



ເຈົ້າໜ້າທີ່ກອງຄະດີ ປກສ ເມືອງສີໂຄດຕະບອງ ນະຄອນຫຼວງວຽງຈັນໄດ້ໃຫ້ຮູ້ວ່າ: ພາຍຫຼັງໄດ້ຮັບແຈ້ງຄວາມຈາກທ້າວ ອະພິລັກ ປະຊາຊົນ ບ້ານໜອງບົວທອງເໜືອວ່າ: ມີຄົນຮ້າຍມາລັກລົດຈັກຢູ່ເຮືອນ ຍີ່ຫໍ້ MSX ທະບຽນ ຈຈ 6166 ກໍາແພງນະຄອນ ໃນຄືນວັນທີ 6 ພຶດສະ ພາ 2018, ດັ່ງນັ້ນ ເຈົ້າໜ້າທີ່ກໍຮີບຮ້ອນຕິດຕາມນຳຈັບຜູ້ລົງມືກໍ່ເຫດໄດ້ 3 ຄົນພ້ອມເກັບກູ້ຂອງກາງມາໄດ້ ພາຍໃນ 7 ວັນ.

ເຈົ້າໜ້າທີ່ໃຫ້ຮູ້ວ່າ: ພາຍຫຼັງລົງເກັບກຳຂໍ້ມູນຫຼັກຖານຢ່າງລະອຽດຄົບຖ້ວນເຈົ້າໜ້າທີ່ກໍຮີບຮ້ອນນຳຈັບຄົນຮ້າຍໄດ້ 1 ຄົນຄື: ທ້າວ ສຸດສາຄອນ ອາຍຸ 16 ປີຢູ່ບ້ານ ສີສັງວອນ ເມືອງສີສັດຕະນາກ ແລະເກັບກູ້ຂອງກາງຄືນມາໄດ້ ໃນວັນທີ 13 ພຶດສະພາ 2018.
ເມື່ອຖືກຈັບ ທ້າວ ສຸດສາຄອນ ກໍໃຫ້ການຍອມຮັບສາລະພາບວ່າ: ໄດ້ຮ່ວມກໍ່ເຫດລັກລົດຈັກຄັນດັ່ງກ່າວກັບໝູ່ອີກ 2 ຄົນ ແລະໄດ້ຮ່ວມກັນລັກມາແລ້ວ 4 ຄັ້ງພາຍໃນເດືອນ ພຶດສະພາ 2018 ເຊິ່ງໄດ້ລົດຈັກເວບຮ້ອຍ 4 ຄັນແລ້ວໝູ່ອີກຄົນໜຶ່ງໄດ້ນໍາໄປຂາຍ ເມື່ອໄດ້ເງິນມາກໍປັນກັນໃຊ້-ຈ່າຍ, ທ່ຽວຫຼິ້ນຈົນໝົດ. ມາຮອດວັນທີ 14 ພຶດສະພາ 2018 ເຈົ້າໜ້າທີ່ກໍເຂົ້າກັກຕົວທ້າວ ອານຸສອນ ອາຍຸ 19 ປີ ຢູ່ບ້ານ ໜອງບົວທອງເໜືອ ເມືອງສີໂຄດຕະບອງໄດ້ຢູ່ເຮືອນຜູ້ກ່ຽວ ແລະສືບຕໍ່ກັກຕົວທ້າວ ນະຄອນໄຊ ອາຍຸ 39 ປີ ຢູ່ບ້ານ ສີບຸນເຮືອງ ເມືອງຈັນທະບູລີ ໄດ້ຢູ່ເຮືອນຜູ້ກ່ຽວຕາມການຊັກທອດ.

ປັດຈຸບັນເຈົ້າໜ້າທີ່ພວມເລັ່ງຕິດຕາມນຳຈັບເພື່ອນຮ່ວມຂະບວນການມາດຳເນີນຄະດີຕາມ ກົດໝາຍ ແລະສືບຕໍ່ນຳເກັບກູ້ຂອງກາງ ເພື່ອສົ່ງຄືນໃຫ້ເຈົ້າຂອງເດີມ.


ພາບ ແລະ ຂ່າວ : ປກສ ນະຄອນຫລວງ
© ໂຕະນໍ້າຊາ  | www.tonamcha.com | www.tonamchanews.com

_______

No comments

Powered by Blogger.