Header Ads

ຄະນະຜູ້ແທນຂັ້ນສູງຂອງພັກກອມມູນິດຈີນຢ້ຽມຢາມ ສປປ ລາວ




ໂດຍປະຕິບັດຕາມແຜນ ການຮ່ວມມື ລະຫວ່າງສອງພັກ ລາວ-ຈີນ ປະຈຳປີ 2018, ຄະ ນະຜູ້ແທນຂັ້ນສູງຂອງພັກ ກອມມູນິດຈີນ ນຳໂດຍ ສະ ຫາຍ ຮວງຄຸນມິງ ກຳມະການ ກົມການເມືອງສູນກາງພັກ ເລ ຂາທິການສູນກາງພັກ ຫົວໜ້າ ຄະນະໂຄສະນາສູນກາງພັກ ກອມມູນິດຈີນ ໄດ້ເດີນທາງມາ ຢ້ຽມຢາມ ສປປ ລາວ ແລະ ເຂົ້າ ຮ່ວມກອງປະຊຸມສຳມະນາ ທິດສະດີລະຫວ່າງສອງພັກ ລາວ-ຈີນ ຄັ້ງທີ 7 ແຕ່ວັນທີ 1-4 ກໍລະກົດ 2018.

ໃນຕອນແລງວັນທີ 1 ກໍລະກົດ 2018, ສະຫາຍ ຮວງ ຄຸນມິງ ພ້ອມດ້ວຍຄະນະ ໄດ້ ພົບປະກັບ ສະຫາຍ ບຸນທອງ ຈິດມະນີ ກຳມະການກົມການ ເມືອງສູນກາງພັກ ປະທານຄະ ນະກວດກາສູນກາງພັກ, ຮອງ ນາຍົກລັດຖະມົນຕີ ແຫ່ງ ສປປ ລາວ.

ໃນການພົບປະ, ສະ ຫາຍ ບຸນທອງ ຈິດມະນີ ໄດ້ ສະແດງຄວາມຊົມເຊີຍ ແລະ ຕີລາຄາສູງຕໍ່ການມາຢ້ຽມ ຢາມ ສປປ ລາວ ແລະ ເຂົ້າ ຮ່ວມກອງປະຊຸມສຳມະນາທິດ ສະດີລະຫວ່າງ 2 ພັກ ລາວ-ຈີນ ໃນຄັ້ງນີ້ຂອງຄະນະ, ຊຶ່ງເປັນ ການຢ້ຽມຢາມໃນໄລຍະທີ່ທັງ ສອງພັກ ພວມສຸມໃສ່ຈັດຕັ້ງ ຜັນຂະຫຍາຍມະຕິກອງປະ ຊຸມໃຫຍ່ ແລະ ແຜນພັດທະ ນາເສດຖະກິດ-ສັງຄົມແຫ່ງ ຊາດຂອງຕົນ. ສະຫາຍ ບຸນ ທອງ ຈິດມະນີ ໄດ້ຕີລາຄາ ສູງຕໍ່ການຮ່ວມມືລະຫວ່າງ ສອງພັກ, ສອງລັດ ແລະ ປະ ຊາຊົນສອງຊາດ ລາວ-ຈີນ ໃນຕະຫຼອດໄລຍະທີ່ຜ່ານມາ ໂດຍສະເພາະແມ່ນການແລກ ປ່ຽນບົດຮຽນໃນການກໍ່ສ້າງ ພັກ, ການປົກຄອງລັດບໍລິຫານ ປະເທດ ແລະ ການຮ່ວມມືໃນ ຂົງເຂດຕ່າງໆ ທີ່ໄດ້ມີໝາກຜົນ ອັນຕັ້ງໜ້າ, ນຳເອົາຜົນປະ ໂຫຍດຕົວຈິງມາສູ່ປະຊາຊົນ ສອງຊາດ ລາວ-ຈີນ ນັບມື້ນັບ ຫຼາຍຂຶ້ນ.

ສະຫາຍ ບຸນທອງ ຈິດມະ ນີ ໄດ້ເນັ້ນໜັກວ່າການຈັດກອງ ປະຊຸມສຳມະນາທິດສະດີ ລະຫວ່າງ 2 ພັກ ລາວ-ຈີນ ຄັ້ງທີ 7 ພາຍໃຕ້ຫົວຂໍ້:”ພຶດຕິກຳ ແລະ ບົດຮຽນແຫ່ງການດຳເນີນການ ປ່ຽນແປງໃໝ່ຮອບດ້ານມີຫຼັກ ການຢູ່ ສປປ ລາວ ກັບການ ປະຕິຮູບ ແລະ ເປີດປະຕູສູ່ ພາຍນອກຢູ່ ສປ ຈີນ” ເປັນ ຫົວຂໍ້ທີ່ມີຄວາມໝາຍສຳຄັນ ແລະ ຈະເປັນໂອກາດອັນດີໃຫ້ ສອງຝ່າຍໄດ້ຮ່ວມກັນແລກ ປ່ຽນ-ຖອດຖອນບົດຮຽນນຳ ກັນ. ສະຫາຍ ບຸນທອງ ຈິດມະນີ ຍັງໄດ້ສະແດງຄວາມຊົມເຊີຍ ຕໍ່ວັນສ້າງຕັ້ງພັກກອມມູນິດຈີນ ທີ່ໝູນວຽນມາບັນຈົບຄົບຮອບ 97 ປີ ແລະ ສະແດງຄວາມ ເຊື່ອໝັ້ນວ່າພາຍໃຕ້ການນຳ ພາອັນສະຫຼາດສ່ອງໃສ ແລະ ໜັກແໜ້ນຂອງສູນກາງພັກ ກອມມູນິດຈີນ ທີ່ມີ ສະຫາຍ ສີຈິ້ນຜິງ ເປັນແກນນຳນັ້ນ ປະ ຊາຊົນຈີນອ້າຍນ້ອງ ຈະບັນລຸ ເປົ້າໝາຍການສ້າງສັງຄົມນິ ຍົມທີ່ມີສີສັນພິເສດຂອງຈີນ ຢ່າງແນ່ນອນ.

ສະຫາຍ ຮວງຄຸນມິງ ໄດ້ສະແດງຄວາມຊົມເຊີຍຕໍ່ ຜົນສຳເລັດໃນການສ້າງສາພັດ ທະນາປະເທດຊາດຂອງປະ ຊາຊົນລາວ ພາຍໃຕ້ການນຳ ພາອັນສະຫຼາດສ່ອງໃສ ແລະ ໜັກແໜ້ນຂອງພັກປະຊາຊົນ ປະຕິວັດລາວ, ພ້ອມທັງໄດ້ຕີ ລາສູງຕໍ່ການຈັດກອງປະຊຸມ ສຳມະນາທິດສະດີລະຫວ່າງ ສອງພັກ ລາວ-ຈີນ ຄັ້ງທີ 7. ໃນໂອກາດພົບປະ, ສອງຝ່າຍ ຍັງໄດ້ແຈ້ງໃຫ້ກັນຊາບກ່ຽວກັບ ສະພາບການທີ່ພົ້ນເດັ່ນພາຍ ໃນປະເທດຂອງຕົນ, ຕີລາຄາ ສູງຕໍ່ການພົວພັນຮ່ວມມືລະ ຫວ່າງສອງພັກ, ສອງລັດ ຕະ ຫຼອດໄລຍະທີ່ຜ່ານມາເວົ້າ ລວມ, ເວົ້າສະເພາະກໍແມ່ນ ການຢ້ຽມຢາມ ສປປ ລາວ ຂອງ ສະຫາຍເລຂາທິການໃຫຍ່, ປະທານປະເທດ ສີຈິ້ນຜິງ ໃນ ເດືອນພະຈິກ 2017 ຜ່ານມາ ແລະ ການຢ້ຽມຢາມ ສປ ຈີນ ຂອງສະຫາຍ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິ ຫານງານສູນກາງພັກ ປປ ລາວ ປະທານປະເທດ ແຫ່ງ ສປປ ລາວ ໃນຕົ້ນເດືອນມິຖຸນາທີ່ ຜ່ານມາ ຊຶ່ງເປັນການປະກອບ ສ່ວນສຳຄັນເຂົ້າໃນການສືບຕໍ່ ເພີ່ມທະວີການພົວພັນຮ່ວມມື ລະຫວ່າງສອງພັກ, ສອງລັດ ໃຫ້ນັບມື້ນຳຜົນປະໂຫຍດຕົວ ຈິງມາສູ່ປະຊາຊົນ 2 ຊາດ ລາວ-ຈີນ.


 ພາບ ແລະ ຂ່າວ: ຄຕພ
© ໂຕະນໍ້າຊາ  | www.tonamcha.com | www.tonamchanews.com

_______

No comments

Powered by Blogger.