Header Ads

ເລຂາທິການໃຫຍ່ ຕ້ອນຮັບຄະນະຜູ້ແທນ ຂັ້ນສູງພັກກອມມູນິດຈີນ




ສະຫາຍ ບຸນຍັງ ວໍລະຈິດ ເລຂາທິການໃຫຍ່ ປະທານປະເທດ ໄດ້ໃຫ້ກຽດຕ້ອນຮັບການເຂົ້າ ຢ້ຽມຂ່ຳນັບຂອງສະຫາຍ ຮວງ ຄຸນມິງ ກຳມະການກົມການເມືອງສູນກາງພັກ ເລຂາທິການສູນ ກາງພັກ ຫົວໜ້າຄະນະໂຄສະນາສູນກາງພັກກອມມູນິດຈີນ ທີ່ສຳນັກງານສູນກາງພັກ ເມື່ອຕອນ ບ່າຍຂອງວັນທີ 2 ກໍລະກົດນີ້. ໃນການພົບປະ, ສະຫາຍ ບຸນຍັງ ວໍລະຈິດ ສະແດງຄວາມຍິນດີຕ້ອນຮັບ ສະຫາຍ ຮວງຄຸນ ມິງ ພ້ອມ ຄະນະ, ຕີລາຄາສູງຕໍ່ການມາ ຢ້ຽມຢາມ ສປປ ລາວ ແລະ ເຂົ້າຮ່ວມກອງປະຊຸມສຳມະ ນາທິດສະດີລະຫວ່າງສອງພັກ ລາວ-ຈີນ ຄັ້ງທີ 7 ຊຶ່ງເປັນການ ຈັດຕັ້ງຜັນຂະຫຍາຍຜົນຂອງ ການພົບປະລະຫວ່າງການນຳ ຂັ້ນສູງສຸດຂອງສອງພັກລາວ-ຈີນ ທີ່ໄດ້ເປັນເອກະພາບກັນ ໃນໄລຍະທີ່ຜ່ານມາກ່ຽວກັບ ການຮັກສາການແລກປ່ຽນ ຢ້ຽມຢາມລະຫວ່າງການນຳຂັ້ນ ສູງຂອງສອງພັກຢ່າງ ປົກກະຕິ ແລະ ການຜັດປ່ຽນກັນເປັນ ເຈົ້າພາບຈັດກອງປະຊຸມສຳ ມະນາທິດສະດີລະຫວ່າງສອງ ພັກ ລາວ – ຈີນໃນທຸກປີການ ມາຢ້ຽມຢາມ ສປປ ລາວ ຂອງ ສະຫາຍ ຮວງຄຸນມິງ ໃນຄັ້ງນີ້ ໄດ້ເປັນການປະກອບ ສ່ວນສຳຄັນເຂົ້າໃນການສືບຕໍ່ ເສີມຂະຫຍາຍສາຍພົວພັນ ແບບຄູ່ຮ່ວມຍຸດທະສາດຮອບ ດ້ານໝັ້ນຄົງຍາວນານຕາມ ທິດ 4 ດີ ກໍຄື ການເປັນຄູ່ ຮ່ວມຊາຕາກຳສັງຄົມນິຍົມ ທີ່ບໍ່ສາມາດທັບມ້າງໄດ້ລະ ຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຈີນ ໃຫ້ນັບມື້ແຕກດອກ ອອກຜົນຍິ່ງໆຂຶ້ນ.



ກອງປະຊຸມ ສຳມະນາທິດສະດີ 2 ພັກ ລາວ-ຈີນ ຄັ້ງນີ້ ພາຍໃຕ້ຫົວຂໍ້: “ພຶດຕິກຳ ແລະ ບົດຮຽນ ແຫ່ງ ການດຳເນີນການປ່ຽນແປງ ໃໝ່ຮອບດ້ານ ມີຫຼັກການຢູ່ ສປປ ລາວ ແລະ ການປະຕິ ຮູບ-ເປີດປະຕູສູ່ພາຍນອກຢູ່ ສປ ຈີນ” ເປັນຫົວຂໍ້ທີ່ມີຄວາມ ສຳຄັນຫຼາຍ, ສອງຝ່າຍ ໄດ້ຄົ້ນ ຄວ້າ ແລະ ແລກປ່ຽນບົດຮຽນ ຊຶ່ງກັນ ແລະ ກັນ ເພື່ອເສີມຂະ ຫຍາຍຄັງສາງທິດສະດີຂອງ ພັກ ໃນການສ້າງສາພັດທະນາ ປະເທດສູ່ຈຸດໝາຍສັງຄົມນິຍົມ. ສະຫາຍ ບຸນຍັງ ວໍລະຈິດ ໄດ້ ສະແດງຄວາມຊົມເຊີຍໃນໂອ ກາດວັນສ້າງຕັ້ງພັກກອມມູນິດ ຈີນ ຄົບຮອບ 97 ປີ (1/7/ 1921-1/7/2018), ທັງສະ ແດງຄວາມເຊື່ອໝັ້ນວ່າ ພາຍ ໃຕ້ການນຳພາອັນສະຫຼາດສ່ອງ ໃສ ແລະ ໜັກແໜ້ນຂອງສູນ ກາງພັກກອມມູນິດຈີນ ທີ່ຖື ສະຫາຍ ສີ ຈິ້ນຜິງ ເປັນແກນ ນຳຂອງພັກ ຈະສືບຕໍ່ຍາດໄດ້ ໄຊຊະນະອັນໃຫຍ່ຫຼວງກວ່າ ເກົ່າ ແລະ ບັນລຸການກໍ່ສ້າງສັງ ຄົມນິຍົມທີ່ມີສີສັນພິເສດຂອງ ຈີນ ຕາມເປົ້າໝາຍທີ່ວາງໄວ້ ຢ່າງມີໄຊ.

ສະຫາຍ ຮວງຄຸນມິງ ສະ ແດງຄວາມຂອບໃຈຕໍ່ການ ຕ້ອນຮັບຂອງ ສະຫາຍເລຂາທິ ການໃຫຍ່ ບຸນຍັງ ວໍລະຈິດ ທີ່ ໄດ້ຕີລາຄາສູງຕໍ່ຜົນສຳເລັດ ທີ່ ປະຊາຊົນລາວ ຍາດມາໄດ້ພາຍ ໃຕ້ການນຳພາຂອງພັກປະຊາ ຊົນ ປະຕິວັດລາວ, ຕີລາຄາສູງ ຕໍ່ການຢ້ຽມຢາມ ສປ ຈີນ ຂອງ ສະຫາຍ ບຸນຍັງ ວໍລະຈິດ ໃນ ໄລຍະຕົ້ນເດືອນມິຖຸນາທີ່ຜ່ານ ມາ ທີ່ໄດ້ມີໝາກຜົນອັນອຸດົມ ສົມບູນຫຼາຍປະການ, ເຊື່ອໝັ້ນ ວ່າພາຍໃຕ້ທິດຊີ້ນຳຂອງການ ນຳຂັ້ນສູງຂອງສອງພັກລາວ- ຈີນ ທີ່ໄດ້ເປັນເອກະພາບກັນ ນັ້ນ ຈະເປັນການຊີ້ທິດທີ່ໜັກ ແໜ້ນໃຫ້ແກ່ການຊຸກຍູ້ເສີມ ຂະຫຍາຍການພົວພັນລາວ- ຈີນ ທີ່ເປັນມູນເຊື້ອໃຫ້ນັບມື້ມີ ການພົວພັນຮ່ວມມືທີ່ມີປະສິດ ທິຜົນ ແລະ ກວ້າງຂວາງຍິ່ງໆ ຂຶ້ນ.

ສະຫາຍ ຮວງຄຸນມິງ ກ່າວວ່າ: ການຢ້ຽມຢາມລະ ຫວ່າງການນຳຂັ້ນສູງຂອງສອງ ພັກ, ສອງລັດ ແລະ ການຈັດ ກອງປະຊຸມສຳມະນາທິດສະດີ ລະຫວ່າງສອງພັກ ລາວ-ຈີນ ກໍເປັນກິດຈະກຳສຳຄັນໜຶ່ງ ຂອງເນື້ອໃນການຮ່ວມມືສອງ ພັກ ຊຶ່ງສະແດງໃຫ້ເຫັນເຖິງ ຄວາມໄວ້ເນື້ອເຊື່ອໃຈ, ມີ ຄວາມເຊື່ອໝັ້ນຊຶ່ງກັນ ແລະ ກັນ ທາງດ້ານການເມືອງ ທັງ ເປັນໂອກາດດີໃນການແລກ ປ່ຽນຄຳຄິດຄຳເຫັນຮ່ວມກັນ ຂອງທັງສອງຝ່າຍ. ຝ່າຍຈີນ ຍິນດີຈະຮ່ວມກັບຝ່າຍລາວ ສືບຕໍ່ເສີມຂະຫຍາຍການພົວ ພັນຮ່ວມມືດ້ານທິດສະດີ ແລະ ພຶດຕິກຳ, ເພື່ອສືບຕໍ່ຊຸກຍູ້ໃຫ້ ການພົວພັນລາວ-ຈີນ ນັບມື້ ໄດ້ຮັບການເສີມຂະຫຍາຍໃຫ້ ກວ້າງຂວາງອອກຢ່າງບໍ່ຢຸດຢັ້ງ.


ຂ່າວ: ຄຕພ, ພາບ: ພູວຽງຄຳ
© ໂຕະນໍ້າຊາ  | www.tonamcha.com | www.tonamchanews.com

_______

No comments

Powered by Blogger.