Header Ads

ລາວ-ຈີນ ຫາລືຂອບການຮ່ວມມື ດ້ານເສດຖະກິດ




ໃນລະຫວ່າງວັນທີ 10- 14 ກໍລະກົດ 2018 ນີ້, ຄະນະ ຜູ້ແທນຂັ້ນສູງຂອງສູນຄົ້ນຄວ້າ ການພັດທະນາເສດຖະກິດ ຂອງສະພາແຫ່ງລັດ ສປ ຈີນ ນຳໂດຍ ທ່ານ ຫວັງ ອານຊຸນ ຮອງຫົວໜ້າສູນ ໄດ້ເດີນທາງ ມາຢ້ຽມຢາມ ແລະ ເຮັດວຽກ ຢູ່ ສປປ ລາວ ຊຶ່ງມີຈຸດປະສົງ ໃນ ການຜັນຂະຫຍາຍວຽກງານ ການຄົ້ນຄວ້າຮ່ວມມືດ້ານເສດ ຖະກິດລາວ-ຈີນ ຊຶ່ງປະກອບ ດ້ວຍຂະແໜງການກະສິກຳ, ພື້ນຖານໂຄງລ່າງ, ເຂດເສດ ຖະກິດ ແລະ ອື່ນໆ.

ພິທີພົບປະສອງຝ່າຍລະ ຫວ່າງສະຖາບັນຄົ້ນຄວ້າເສດ ຖະກິດແຫ່ງຊາດ ແລະ ສູນຄົ້ນ ຄວ້າການພັດທະນາເສດຖະ ກິດຂອງສະພາແຫ່ງລັດ ສປ ຈີນ ໄດ້ຈັດຂຶ້ນໃນວັນທີ 10 ກໍ ລະກົດ ຜ່ານມານີ້ ທີ່ສະຖາບັນ ຄົ້ນຄວ້າເສດຖະກິດແຫ່ງຊາດ (NIER) ຊຶ່ງຝ່າຍລາວນຳໂດຍ ທ່ານ ບົວສອນ ບຸບຜາວັນ ຫົວ ໜ້າສະຖາບັນຄົ້ນຄວ້າເສດຖະ ກິດແຫ່ງຊາດ ພ້ອມຄະນະ ແລະ ຝ່າຍຈີນນຳໂດຍ ທ່ານ ຫວັງ ອານຊຸນ ພ້ອມຄະນະ.

ການ ພົບປະຄັ້ງນີ້ ເນັ້ນໃສ່ຫົວຂໍ້ແລກ ປ່ຽນ “ຂອບການຮ່ວມມື ແລວ ເສດຖະກິດລາວ-ຈີນ ຕາມນະ ໂຍບາຍ “ໜຶ່ງແລວ ໜຶ່ງເສັ້ນ ທາງ” ຊຶ່ງສູນຄົ້ນຄວ້າການພັດທະນາ ເສດຖະກິດຂອງສະພາແຫ່ງ ລັດ ສປ ຈີນ ເປັນອົງກອນທີ່ ຄົ້ນຄວ້າ ແລະ ເປັນທີ່ປຶກສາ ດ້ານນະໂຍບາຍ ໂດຍກົງພາຍ ໃຕ້ສະພາແຫ່ງລັດຂອງປະ ເທດຈີນ (ຫ້ອງການລັດຖະ ບານຈີນ). ໜ້າທີ່ຫຼັກຂອງສູນ ດັ່ງກ່າວ ແມ່ນຄົ້ນຄວ້າກ່ຽວ ກັບເລື່ອງຕ່າງໆໂດຍລວມ, ກວມລວມ, ເປັນຍຸດທະສາດ ໃນການພັດທະນາເສດຖະກິດ ແລະ ສັງຄົມຂອງຊາດ ແລະ ສະເໜີຄຳແນະນຳດ້ານນະ ໂຍບາຍ ແລະ ການໃຫ້ຄຳປຶກ ສາແກ່ລັດຖະບານຈີນ ແລະ ສູນກາງພັກ.

ກອງປະຊຸມໄດ້ເປັນເອກະ ພາບໃນການສ້າງຂອບການ ຮ່ວມມືຄົ້ນຄວ້າຂອງສອງສະ ຖາບັນ ຊຶ່ງຈະມີການສືບຕໍ່ຜັນ ຂະຫຍາຍໃນດ້ານລາຍລະ ອຽດຂອງຫົວຂໍ້ຄົ້ນຄວ້າຕ່າງໆ ເພື່ອເປັນບ່ອນອີງໃນການສ້າງ ແຜນແມ່ບົດການພັດທະນາ ແລວເສດຖະກິດລາວ-ຈີນ ຕາມນະໂຍບາຍ “ໜຶ່ງແລວ ໜຶ່ງເສັ້ນທາງ”. ນອກຈາກນັ້ນ ກອງປະຊຸມຍັງໄດ້ຕົກລົງເຫັນ ດີສ້າງຕາໜ່າງຄັງປັນຍາດ້ານ ການຄົ້ນຄວ້ານະໂຍບາຍເສດ ຖະກິດ-ສັງຄົມໃຫ້ແກ່ລັດຖະ ບານຂອງສອງປະເທດ.


ພາບ ແລະ ຂ່າວ: ສະຖາບັນຄົ້ນຄວ້າ ເສດຖະກິດ
© ໂຕະນໍ້າຊາ  | www.tonamcha.com | www.tonamchanews.com

_______

No comments

Powered by Blogger.