Header Ads

ທ່ານ ບຸນຍັງ ວໍລະຈິດ ປະທານປະເທດລາວ ຢ້ຽມຢາມ ສສ ຫວຽດນາມ



ໂດຍຕອບສະໜອງຕາມຄຳເຊີນຂອງສະຫາຍ ຫງວຽນຟູຈ້ອງ ເລຂາທິການໃຫຍ່ຄະນະບໍລິ ຫານງານສູນກາງພັກກອມມູນິດຫວຽດນາມ ພ້ອມດ້ວຍພັນລະຍາ ແລະ ສະຫາຍ ເຈີນ ດາຍ ກວາງ ປະທານປະເທດ ແຫ່ງ ສສ ຫວຽດນາມ ພ້ອມດ້ວຍພັນລະຍາ, ສະຫາຍ ບຸນຍັງ ວໍລະຈິດ ເລຂາ ທິການໃຫຍ່ ຄະນະບໍລິຫານງານສູນກາງພັກປະຊາຊົນ ປະຕິວັດລາວ ປະທານປະເທດ ແຫ່ງ ສາທາ ລະນະລັດ ປະຊາທິປະໄຕ ປະຊາຊົນລາວ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງຂອງ ພັກ-ລັດລາວ ໄດ້ທຳການຢ້ຽມຢາມ ສສ ຫວຽດນາມ ແຕ່ວັນທີ 3-7 ກໍລະກົດ 2018. ໃນໄລຍະຢ້ຽມຢາມ, ສະຫາຍ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານ ສູນກາງພັກປະຊາຊົນ ປະຕິວັດລາວ ປະທານປະເທດ ແຫ່ງ ສປປ ລາວ ໄດ້ພົບປະກັບສະຫາຍ ຫງວຽນຟູຈ້ອງ ເລຂາທິການໃຫຍ່ຄະນະບໍລິຫານງານສູນກາງພັກ ກອມມູນິດຫວຽດນາມ, ສະ ຫາຍ ເຈິ່ນດ້າຍກວາງ ກຳມະ ການກົມການເມືອງສູນກາງ ພັກ ປະທານປະເທດ ແຫ່ງ ສສ ຫວຽດນາມ, ສະຫາຍນາຍົກ ລັດຖະມົນຕີ ຫງວຽນຊວນ ຟຸກ ແລະ ສະຫາຍປະທານສະພາ ແຫ່ງຊາດ ຫງວຽນທິກິມເງິນ.



ໃນການພົບປະພາຍໃຕ້ບັນ ຍາກາດທີ່ເຕັມໄປດ້ວຍໄມຕີ ຈິດມິດຕະພາບທີ່ສະໜິດສະ ໜົມຖານສະຫາຍອ້າຍນ້ອງ; ສອງຝ່າຍໄດ້ແຈ້ງໃຫ້ກັນຊາບ ກ່ຽວກັບສະພາບການທີ່ພົ້ນ ເດັ່ນຂອງແຕ່ລະພັກ, ແຕ່ລະ ປະເທດ; ພ້ອມກັນສັງເກດຕີ ລາຄາ ແລະ ແລກປ່ຽນຄຳຄິດ ຄຳເຫັນນຳກັນຢ່າງເລິກເຊິ່ງ ກົງໄປກົງມາກ່ຽວກັບການພົວ ພັນຮ່ວມມືລະຫວ່າງສອງພັກ, ສອງລັດ ໃນໄລຍະທີ່ຜ່ານມາ; ແລກປ່ຽນບົດຮຽນໃນວຽກງານ ກໍ່ສ້າງພັກ, ເພື່ອກະກຽມໃຫ້ແກ່ ກອງປະຊຸມໃຫຍ່ຄັ້ງຕໍ່ໄປຂອງ ສອງພັກ. ສອງຝ່າຍຢືນຢັນຈະ ສືບຕໍ່ເພີ່ມທະວີການພົວພັນ ຮ່ວມມືມິດຕະພາບທີ່ມີມູນ ເຊື້ອ, ຄວາມສາມັກຄີແບບພິ ເສດ ແລະ ການຮ່ວມມືຮອບ ດ້ານລະຫວ່າງສອງພັກ, ສອງ ລັດ ແລະ ປະຊາຊົນສອງຊາດ ລາວ ແລະ ຫວຽດນາມ ໃຫ້ຂຶ້ນ ສູ່ລະດັບສູງໃໝ່, ແລກປ່ຽນທັດ ສະນະກ່ຽວກັບບັນຫາພາກພື້ນ ແລະ ສາກົນພົ້ນເດັ່ນຈຳນວນ ໜຶ່ງ ທີ່ສອງຝ່າຍມີຄວາມສົນ ໃຈຮ່ວມກັນ.

ໃນໄລຍະຂອງການຢ້ຽມ ຢາມ ສສ ຫວຽດນາມ, ສະ ຫາຍເລຂາທິການໃຫຍ່ ປະ ທານປະເທດ ບຸນຍັງ ວໍລະຈິດ ພ້ອມດ້ວຍຄະນະ ຍັງໄດ້ໄປ ຢ້ຽມຢາມພື້ນຖານການຜະລິດ, ຮູບແບບການສ້າງຊົນນະບົດ ໃໝ່ ກໍຄືການແກ້ໄຂຄວາມທຸກ ຍາກໃຫ້ແກ່ປະຊາຊົນຢູ່ຂັ້ນ ຮາກຖານ ແລະ ສະຖານທີ່ສຳ ຄັນທາງດ້ານປະຫວັດສາດ ແລະ ວັດທະນະທຳຈຳນວນ ໜຶ່ງຂອງ ຫວຽດນາມຢູ່ນະຄອນ ຫຼວງຮ່າໂນ້ຍ, ແຂວງແທັງຮວາ, ແຂວງນິ່ງບິ່ງ, ແຂວງຝູເຖາະ ແລະ ຢ້ຽມຢາມກອງບັນຊາ ການທະຫານເຂດ 2 ຂອງ ສສ ຫວຽດນາມ. ການມາຢ້ຽມຢາມ ສສ ຫວຽດນາມຄັ້ງນີ້ ເປັນການປະ ກອບສ່ວນອັນສຳຄັນເຂົ້າໃນ ການເພີ່ມທະວີສາຍພົວພັນມິດ ຕະພາບທີ່ມີມູນເຊື້ອ, ຄວາມ ສາມັກຄີພິເສດ ແລະ ການ ຮ່ວມມືຮອບດ້ານລະຫວ່າງສອງ ພັກ, ສອງລັດ ແລະ ປະຊາຊົນ ສອງຊາດລາວ-ຫວຽດນາມ ໃຫ້ ນັບມື້ຈະເລີນງອກງາມ ແລະ ແຕກດອກອອກຜົນຍິ່ງໆຂຶ້ນ.


ພາບ-ຂ່າວ: ຄະນະພົວພັນຕ່າງ ປະເທດສູນກາງພັກ
© ໂຕະນໍ້າຊາ  | www.tonamcha.com | www.tonamchanews.com

_______

No comments

Powered by Blogger.