Header Ads

ອົງການມະນຸດສະທຳອາຊຽນມອບເຄື່ອງຊ່ວຍເຫລືອແກ່ຜູ້ປະສົບໄພເມືອງສະໜາມໄຊ ແຂວງອັດຕະປື



ອົງການມະນຸດສະທຳຂອງອາຊຽນ ໄດ້ນຳເອົາເຄື່ອງ ອຸປະໂພກບໍລິໂພກ, ນ້ຳດື່ມ, ເຄື່ອງບັນເທົາທຸກ ແລະ ຢາປົວພະຍາດ ທີ່ໄດ້ຈາກການປຸກລະດົມ ນຳເຄືອຂ່າຍສະມາຊິກດ້ວຍກັນ ເພື່ອນຳໄປແຈກຢາຍຕໍ່ໃຫ້ປະຊາຊົນເມືອງສະໜາມໄຊແຂວງອັດຕະປືຂອງລາວ, ໂດຍໄດ້ນຳມາມອບໃຫ້ ກະຊວງແຮງງານ ແລະ ສະຫວັດດີການສັງຄົມ ໃນຕອນບ່າຍຂອງວັນທີ 27 ກໍລະກົດ 2018. 





ພິທີມອບຮັບ ໄດ້ຈັດຂຶ້ນ ຢູ່ສະໜາມບິນສາກົນວັດໄຕ, ນະຄອນຫລວງວຽງຈັນ, ໂດຍການໃຫ້ກຽດກ່າວມອບ ແມ່ນຜູ້ຕາງໜ້າຈາກ ປະເທດສະມາຊິກອາຊຽນ ທີ່ປະກອບດ້ວຍ ສິງປະໂປ, ອິນໂດເນເຊຍ, ຟີລິບປິນ; ກ່າວຮັບແມ່ນທ່ານ ຄຳແກ້ວ ສານບຸນຄຸນໄຊ ຮອງລັດຖະມົນຕີ ກະຊວງແຮງງານສະຫວັດດີການສັງຄົມ. ໃນໂອກາດນີ້, ທ່ານ ຄຳແກ້ວ ສານບຸນຄຸນໄຊ ໄດ້ໃຫ້ສຳພາດວ່າ: ປະຈຸບັນ, ກະຊວງແຮງງານ ແລະ ສະຫວັດດີການສັງຄົມ ແມ່ນໄດ້ຮັບເຄື່ອງຊ່ວຍເຫຼືອຈາກປະເທດຕ່າງໆ ທີ່ໄດ້ແຈ້ງເຈດຈຳນົງ ເຂົ້າມາ ໄດ້ຫຼາຍປະເທດແລ້ວ ຊຶ່ງປະກອບໄປດ້ວຍ ສິງກະໂປ, ຍີ່ປຸ່ນ, ໄທ, ສາທາລະນະລັດເກົາຫຼີ ແລະ ປະເທດອື່ນໆ. ເຄື່ອງທີ່ໄດ້ຮັບຈາກການຊ່ວຍເຫລືອໃນຄັ້ງນີ້ ຈະນຳໄປມອບໃຫ້ພະແນກແຮງງານ ສະຫວັດດີການສັງຄົມແຂວງອັດຕະປື ເພື່ອແຈກຍາຍຕໍ່ໃຫ້ປະຊາຊົນທີ່ໄດ້ຮັບຜົນກະທົບຈາກໄພພິບັດນ້ຳຖ້ວມໃນເວລານີ້.





ພາບ ແລະ ຂ່າວ: ວສລ 
© ໂຕະນໍ້າຊາ  | www.tonamcha.com | www.tonamchanews.com
_______



No comments

Powered by Blogger.