Header Ads

ໄຂກອງປະຊຸມລັດຖະບານ ສະໄໝສາມັນປະຈໍາເດືອນ ສິງຫາ 2018



ກອງປະຊຸມລັດຖະບານ ສະໄໝສາມັນປະຈໍາເດືອນ ສິງຫາ 2018 ໄດ້ໄຂຂຶ້ນຢ່າງເປັນທາງການ ໃນຕອນເຊົ້າຂອງວັນທີ 22 ສິງຫາ 2018 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ ທອງລຸນ ສີສຸລິດ ນາຍົກລັດຖະມົນຕີ, ມີບັນດາທ່ານຮອງນາຍົກລັດຖະມົນຕີ, ສະມາຊິກລັດຖະບານ ແລະ ແຂກຖືກເຊີນ ເຂົ້າຮ່ວມ.

ກອງປະຊຸມລັດຖະບານ ສະໄໝສາມັນປະຈໍາເດືອນ ສິງຫາ ຄັ້ງນີ້ ຈະໄດ້ພ້ອມກັນຄົ້ນຄວ້າ, ປະກອບຄໍາຄິດຄໍາເຫັນ ແລະ ພິຈາລະນາຮັບຮອງເອກະສານສຳຄັນຈຳນວນ 9 ລາຍການຄື:


1). ບົດລາຍງານກ່ຽວກັບສະພາບພົ້ນເດັ່ນ ພາຍໃນ ແລະ ຕ່າງປະເທດຄື:

-  ສະພາບພົ້ນເດັ່ນຂອງສາກົນ;

-  ສະພາບພົ້ນເດັ່ນກ່ຽວກັບໄພນໍ້າຖ້ວມ ໃນຂອບເຂດທົ່ວປະເທດ ແລະ ການແຂ້ໄຂໄພພິບັດຢູ່ແຂວງອັດຕະປື;

- ສະພາບພົ້ນເດັ່ນກ່ຽວກັບການເຄື່ອນໄຫວ ວຽກງານສືບສວນສອບສວນ ສາເຫດຄູກັນນໍ້າຂອງເຂື່ອນເຊປຽນ-ເຊນໍ້ານ້ອຍແຕກ ແລະ ການກວດກາຄວາມປອດໄພຂອງເຂື່ອນໃນຂອບເຂດທົ່ວປະເທດ.

2). ຮ່າງກົດໝາຍ ວ່າດ້ວຍລາຍເຊັນອີເລັກໂຕນິກ;

3). ຮ່າງກົດໝາຍ ວ່າດ້ວຍປະກັນສຸຂະພາບ;

4). ຮ່າງກົດໝາຍ ວ່າດ້ວຍການລົດໄຟ;

5). ຮ່າງກົດໝາຍ ວ່າດ້ວຍທະນາຄານທຸລະກິດ;

6). ຮ່າງປະມວນກົດໝາຍແພ່ງ;

7). ຮ່າງດໍາລັດ ວ່າດ້ວຍການຄຸ້ມຄອງ ແລະ ນໍາໃຊ້ຕາປະທັບ;

8). ຮ່າງດໍາລັດ ວ່າດ້ວຍການຄຸ້ມຄອງດ່ານຊາຍແດນ;

9). ຮ່າງດໍາລັດ ວ່າດ້ວຍການປັບໃໝ ແລະ ມາດຕະການອື່ນຕໍ່ການລະເມີດກົດໝາຍ ແລະ ລະບຽບການກ່ຽວກັບການຄວບຄຸມຢາສູບ.

 ກອງປະຊຸມລັດຖະບານ ສະໄໝສາມັນຄັ້ງນີ້ ຈະໄດ້ດໍາເນີນເປັນເວລາ 02 ວັນ ຄື: ວັນທີ 22-23 ສິງຫາ 2018.​


ແຫລ່ງ: ກົມ​ປະ​ຊາ​ສຳ​ພັນ, ພະ​ແນກ​ໂຄ​ສະ​ນາ 
© ໂຕະນໍ້າຊາ  | www.tonamcha.com | www.tonamchanews.com
_______


No comments

Powered by Blogger.