Header Ads

ປະທານປະເທດ ແຫ່ງ ສປປລາວເຄື່ອນເຮັດວຽກງານຢູ່ແຂວງເຊກອງ



ພະນະທ່ານ ທ່ານ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະທານ ປະເທດແຫ່ງ ສປປ ລາວໄດ້ເຄື່ອນໄຫວ ຢ້ຽມຢາມ ແລະເຮັດວຽກຢູ່ແຂວງເຊກອງໂດຍມີພະນະທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ພ້ອມຄະນະ.ໃຫ້ກຽດຕ້ອນຮັບຂອງ ທ່ານ ຄຳເຜີຍ ບຸດດາວຽງ ກຳມະການສູນກາງພັກ ເລຂາພັກແຂວງ ເຈົ້າແຂວງໆເຊກອງ ມີບັນດາທ່ານຫົວໜ້າຮອງພະແນກການຕ່າງໆອ້ອມຂ້າງແຂວງເຊີ່ງທີດັ່ງໄດ້ຈັດຂື້ນ ໃນວັນທີ17ສິງຫາ 2018 ທີ່ຫ້ອງຮັບແຂກໂຮງແຮມຫົງຄຳ.



ໂອກາດນີ້ ທ່ານ ຄຳເຜີຍ ບຸດດາວຽງ ເຈົ້າແຂວງໆເຊກອງ ໄດ້ກ່າວລາຍງານສະພາບຜົນເສຍຫາຍຈາກໄພນໍ້າຖ້ວມຢູ່ເມືອງກະລືມວ່າ: ທ້າຍເດືອນກລະກົດປີ 2018 ເມືອງກະລືມໄດ້ຮັບຜົນກະທົບຈາກໄພນໍ້າຖ້ວມຢ່າງໜັກເປັນຕົ້ນໄດ້ເຮັດໃຫ້ບ້ານເຮືອນຂອງປະຊາຊົນບ້ານວັກໄຕ້ໄດ້ຮັບຄວາມເສຍຫາຍ ພໍ່ແມ່ປະຊາຊົນຂາດທີ່ພັກພາອາໃສ ເຮືອນຊານຖືກນໍ້າເຊາະເຈື່ອນ ເສັ້ນທາງຖືກຕັດຂາດ 66 ກມ ເສົາໄຟຟ້າຫັກເປ້ເພເສຍຫາຍຫຼາຍຈຸດເຮັດໃຫ້ກະແສໄຟຟ້າຖືກຕັດຂາດໃນເທດສະບານເມືອງກະລຶມ ທໍ່ລອດທາງຖືກນ້ຳເຊາະເຈື່ອນ 3 ແຫ່ງ ,ດິນເຈື່ອນທັບທາງ 10 ຈຸດ,ເສັ້ນທາງຖືກນຳເຊາະເປັນຂຸມເລິກ 25 ຈຸດ,ເຄື່ອງຕິດຕໍ່ສື່ສານຖືກຕັດຂາດ,ເຮືອນຊານບ້ານຊ່ອງຂອງປະຊາຊົນໂດຍສະເພາະບ້ານວັກໄຕ້ຖືກນ້ຳຊຸໄຫຼ 24 ຫລັງຄາເຮືອນ,ແຕ່ບໍ່ມີຜຸ້ໄດ້ຮັບບາດເຈັບ ແລະ ເສຍຊີວິດ.ຈາກສະພາບດັ່ງກ່າວອຳນາດການປົກຄອງທ້ອງຖິ່ນກໍ່ໄດ້ເປັນເຈົ້າການຊີ້ນຳບັນດາຂະແໜງການ,ພະແນກການຂອງແຂວງ-ເມືອງຊ່ວຍເຫຼືອປະຊາຊົນຢ່າງທັນການ, ເປັນຕົ້ນ ໄດ້ຊ່ວຍການບູລະນະສ້ອມແປງເສັ້ນທາງ,ຂົວ,ໄຟຟ້າ ແລະ ການຕິດຕໍ່ສື່ສານ,ສາມາດຊ່ວຍເຫຼືອຂົນສົ່ງ:ດ້ານສະບຽງອາຫານ,ເຂົ້າກິນ,ເຄື່ອງອຸປະໂພກ-ບໍລິໂພກໄປຮອດໄປເຖິງປະຊາຊົນ. ພ້ອມທັງໄດ້ແຕ່ງຕັ້ງພະນັກງານແພໝໍຂອງແຂວງແລະເມືອງ ລົງຕິດຕາມຢ່າງໄກ້ຊິດ ເພື່ອຊວ່ຍເຫຼືອພໍ່ແມ່ປະຊາຊົນບັນດາເຜົ່າ ມາຮອດປະຈຸບັນນີ້ແຂວງສາມາດຟື້ນຟູຊ່ວຍເຫຼືອປະຊາຊົນເຂດເມືອງກະລຶມໂດຍສະເພາະແມ່ນບ້ານຖືກນ້ຳຖ້ວມ ໄດ້ສຳເລັດການປຸກສ້າງເຮືອນພັກອາໃສຊົ່ວຄາວໃຫ້ແກ່ປະຊາຊົນໄດ້ໂດຍພື້ນຖານ. 



ພາຍຫຼັງໄດ້ຮັບຟັງການລາຍງານສະພາບໄພນໍ້າຖ້ວມຢູ່ເມືອງກະລືມ ແຂວງເຊກອງຈາກທ່ານ ເຈົ້້າແຂວງໆເຊກອງແລ້ວ ພະນະທ່ານ ບຸນຍັງ ວໍລະຈິດ ປະທານປະເທດແຫ່ງ ສປປ ລາວ ກໍໄດ້ກ່າວສະແດງຄວາມຊົມເຊີຍຕໍ່ຄະນະພັກ ແລະ ອຳນາດການປົກຄອງທຸກຂັ້ນທີ່ໄດ້ສຸມໃສ່ແກ້ໄຂ ແລະໃຫ້ການຊ່ວຍເຫຼືອແກ່ພໍ່ແມ່ປະຊາຊົນຢ່າງທັນການ. ພ້ອມດຽວກັນ ທ່ານຍັງໄດ້ໃຫ້ທິດຊີ້ນຳຫຼາຍບັນຫາແກ່ອົງການປົກຄອງທຸກຂັ້ນ ນັບແຕ່ແຂວງຮອດເມືອງ ຈົ່ງສືບຕໍ່ໃຫ້ການຊ່ວຍເຫຼືອແກ່ປະຊາຊົນ ພ້ອມທັງຈະຕ້ອງເອົາໃຈໃສ່ໃນການເຝົ້າລະວັງສະພາບໄພພິບັດທີ່ອາດຈະເກີດຂຶ້ນໃນຕໍ່ໜ້າ ໂດຍການສ້າງໃຫ້ມີລະບົບເຊັ່ນ: ລະບົບປ້ອງກັນທີ່ຍືນຍົງ, ລະບົບແກ້ໄຂເວລາເກີດສະພາບ ແລະ ລະບົບຟື້ນຟູສະພາຍຫຼັງເກີດເຫດການ ພ້ອມນີ້ ຈະຕ້ອງໄດ້ກວດກາຄືນການຈັດສັນທີ່ ຢູ່ອາໄສ, ການຈັດສັນອາຊີບຂອງປະຊາຊົນ ໂອກາດນີ້ທ່ານ ປະທານປະເທດລາວກໍ່ໄດ້ມອບເງິນຈຳນວນ 250 ລ້ານກີບ ເພື່ອເປັນທຶນສົມທົບໃນການຊ່ວຍເຫຼືອປະຊາຊົນທີ່ຖືກຜົນກະທົບຈາກໄພນໍ້າຖ້ວມຢູ່ເມືອງກະລືມຕື່ມອີກ.




ພາບ ແລະ ຂ່າວ:ປີຊາ ສິງສັກສິດ
© ໂຕະນໍ້າຊາ  | www.tonamcha.com | www.tonamchanews.com
_______


No comments

Powered by Blogger.