Header Ads

ຍອດຜູ້ເສຍຊີວິດຈາກເຫດເຂື່ອນເຊປຽນ-ເຊນໍ້ານ້ອຍແຕກ ມາຮອດປັດຈຸບັນຍັງຢູ່ທີ່ 35 ສົບ



ການຄົ້ນຫາຜູ້ສາບສູນຈາກເຫດການໄພນໍ້າຖ້ວມຢູ່ເມືອງສະໜາມໄຊ ແຂວງອັດຕະປື ສືບຕໍ່ເປັນເວລາ 17 ມື້ ມາຮອດວັນທີ 9 ສິງຫາ 2018 ຍັງບໍ່ທັນພົບສົບຜູ້ເສຍຊີວິດເພີ່ມ, ຕົວເລກພົບສົບຍັງຢູ່ທີ່ 32 ສົບ ແລະ ຕົວເລກເສຍຊີວິດຢູ່ໂຮງໝໍ 3 ຄົນ, ລວມການເສຍຊີວິດມາຮອດມື້ນີ້ແມ່ນ 35 ຄົນ. ຂະນະດຽວກັນພາລະກິດການຊອກຄົ້ນຫາ ຍັງຈະດໍາເນີນຕໍ່ໄປ ໃຫ້ສຸດຄວາມສາມາດ, ນໍາໃຊ້ທຸກກໍາລັງແຮງທີ່ມີທັງພາຍໃນ ແລະ ການສົມທົບຊ່ວຍເຫລືອຂອງບັນດາປະເທດເພື່ອນມິດ.





ໃນຂະນະດຽວກັນວຽກງານຊ່ວຍເຫລືອ-ເບິ່ງແຍງຜູ້ປະສົບໄພໃນສູນພັກຊົ່ວຄາວ, ການກໍ່ສ້າງສູນພັກເຊົາຜູ້ປະສົບໄພ, ການສ້ອມແປງເສັ້ນທາງ ແລະ ອື່ນ ກໍ່ໄດ້ສືບຕໍ່ດໍາເນີນດ້ວຍຄວາມຂຸ້ນຂ້ຽວ ແລະ ມີຄວາມຄືບໜ້າແຕ່ລະວັນ.



ສ່ວນວຽກງານ ທີ່ຈະສືບຕໍ່ປະຈິບັດຢ່າງເລັ່ງດ່ວນກໍ ຍັງຈະແມ່ນການຊອກຄົ້ນຜູ້ທີ່ຍັງສາບສູນ, ພ້ອມທັງສໍາຫລວດຈໍານວນຄອບຄົວ, ຈໍານວນພົນ ແລະ ອອກບັດໃຫ້ສໍາເລັດໂດຍໄວ;ຈັດສັນ ແລະ ປຸກສ້າງທີ່ຢູ່ຊົ່ວຄາວຕາມ 5 ຈຸດ; ຕິດຕາມການສ້ອມແປງ-ກໍ່ສ້າງຂົວທາງ; ບໍລິຫານວຽກງານທີ່ກ່ຽວຂ້ອງດ້ານຕ່າງໆ ກ່ຽວກັບການກູ້ໄພ ແລະ ຟື້ນຟູ; ພ້ອມທັງສືບຕໍ່ເບີກຈ່າຍເງິນແຮຖົງແກ່ຄອບຄົວຜູ້ປະສົບໄພ ໃຫ້ສຳເລັດໂດຍໄວ.





© ໂຕະນໍ້າຊາ  | www.tonamcha.com | www.tonamchanews.com
_______



No comments

Powered by Blogger.