Header Ads

ຮອງນາຍົກ ເນັ້ນໃຫ້ກະຊວງ ຍທຂ ເອົາໃຈໃສ່ ຄຸ້ມຄອງໂຄງການກໍ່ສ້າງໃຫ້ໄດ້ມາດຕະຖານ ແນໃສ່ແກ້ໄຂ ແລະ ອັດຊ່ອງວ່າງການສວຍໂອກາດ ສໍ້ລາດບັງຫຼວງ ແລະ ສະພາບປະກົດການຫຍໍ້ທໍ້



ກອງປະຊຸມສາມັນຄົບ ຄະນະພັກກະຊວງໂຍທາທິ ການ ແລະ ຂົນສົ່ງ (ຍທຂ) ຄັ້ງທີ 12 ສະໄໝທີ IV (ເປີດກວ້າງ) ໄດ້ປິດລົງດ້ວຍຜົນສຳເລັດອັນ ຈົບງາມ ໃນວັນທີ 17 ສິງຫາ ຜ່ານມາ ໂດຍພາຍໃຕ້ການ ເປັນປະທານຂອງສະຫາຍ ບຸນທອງ ຈິດມະນີ ກຳມະການ ກົມການເມືອງສູນກາງພັກ ຄະ ນະເລຂາທິການສູນ ກາງພັກ ຮອງນາຍົກລັດຖະມົນຕີ ປະ ທານຄະນະກວດກາສູນກາງ ພັກ ປະທານອົງການກວດກາ ລັດຖະບານ ຫົວໜ້າອົງການ ຕ້ານການ ສໍ້ລາດບັງຫຼວງຂັ້ນສູນກາງຜູ້ຊີ້ ນຳ ແລະ ຕິດຕາມການຈັດຕັ້ງ ປະຕິບັດຜັນຂະຫຍາຍຜົນສຳ ເລັດຂອງບັ້ນດຳເນີນຊີວິດ ການເມືອງປັບປຸງປົວແປງພັກ ປີ 2017 ຢູ່ກະຊວງ ຍທຂ, ມີສະຫາຍ ບຸນຈັນ ສິນທະວົງ ກຳມະການສູນກາງພັກ ເລຂາ ຄະນະພັກກະຊວງ ລັດຖະມົນ ຕີກະຊວງ ຍທຂ, ມີບັນດາສະ ຫາຍຄະນະປະຈຳພັກ, ມີພາກ ສ່ວນກ່ຽວຂ້ອງເຂົ້າຮ່ວມ.


ສະຫາຍ ບຸນທອງ ຈິດມະນີ ໄດ້ໃຫ້ກຽດໂອ້ລົມ ແລະ ໄດ້ ເນັ້ນບາງຕອນສຳຄັນຕໍ່ກອງ ປະຊຸມວ່າ: ໃຫ້ຄະນະພັກກະ ຊວງ ຍທຂ ເພີ່ມທະວີການສຶກ ສາອົບຮົມການເມືອງ-ນຳພາ ແນວຄິດຂອງຖັນແຖວສະມາ ຊິກພັກ, ພະນັກງານ-ລັດຖະ ກອນໃຫ້ເຂັ້ມແຂງ ແລະ ເລິກ ເຊິ່ງກວ່າເກົ່າ ເພື່ອເຮັດໃຫ້ສະ ມາຊິກພັກ, ພະນັກງານມີ ຄວາມເປັນເອກະພາບກັບ ແນວທາງ, ແຜນນະໂຍບາຍ ຂອງພັກ, ກົດໝາຍ ແລະລະ ບຽບການຕ່າງໆຂອງລັດ, ຍົກ ສູງສະຕິຕໍ່ການຈັດຕັ້ງ, ມີສະຕິ ເຄົາລົບລະບຽບ-ກົດໝາຍ, ມີ ຄວາມຮັບຜິດຊອບ ແລະ ເປັນ ແບບຢ່າງໃນການປະຕິບັດໜ້າ ທີ່ວຽກງານທີ່ໄດ້ຮັບມອບໝາຍ, ມີຄວາມບໍລິສຸດສັດຊື່, ຈົງຮັກ ພັກດີຕໍ່ພັກ ແລະ ປະຊາຊົນ, ມີ ຈັນຍາບັນຖືກຕ້ອງ, ມີຄວາມ ເສຍສະຫຼະສູງ, ແກ້ໄຂແນວ ຄິດກຸ່ມກ້ອນ, ຄົນເຈົ້າ, ຄົນ ຂ້ອຍ, ແນວຄິດຈົ່ງຈຽມ, ຄອງ ເດີມ, ສວຍໂອກາດສໍ້ລາດບັງ ຫຼວງຫາຜົນປະໂຫຍດສ່ວນຕົວ ແລະ ອື່ນໆ, ການສຶກສາອົບ ຮົມຕ້ອງເຮັດດ້ວຍຫຼາຍຮູບ ການ, ຫຼາຍລະດັບ, ມີເນື້ອໃນ ແທດກັບຕົວຈິງ ແລະ ໜ້າທີ່ວິ ຊາສະເພາະ ໂດຍສົມທຽບໃສ່ ລະບຽບກົດໝາຍ ເປັນຕົ້ນແມ່ນ ກົດລະບຽບພັກ, ກົດໝາຍວ່າ ດ້ວຍພະນັກງານ-ລັດຖະກອນ, ກົດໝາຍຕ້ານການສໍ້ລາດບັງ ຫຼວງ ແລະ ອື່ນໆ.

ພ້ອມນັ້ນ ໃຫ້ສືບຕໍ່ສຸມໃສ່ສ້າງ ແລະ ປັບ ປຸງນິຕິກຳຂອງຂະແໜງໂຍທາ ທິການ-ຂົນສົ່ງ ເພື່ອເປັນເຄື່ອງ ມືໃນການຄຸ້ມຄອງບໍລິຫານຂະ ແໜງການໃຫ້ມີຄວາມໜັກ ແໜ້ນ-ເຂັ້ມແຂງ, ທັງເປັນ ການອັດຊ່ອງວ່າງການສວຍ ໂອກາດຕ່າງໆ ແນໃສ່ແກ້ໄຂ ສະພາບປະກົດການຫຍໍ້ທໍ້, ການສໍ້ລາດບັງຫຼວງທີ່ເກີດຂຶ້ນ ໃນຂະແໜງການຂອງຕົນໃຫ້ ໄດ້ບົນຈິດໃຈບຸກທະລຸທີ່ແຂງ ແຮງກວ່າເກົ່າ, ຄຽງຄູ່ກັນນັ້ນ ດ້ານວຽກງານວິຊາສະເພາະ ກໍຍັງມີຫຼາຍບັນຫາທີ່ເປັນສິ່ງ ທ້າທາຍ, ທົດສອບໃນເງື່ອນ ໄຂສະພາບເສດຖະກິດພວມ ມີຄວາມຫຍຸ້ງຍາກຖືກຜົນກະ ທົບຈາກພາຍນອກ, ການຜະ ລິດ, ການບໍລິການພາຍໃນປະ ເທດບໍ່ທັນຂະຫຍາຍຕົວຢ່າງ ແຂງແຮງ, ອັນພົ້ນເດັ່ນໃນປີນີ້ ແມ່ນປະເທດເຮົາຖືກປະສົບ ໄພນ້ຳຖ້ວມຢູ່ຫຼາຍແຂວງເຮັດ ໃຫ້ຊີວິດ ແລະ ຊັບສິນຂອງ ປະຊາຊົນຖືກເສຍຫາຍໜັກ ໜ່ວງ, ໃນນັ້ນມີທັງພື້ນຖານ ໂຄງລ່າງດ້ານຂົວ-ທາງ, ເຄຫາ ສະຖານຕ່າງໆກໍຖືກເສຍຫາຍ ເຊັ່ນກັນ.


ສະນັ້ນ ພວກເຮົາ ຕ້ອງເອົາໃຈໃສ່ສືບຕໍ່ປັບປຸງຄຸນ ນະພາບວຽກງານຂົວທາງ, ການຂົນສົ່ງ, ເຄຫາ ແລະ ຜັງ ເມືອງ, ນ້ຳປະປາ, ການຄຸ້ມຄອງ ລັດວິສາຫະກິດ ແລະ ວຽກ ງານສາມສ້າງໃຫ້ເຂົ້າສູ່ຄຸນນະ ພາບໃໝ່ ແລະ ດຳເນີນໄປຖືກ ຕ້ອງຕາມກົດໝາຍ ແລະ ລະ ບຽບການທີ່ໄດ້ກຳນົດ, ອັນນີ້ ສະເໜີໃຫ້ຄະນະພັກທຸກສະ ຫາຍປຶກສາຫາລືຊອກຫາສາ ເຫດໃນຕົວ-ນອກຕົວໃຫ້ເປັນ ເອກະພາບສູງ ແລະ ນຳພາແກ້ ໄຂໃຫ້ມີການຫັນປ່ຽນ, ເອົາ ໃຈໃສ່ຄຸ້ມຄອງການສຳຫຼວດ ອອກແບບຄິດໄລ່ ແລະ ມາດ ຖານເຕັກນິກການກໍ່ສ້າງໂຄງ ການຕ່າງໆໃຫ້ຖືກຕ້ອງຕາມ ກົດໝາຍກຳນົດໄວ້. ຖືສຳຄັນ ການສຶກສາອົບຮົມຈັນຍາບັນ ແລະ ຕິດຕາມກວດກາພະນັກ ງານທີ່ຢູ່ໃນຄວາມຮັບຜິດຊອບ ຂອງຕົນໃຫ້ແທດເຖິງເປັນປົກ ກະຕິ, ເດັດດ່ຽວແກ້ໄຂພະນັກ ງານທີ່ສວຍໃຊ້ໜ້າທີ່ສໍ້ລາດບັງ ຫຼວງດ້ວຍຮູບການຕ່າງໆໃຫ້ ເຂັ້ມງວດ, ທັນການ.

ຜ່ານມາ ເຫັນວ່າການແກ້ໄຂຍັງຊັກຊ້າ ຫຼື ແກ້ໄຂມີລັກສະນະເບົາບາງ, ຄວາມຜິດສົມຄວນລົງວິໄນ ຫຼື ລົງໂທດແຕ່ກໍ່ບໍ່ໄດ້ກວດກາ ແກ້ໄຂຢ່າງເຂັ້ມງວດ ເມື່ອຜູ້ ອື່ນຮູ້ເຫັນກໍເຮັດຕາມພາໃຫ້ ເປັນຂະບວນກວ້າງຂວາງແຜ່ ລາມ ແລະ ຊຳເຮື້ອ ຊຶ່ງສັງຄົມ ຍັງສືບຕໍ່ຕຳນິວິຈານ, ອັນພົ້ນ ເດັ່ນແມ່ນຂົງເຂດການກໍ່ສ້າງ ຂົວທາງ, ເຄຫາສະຖານ, ການ ຂົນສົ່ງ, ສືບຕໍ່ປັບປຸງກົງຈັກການ ຈັດຕັ້ງ ແລະ ພັດທະນາບຸກຄະ ລາກອນຂະແໜງໂຍທາທິການ – ຂົນສົ່ງເບິ່ງຄືນລະບົບການຈັດ ຕັ້ງ, ພາລະບົດບາດຂອງຂັ້ນ ກົມ, ທຽບເທົ່າກົມ, ພະແນກ ນັບທັງຢູ່ສູນກາງ ແລະ ທ້ອງ ຖິ່ນ, ຕ້ອງເອົາໃຈໃສ່ປັບປຸງ ການຈັດຕັ້ງຮາກຖານພັກ, ຊຸກ ຍູ້ການກໍ່ສ້າງໜ່ວຍພັກປອດ ໃສ, ເຂັ້ມແຂງ, ໜັກແໜ້ນ, ປັບ ປຸງແບບແຜນການນຳພາ ແລະ ແບບແຜນວິທີເຮັດວຽກຂອງ ຄະນະພັກ ຄະນະນຳແຕ່ລະ ຂັ້ນໃຫ້ຖືກຕ້ອງ ແລະ ມີວິທະ ຍາສາດ, ຕ້ອງເພີ່ມທະວີ ແລະ ຍົກສູງຄຸນນະພາບຂອງວຽກ ງານຕິດຕາມ, ກວດກາ ເພື່ອ ປ້ອງກັນ ແລະ ສະກັດກັ້ນປະ ກົດການຫຍໍ້ທໍ້ ສໍ້ລາດບັງຫຼວງ ດ້ວຍຮູບແບບຕ່າງໆ ເພາະວ່າ ບາງກໍລະນີການກວດກາອາດ ແຕະຕ້ອງເຖິງຜົນປະໂຫຍດ ຂອງບຸກຄົນໃດໜຶ່ງ, ບັນຫານີ້ ສະເໜີໃຫ້ຄະນະພັກເອົາໃຈ ໃສ່ປັບປຸງແກ້ໄຂໄວ ໂດຍຖື ເອົາຜົນປະໂຫຍດລວມເປັນ ຫຼັກ.



ສະຫາຍ ບຸນທອງ ຈິດ ມະນີ ເນັ້ນຕື່ມວ່າ: ວຽກງານ ໂຍທາທິການ ແລະ ຂົນສົ່ງມີ ຄວາມສຳຄັນຫຼາຍ (ເປັນປາຍ ແຫຼມ), ຕິດພັນໂດຍກົງກັບຜົນ ປະໂຫຍດຂອງທົ່ວສັງຄົມ. ສະ ນັ້ນ ຖ້າພວກສະຫາຍນຳພາ – ຄຸ້ມຄອງບໍ່ດີ, ບໍ່ຮັບປະກັນດ້ານ ຄຸນນະພາບຈະມີຜົນກະທົບ ໄປທາງລົບໄວທີ່ສຸດຄືບັນດາ ສະຫາຍໄດ້ຮັບຮູ້ມາແລ້ວ. ໃນໂອກາດດຽວກັນນີ້ ກອງປະຊຸມໄດ້ມີການປະດັບ ຫຼຽນໄຊແຮງງານຊັ້ນ II, ຊັ້ນ III, ຫຼຽນກາແຮງງານ ແລະ ໃບ ຍ້ອງຍໍລັດຖະບານໃຫ້ແກ່ກົມ ກອງລວມໝູ່ ແລະ ບຸກຄົນທີ່ມີ ຜົນງານດີເດັ່ນ ໂດຍໃຫ້ກຽດ ປະດັບຂອງສະຫາຍ ບຸນທອງ ຈິດມະນີ.

ຂ່າວ: ພູວັນ
© ໂຕະນໍ້າຊາ  | www.tonamcha.com | www.tonamchanews.com
_______




No comments

Powered by Blogger.