Header Ads

ປຶກສາຫາລືການຫ້າງຫາກະກຽມຂະບວນການແຫ່ຮູບຫຼໍ່ເໝືອນ ທ່ານ ອົງແກ້ວ



ກອງປະຊຸມຄະນະກໍາມະການເພື່ອປຶກສາຫາລືການຫ້າງຫາກະກຽມຂະບວນການແຫ່ຮູບຫຼໍ່ເໝືອນທ່ານ ອົງແກ້ວ ທີ່ແຂວງເຊກອງ ໄດ້ມີຂຶ້ນໃນຕອນເຊົ້າວັນທີ 23 ສິງຫານີ້ ຢູ່ທີ່ຫ້ອງປະຊຸມພະແນກ ຖະແຫຼງຂ່າວ, ວັດທະນະທໍາ ແລະທ່ອງທ່ຽວ (ຖວທ) ແຂວງເຊກອງ ໂດຍການເປັນປະທານຂອງທ່ານ ບູ່ໄຊ ໄຊຍະເສນ ກໍາມະການພັກແຂວງ, ຫົວໜ້າພະແນກ ຖວທ ແຂວງ, ມີຫົວໜ້າ-ຮອງພະແນກ, ຮອງເຈົ້າເມືອງລະມາມ ພ້ອມດ້ວຍບັນດາຄະນະກໍາມະການ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. 



ຈຸດປະສົງ ກອງປະຊຸມໃນຄັ້ງນີ້ ແມ່ນເພື່ອປຶກສາຫາລືການຫ້າງຫາກະກຽມຂະບວນການແຫ່ຮູບຫຼໍ່ເໝືອນທ່ານ ອົງແກ້ວ ເພື່ອມາປະດິດສະຖານໄວ້ທີ່ອະນຸສາວະລີສວນອົງແກ້ວ ແຂວງເຊກອງ, ລາຍງານຜົນສໍາເລັດໃນການຫຼໍ່ຮູບທ່ານ ອົງແກ້ວ ໂດຍມາຮອດປະຈຸບັນແມ່ນສໍາເລັດ 100% ເຊິ່ງແມ່ນບໍລິສັດຮັບເໝົາກໍ່ສ້າງ ຢູ່ນະຄອນຫຼວງ ຮ່າໂນ້ຍ ສສ ຫວຽດນາມ ເປັນຜູ້ຫຼໍ່ ມູນຄ່າທັງໝົດ 1 ຕື້ 822 ລ້ານກວ່າກີບ, ພ້ອມນັ້ນ ຍັງໄດ້ຜ່ານຮ່າງຂໍ້ຕົກລົງວ່າດ້ວຍການແຕ່ງຕັ້ງບັນດາອະນຸຮັບຜິດຊອບ ແລະ ພະນັກງານຊ່ວຍວຽກເພື່ອກະກຽມໃຫ້ແກ່ຂະບວນການແຮ່ຮູບເໜືອນທ່ານ ອົງແກ້ວ ຢ່າງສົມກຽດ ເຊິ່ງໄດ້ຜ່ານເນື້ອໃນແບບແຜນຂອງຂະບວນການແຫ່, ຈາກນັ້ນກໍໄດ້ພ້ອມກັນປະກອບຄໍາຄິດເຫັນໃສ່ຮ່າງຂໍ້ຕົກລົງ ແຕ່ງຕັ້ງບັນດາອະນຸກໍາມະການຮັບຜິດຊອບຕ່າງໆ, ຮູບແບບການຂອງຂະບວນການແຮ່ ແລະ ວຽກງານທີ່ພົວພັນກ່ຽວກັບຂະບວນການແຮ່ ໂດຍໄດ້ກໍານົດເອົາຈຸດເລີ່ມຈາກຫົວຂົວຂ້າມເຊກອງ ເປັນຈຸດເລີ່ມຕົ້ນ ແຮ່ອ້ອມເທສະບານແຂວງ ໂດຍການເຂົ້າຮ່ວມຂອງການນໍາແຂວງ, ອົງການຈັດຕັ້ງພັກ-ລັດ, ອົງການພຸດທະສາສະໜາ ແລະ ຂະບວນຕ່າງໆໃຫ້ເປັນຂະບວນຟົດຟື້ນ ແລະ ສົມກຽດ, ເຊິ່ງຄາດວ່າຂະບວນການດັ່ງກ່າວ ຈະໄດ້ຈັດຂື້ນໃນລະຫວ່າງກາງເດືອນ ຫຼ ທ້າຍເດືອນ ຕຸລາ 2018 ນີ້.

ທັງນີ້, ໄດ້ມອບໃຫ້ບັນດາອະນຸກໍາມະການ ສ້າງແຜນການເຄື່ອນໄຫວຂອງຕົນຢ່າງລະອຽດຈະແຈ້ງ ເພື່ອເຮັດໃຫ້ການຈັດຕັ້ງປະຕິບັດໜ້າທີ່ ແລະ ຄວາມຮັບຜິດຊອບຂອງແຕ່ລະອະນຸມີຜົນສໍາເລັດ ກໍ່ຄືເຮັດໃຫ້ຂະບວນການແຮ່ຮູບເໜືອນທ່ານ ອົງແກ້ວ ໄປປະດິດສະຖານໄວ້ທີ່ອະນຸສາວະລີສວນອົງແກ້ວ ໃຫ້ເປັນຂະບວນຟົດຟື້ນ ແລະສົມກຽດ.



ຂ່າວ-ພາບ: ນາລີວັນ
© ໂຕະນໍ້າຊາຂ່າວ | www.tonamchanews.com

_____


No comments

Powered by Blogger.