Header Ads

ທ່ານ ບຸນທອງ ຈິດມະນີ ເຄື່ອນໄຫວວຽກງານ ທີ່ແຂວງຈຳປາສັກ ແລະ ອັດຕະປື



ຈາກເຫດການສັນເຂື່ອນ D ຫຼື Saddle dam D ຂອງ ເຂື່ອນໄຟຟ້າເຊປຽນ-ເຊນໍ້າ ນ້ອຍແຕກໃນວັນທີ 23 ກໍລະ ກົດ 2018 ຜ່ານມາ ເຮັດໃຫ້ ມວນນ້ຳຈຳນວນ 500 ລ້ານ ກວ່າແມັດກ້ອນ ໄຫຼລົງສູ່ເມືອງ ສະໜາມໄຊ ແຂວງອັດຕະປື ຢ່າງໄວວາ ເຫດການນີ້ເກີດຂຶ້ນ ມາຮອດປັດຈຸບັນກໍເປັນເວລາ 1 ເດືອນກວ່າແລ້ວ ການຄົ້ນ ຫາຜູ້ສູນຫາຍຍັງສືບຕໍ່ການ ຊ່ວຍເຫຼືອຜູ້ປະສົບໄພຈາກ ພາກສ່ວນຕ່າງໆ ຍັງຄົງຮີບ ຮ້ອນ ແລະ ເລັ່ງດ່ວນເພື່ອຟື້ນ ຟູຊີວິດການເປັນຢູ່ຂອງປະຊາ ຊົນທີ່ໄດ້ຮັບຜົນກະທົບໃຫ້ກັບ ຄືນສູ່ສະພາບປົກກະຕິໄວເທົ່າ ທີ່ຈະໄວໄດ້. 

ຈາກເຫດການດັ່ງກ່າວ ໄດ້ສ້າງຄວາມເສຍຫາຍຕໍ່ຊີ ວິດ, ຊັບສິນຂອງປະຊາຊົນ ເປັນຈຳນວນມະຫາສານ ໂດຍ ສະເພາະແມ່ນເມືອງສະໜາມ ໄຊ ທີ່ເປັນເມືອງຕັ້ງຢູ່ລຸ່ມສັນ ເຂື່ອນ D ອັນໄດ້ເຮັດໃຫ້ປະຊາ ຊົນຢູ່ໃນ 13 ບ້ານໄດ້ຮັບຜົນ ກະທົບຢ່າງກະທັນຫັນ. ໃນນັ້ນ, ມີຈຳນວນ 6 ບ້ານທີ່ເປັນບ້ານ ລຽບຕາມສາຍນ້ຳເຊປຽນໄດ້ ຮັບຜົນກະທົບ 100%, ມີ ປະຊາຊົນທີ່ຖືກຜົນກະທົບ ແລະ ເສຍຫາຍໜັກ 1.611 ຄອບຄົວ, 7.095 ຄົນ, ໃນນີ້ ມີ ສູນ ຫາຍອີກ 98 ຄົນ ແລະ ຜູ້ເສຍຊີວິດ 39 ຄົນ (ອິງໃສ່ໂຕ ເລກວັນທີ 14 ສິງຫາ 2018) ສັດລ້ຽງ ແລະ ພື້ນທີ່ກະສິກຳ ຂອງປະຊາຊົນເສຍຫາຍຢ່າງ ຫຼວງຫຼາຍ ແລະ ປະຊາຊົນ ແຂວງຈຳປາສັກ ກໍໄດ້ຮັບຜົນ ກະທົບຈາກເຫດການນີ້ຈຳ ນວນໜຶ່ງ. 


ຍ້ອນຄວາມເປັນຫວງ ເປັນໄຍຂອງພັກ-ລັດ ຕໍ່ເຫດ ການດັ່ງກ່າວ ແລະ ເພື່ອກວດ ກາ, ສືບສວນ-ສອບສວນ ຫາ ສາເຫດຂອງການແຕກຂອງ ສັນເຂື່ອນ D ນັ້ນ ກອງປະຊຸມ ຂອງກົມການເມືອງຄັ້ງວັນທີ 30 ກໍລະກົດ 2018 ໄດ້ເຫັນ ດີໃຫ້ລັດຖະບານແຕ່ງຕັ້ງຄະ ນະສະເພາະກິດ ເພື່ອກວດກາ ເຫດການດັ່ງກ່າວ, ມາຮອດວັນ ທີ 8 ສິງຫາ 2018 ນາຍົກລັດ ຖະມົນຕີໄດ້ອອກຂໍ້ຕົກລົງເລກ ທີ 54/ນຍ ແຕ່ງຕັ້ງຄະນະຮັບ ຜິດຊອບສືບສວນ-ສອບສວນ ສາເຫດຄູກັ້ນນໍ້າເຂື່ອນໄຟຟ້າ ເຊປຽນ-ເຊນ້ຳນ້ອຍແຕກ ແລະ ອອກຂໍ້ຕົກລົງເລກທີ 55/ນຍ ແຕ່ງຕັ້ງຄະນະກວດກາຄວາມ ຮັບຜິດຊອບຂອງບຸກຄົນທີ່ຕິດ ພັນກັບສາເຫດທີ່ເຮັດໃຫ້ຄູກັ້ນ ນ້ຳຂອງເຂື່ອນໄຟຟ້າເຊປຽນ - ເຊນໍ້ານ້ອຍແຕກ ໂດຍມີທ່ານ ບຸນທອງ ຈິດມະນີ ກຳມະການ ກົມການເມືອງສູນກາງພັກ ຄະ ນະເລຂາທິການສູນກາງພັກ ຮອງນາຍົກລັດຖະມົນຕີ ປະ ທານຄະນະກວດກາສູນກາງ ພັກ ປະທານອົງການກວດກາ ລັດຖະບານ, ຫົວໜ້າຄະນະ ຕ້ານການສໍ້ລາດບັງຫຼວງຂັ້ນ ສູນ ກາງ ເປັນຜູ້ຊີ້ນຳຄະນະຮັບ ຜິດຊອບສືບສວນ-ສອບສວນ ຄູກັ້ນນ້ຳຂອງເຂື່ອນໄຟຟ້າເຊ ປຽນ - ເຊນ້ຳນ້ອຍແຕກ ແລະ ຄະນະກວດກາຄວາມຮັບຜິດ ຊອບຂອງບຸກຄົນທີ່ຕິດພັນກັບ ສາເຫດທີ່ເຮັດໃຫ້ຄູກັ້ນນ້ຳ ຂອງເຂື່ອນເຊປຽນ-ເຊນ້ຳນ້ອຍ ແຕກ. 

ຈາກນັ້ນ, ຄະນະດັ່ງ ກ່າວ ໄດ້ສ້າງແຜນການເຄື່ອນໄຫວ ແລະ ແຕ່ງຕັ້ງບັນດາໜ່ວຍງານ ຮັບຜິດຊອບຊ່ວຍວຽກຕ່າງໆ ຂຶ້ນມາ ພ້ອມທັງອເຊີນຜູ້ຊ່ຽວ ຊານຈາກຕ່າງປະເທດເພື່ອມາ ກວດກາຊ່ວຍ. ມາຮອດວັນທີ 19-20 ສິງຫາ 2018 ທ່ານ ບຸນທອງ ຈິດມະນີ ໂດຍມີທ່ານ ສຈ ດຣ Schlies ANTON ຈາກປະ ເທດສະວິດ ພ້ອມດ້ວຍນັກວິ ຊາການທີ່ກ່ຽວຂ້ອງຈຳນວນ ໜຶ່ງ ໄດ້ເດີນທາງລົງໄປກວດ ສະພາບການແຕກຕົວຈິງຂອງ ສັນເຂື່ອນ D ແລະ ພື້ນທີ່ເຂື່ອນ ຊ່ວຍອື່ນໆ ໂດຍມີເຈົ້າແຂວງ ຈຳປາສັກ ແລະ ແຂວງອັດ ຕະປື ລົງຕິດຕາມນຳ. ໃນໂອກາດນີ້ ທ່ານ ບຸນ ທອງ ຈິດມະນີ ໄດ້ຮັບຟັງການ ລາຍງານສະພາບໂດຍລວມ ເຕັກນິກຂອງໂຄງການ, ລາຍ ງານສາເຫດສັນເຂື່ອນແຕກ ຈາກບໍລິສັດຜູ້ລົງທຶນ, ການ ລາຍງານກ່ຽວກັບຜົນຂອງ ການກວດສອບສາເຫດການ ແຕກເບື້ອງຕົ້ນຈາກຜູ້ຮັບເໝົາ ແລະ ປຶກສາຫາລືບັນຫາຕ່າງໆ ຮ່ວມກັບບໍລິສັດຮັບເໝົາ ແລະ ວິຊາການຝ່າຍຕ່າງໆໃນການ ກວດກາບັນດາເຕັກນິກການກໍ່ ສ້າງລວມທັງການຊອກຫາສາ ເຫດຕົ້ນຕໍທີ່ສົ່ງຜົນເຮັດໃຫ້ສັນ ເຂື່ອນແຕກຄັ້ງນີ້. 


ໃນໂອກາດນີ້ ທ່ານ ບຸນທອງ ຈິດມະນີ ກໍໄດ້ໂອ້ລົມຕໍ່ການ ນຳທັງສອງແຂວງຈຳປາສັກ ແລະ ອັດຕະປື ຊຶ່ງທ່ານໄດ້ເນັ້ນ ໃຫ້ການນຳທັງ 2 ແຂວງ ສືບ ຕໍ່ເອົາໃນໃສ່ໃນການຊ່ວຍເຫຼືອ ປະຊາຊົນທີ່ໄດ້ຮັບຜົນກະທົບ ຈາກໄພພິບັດນ້ຳຖ້ວມເປັນ ຕົ້ນແມ່ນແຂວງອັດຕະປື ສືບ ຕໍ່ເອົາໃຈໃສ່ຟື້ນຟູການເປັນຢູ່ ຂອງປະຊາຊົນໃຫ້ກັບຄືນສູ່ ສະພາບເດີມໂດຍໄວ ເພື່ອເຮັດ ໃຫ້ປະຊາຊົນມີຊີວິດດີຂຶ້ນ. ສ່ວນບັນດາທ່ານທີ່ຮັບຜິດ ຊອບໃນການກວດກາ, ສືບ ສວນ-ສອບສວນ ຕ້ອງໄດ້ເອົາ ໃຈໃສ່ຮີບຮ້ອນໃນການກວດ ກາຊອກຫາສາເຫດການແຕກ ຂອງສັນເຂື່ອນໂດຍອີງໃສ່ບັນ ດາຂໍ້ມູນທີ່ທາງບໍລິສັດອອກ ແບບ, ບໍລິສັດຜູ້ຮັບເໝົາກໍ່ສ້າງ, ບໍລິສັດລົງທຶນສະໜອງໃຫ້ ລວມ ທັງຂໍ້ມູນຈາກການລົງກວດກາ ຕົວຈິງ, ຂໍ້ມູນຈາກວີດີໂອ, ຮູບ ຖ່າຍຕ່າງໆທັງກ່ອນ ແລະ ຫຼັງ ການກໍ່ສ້າງເພື່ອມາເປັນຂໍ້ມູນ ໃນການວິເຄາະຫາສາເຫດ. ພ້ອມທັງຍົກສູງສະຕິຕໍ່ຄວາມ ຮັບຜິດຊອບຕໍ່ໜ້າທີ່ ໃນໜ້າທີ່ ທີ່ໄດ້ຮັບການມອບໝາຍຈາກ ຂັ້ນເທິງ ເພື່ອຮັບປະກັນຄວາມ ໂປ່ງໃສ, ຍຸຕິທຳໃນການກວດ ກາ, ບັນດາບໍລິສັດຜູ້ຮັບເໝົາ ຕ້ອງໄດ້ເອົາໃຈໃສ່ສະໜອງຂໍ້ ມູນຕ່າງໆໃຫ້ແກ່ນັກວິຊາການ ທັງລາວ ແລະ ຕ່າງປະເທດ ແລະ ອຳນວຍຄວາມສະດວກ ໃນການເຄື່ອນໄຫວວຽກງານ ກວດກາຂອງຄະນະຮັບຜິດ ຊອບເພື່ອເຮັດໃຫ້ການກວດ ກາ, ສືບສວນ-ສອບສວນສຳ ເລັດຕາມກຳນົດເວລາ ແລະ ສາມາດແກ້ໄຂບັນຫາທີ່ເກີດ ຂຶ້ນມີປະສິດທິພາບ, ປະສິດທິ ຜົນ, ຖືກຕ້ອງຕາມກົດໝາຍ ແລະ ຄວາມເປັນຈິງ. 


ຂ່າວ: ແສງເພັດ ແຊຈ່າວ ( ຫນັງສືພິມປະຊາຊົນ)
© ໂຕະນໍ້າຊາຂ່າວ |  www.tonamcha.com
_____


No comments

Powered by Blogger.