Header Ads

ພິທີປິດຊຸດອົບຮົມຫັດແອບ ການເມືອງ ການທະຫານ ແລະ ພະລາທິການ-ເຕັກນິກ ໃຫ້ແກ້ກອງຫຼອນບ້ານ ນາທົ່ງ



ໃນຕອນແລງຂອງວັນທີ 14 ສິງຫາ 2018 ນີ້, ຢູ່ທີ່ຫ້ອງປະຊຸມ ໂຮງຮຽນບ້ານນາທົ່ງ ເມືອງນາໝໍ້ ແຂວງອຸດົມໄຊ ໄດ້ຈັດພິທີ ປິດຊຸດອົບຮົມ-ຫັດແອບ ການເມືອງ, ການທະຫານ ແລະ ພະລາທິການ-ເຕັກນິກ ໃຫ້ແກ່ກອງຫຼອນບ້ານນາທົ່ງ ເມືອງນາໝໍ້ ແຂວງອຸດົມໄຊ, ໂດຍການເປັນປະທ່ານ ຂອງສະຫາຍ ພັນໂທ ວິສອນ ໄຊຍະແສງ ຫົວໜ້າພະແນກກອງຫຼອນ ແຂວງອຸດົມໄຊ, ໃຫ້ກຽດເຂົ້າຮ່ວມໂດຍ ທ່ານ ສົມຈັນ ທະວີວັນຮັກ ຮອງເລຂາພັກເມືອງ ຮອງເຈົ້າເມືອງໆນາໝໍ້, ມີຄະນະພັກ-ຄະນະບັນຊາ, ຄະນະພັກຮາກຖານກຸ່ມບ້ານ,ພະນັກງານ, ຄູອາຈານ, ກອງຫຼອນ ແລະ ແຂກເຊີນເຂົ້າຮ່ວມ 80 ສະຫາຍຍິງ 6 ສະຫາຍ.




ໃນພິທີ ສະຫາຍ ຮ້ອຍໂທ ວຽງໄຊ ຢ່າງລີວອນ ໄດ້ຂື້ນຜ່ານບົດສະຫຼຸບຕີລາຄ່າຄືນການຈັດຕັ້ງອົບຮົມ-ຫັດແອບໃນໄລຍະ 9 ວັນຜ່ານມາ ເຊິງພາກການເມືອງບັນລຸໄດ້ 78,92%, ພາການທະຫານບັນລຸໄດ້ 74,4%, ພາກພະລາທິການ-ເຕັກນິກບັນລຸໄດ້ 75,47% ສະເລ່ຍລວມທັງສາມພາກບັນລຸໄດ້ 76,14%. ມີນັກຮຽນເກັ່ງ 26 ສະຫຍາຍ, ກາງ 45 ສະຫາຍ, ຄາດໝາຍ 11 ສະຫາຍ.

ໃນຕອນທ້າຍພິທີໄດ້ຮັບຟັງ ການໂອ້ລົມຂອງ ສະຫາຍ ພັນໂທ ວິສອນ ໄຊຍະແສງ ຫົວໜ້າພະແນກ ກອງຫຼອນ ທະຫານແຂວງອຸດົມໄຊ ກ່ອນອື່ນສະຫາຍໄດ້ກ່າວສະແດງຄວາມຍ້ອງຍໍຊົມເຊີຍ ຕໍ່ຜົນສຳເລັດໃນບັ້ນຝຶກອົບຮົມຄັ້ງນີ້ ພ້ອມທັງໃຫ້ສຶບຕໍ່ສຶກສາອົບຮົມ ການເມືອງນຳພາແນວຄິດ, ມີແບບແຜນວິທີເຮັດວຽກ, ເຮັດວຽກແບບລວມສູນປະຊາທິປະໄຕ, ມີຄວາມສາມັກຄີພາຍໃນ, ຫັ່ນລົງກໍ່ສ້າງຮາກຖານຢ່າງເປັນປົກກະຕິ ນຳເອົາເນື້ອໃນຈິດໃຈໃນບັ້ນຝຶກອົບຮົມໃນຄັ້ງນີ້ ໄປຈັດຕັ້ງຜັນຂະຫຍາຍໃຫ້ປະກົດຜົນເປັນຈິງ.
ຂ່າວ: ນາງວິໄລພອນ
© ໂຕະນໍ້າຊາ  | www.tonamcha.com | www.tonamchanews.com
_______


No comments

Powered by Blogger.